JAW JAU 2:3 - Jinghpaw Hanson Version Bible

³ Ngam nga ai shadung kumhpa gaw Arun hte shi a shadang sha ni a matu tai na rai nga ai: dai gaw Yehowa hpe wan hte nawng ai kumhpa ni hta na chyoi pra reng ai kumhpa rai nga ai.

Jinghpaw Common Language Bible 2009

³ Ngam ai shadung hkungga gaw hkinjawng ni a matu rai nna dai Madu hpe lusha hkungga nawng ya ai hta na shaw la ai majaw dai gaw grai chyoi pra nga ai.

JAW JAU 2:3 ပူးပေါင်းရင်းမြစ်များ

EZRA 2:63

Urim hte Htumim chye lang ai hkinjawng garai n pru yang, shanhte gaw chyoi pra htum ai lusha hpe n lu n sha na nga, nga nna munggyi wa gaw shanhte hpe hkang da mu ai.

PRU MAT 29:37

Nhtoi sanit ya tup dai tawn hkungri a matu htingrat hkungga nang nawng nna dai hpe shachyoi shapra na rai wu ai: shaloi dai gaw chyoi pra htum ai tawn hkungri rai na ra ai; dai tawn hkungri hpe hkra ai rai hpa mung, chyoi pra ai rai, rai na ra ai.

EZEKELA 44:29

Shanhte gaw shadung hkungga, mara raw hkungga hte htingrai htingrat hkungga a ashan hpe sha lu na mara ai: Israela amyu hta majai san da ai yawng mayawng hpe, shanhte lu la na mara ai.

EZEKELA 46:20

Shaloi shi gaw, Ndai shara gaw hkinjawng ni htingrai htingrat hkungga hte mara raw hkungga hpe shadu nna, shadung kumhpa hpe kabaw ai shara rai nga ai: mung masha ni hpe shachyoi shapra na matu, dai arai ni hpe shinggan wang de shapraw na n rai,” nga nna ngai hpe tsun ai.

JAW JAU 10:15

Wan hta nawng na sau man hkungga ni hte rau, manawt magyi hte nwat sinda, shanhte la sa na rai nna, dai hpe Yehowa a man e nwat hkungga di nna nwat na rai mu ai: dai gaw Yehowa a matsun nga ai hte maren, nang hte na a shadang sha ni lu la ai prat dingsa na kumhtaw rai malit dai, ngu wu ai.

JAW JAU 14:13

sagu la dai hpe htingrai hkungga hte wan nat hkungga sat ai chyoi pra ai shara e sat na rai wu ai: kaning rai nme law, htingrai hkungga shan hpe hkinjawng wa la lu ai zawn, mara raw hkungga shan mung la lu nga ai: dai gaw chyoi pra htum ai rai nga ai:

JAW JAU 2:10

Ngam nga ai shadung kumhpa gaw Arun hte shi a shadang sha ni a matu tai na rai nga ai: dai gaw Yehowa hpe wan hte nawng ai kumhpa ni hta na chyoi pra reng ai kumhpa rai nga ai.

JAW JAU 21:22

Chyoi pra ai hte chyoi pra htum ai hte seng ai, shi a Karai Kasang a muk gaw shi sha lu na rai wu ai:

JAW JAU 5:13

Ndai lam langai ngai hta shut hkrup yang, shut ai wa a matu hkinjawng wa gaw shing rai htingrai ya na rai nna, shut ai wa gaw yubak raw dat kau ai hkrum na ra ai: ngam ai hte gaw shadung kumhpa zawn, hkinjawng wa a matu rai nga ai, ngu wu ai.

JAW JAU 6:26

dai gaw chyoi pra htum ai rai nga ai. Htingrai hkungga nawng ai hkinjawng wa gaw, dai hkungga shan sha lu na rai nga ai; shan dai hpe, shawa sum a wang kata na chyoi pra ai shara e sha na rai wu ai.

JAW JAU 6:9

Wan hte hkungga nat nawng na tara a lam, Arun hte shi a shadang sha ni hpe ning ngu tsun u: Wan nat hkungga shan hpe tawn hkungri na wan mang hta shana de nna jahpawt du hkra nat da na rai mu ai: dai tawn hkungri na wan hpe tutnawng shagrung da lu na rai mu ai.

JAW JAU 7:7

Mara raw hkungga mung htingrai hkungga zawn rai nga ai rai nna tara langai sha rai nga ai: dai hte hkap htingrai htingrat ya ai hkinjawng wa gaw, dai hkungga shan mai la na rai wu ai.

JAW JAU 7:9

Wan htung e kabaw ai shadung kumhpa rai timung, di dam, di hpyen re ai ni hta gumrin ai rai timung, hkap la nawng ya ai hkinjawng wa mai la na rai nga ai.

BU HKAWM 18:9

Chyoi pra htum ai arai ni hta na wan hta n shang ai gaw nanhte a kumhtaw tai na rai nga ai: shanhte ngai hpe sak jaw ai kumhpa nlang hta na ngu na, shadung kumhpa shagu, htingrai hkungga shagu, mara raw hkungga shagu gaw nang hte na a shadang sha ni a matu chyoi pra htum ai rai na rai nga ai.

1 SAMUELA 2:28

nye a tawn hkungri ntsa e jaw jau ai amu, manam pyaw nat ai amu, nye a man e hpa hkai lawng hpun nna, hkinjawng amu gun hpai na matu, ngai shi hpe Israela amyu danghta hta na lata san tawn we ai n rai ni? dai hta kaga, Israela masha ni wan hte nat jau ai hkungga yawng mayawng na nji nwa ni hpe ngai jaw se ai n rai ni?