JAW JAU 10:3 - Jinghpaw Hanson Version Bible

³ Shaloi Mawshe gaw Arun hpe, Ngai kaw sit sa ai wa hta nye a chyoi pra ai lam ngai madun nna, amyu masha ni mahkra a man e ngai hpung shingkang lu la na we ai, nga nna Yehowa tsun ai gaw ndai zawn re ai lam hpe tau nna tsun ai rai nga ai, ngu wu ai. Arun gaw atsin sha rai nga ai.

Jinghpaw Common Language Bible 2009

³ Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

JAW JAU 10:3 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

YOBA 2:10

Shi chyawm gaw, “myit n gring ai num ni tsun ai zawn, nang tsun nga ndai; ataw, Karai Kasang a lata na kaja ai hpe hkam la nhtawm, n kaja ai hpe mung hkam la na, n mai nga a ni?” Ngu wu ai. Yoba gaw dai lam yawng hkrum timung, n-gup hte pyi n shut nga ai.

SHAKAWN KUNGDAWN 119:120

Nang hpe hkrit hkungga ai hte nye a ashan nshung si bun nga ai; Na a tara dara ai hpe mung ngai hkrit kamyin nga nngai.

SHAKAWN KUNGDAWN 148:14

Shi a amyu masha ni nlang a matu, shi dai nrung hpe sharawt da nu ai; dai gaw, shi hte ni nga ai amyu, Israela kashu kasha ni hte, Shi a chyoi pra ai ni yawng a matu mara, Shakawn kungdawn ai lam rai nga ai. Halelu-Yah.

SHAKAWN KUNGDAWN 39:10

Nang ngai hpe shakap ai ana ngai kaw na shapraw kau ya e; Na a lata anu ai majaw, ngai tsam mat ni ai.

SHAKAWN KUNGDAWN 39:9

Nang gaw ndai lam shabyin ndai majaw, Ngai n shaga, nye a n-gup n hpaw we ai.

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

SHAKAWN KUNGDAWN 93:5

Na a sakse ga nachying grin nga ai; Yehowa e, lamu ga aprat htum hkra, Na a nta gaw chyoi pra nga na, ging nga ai.

PRU MAT 14:17

Ngai mung Egutu masha ni a masin shaja ya na we ai rai nna, shanhte mung dai ni kaw hkan shang nang na mara ai: shaloi Hpara-u hte shi a hpyen hpung ni hta mung, shi a hpyen leng ni hte gumra jawn ai ni hta mung nye a hpung shingkang dan hkung na ra ai.

PRU MAT 14:4

ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu masha ni chye lu na matu, Hpara-u hte shi a hpyen luksuk ni mahkra hta, nye a hpung shingkang dan hkung na ra ai,” ngu nna tsun ai: shanhte mung shin grai galaw ma ai.

PRU MAT 19:22

Yehowa kaw sit sa ai hkinjawng ni mung tinang hkum shachyoi shapra mu ga; dai n rai yang, Yehowa shanhte hpe ari jaw na ru ai,” ngu nna Mawshe hpe tsun wu ai.

PRU MAT 19:24

Bai Yehowa gaw, “Nang yu wa sit; nang hte Arun lung lu na rai ni gaw Yehowa kaw lung na nga, n tawt n shang mu ga; tawt shan yang shi shanhte hpe ari jaw na wu ai,” ngu nna shi hpe tsun dat wu ai.

PRU MAT 30:30

Arun hte shi a shadang sha ni hpe mung nang chya nna, nye a man e shanhte hkinjawng amu gun hpai nga lu na matu, shanhte hpe shing di shachyoi shapra na rai ndai.

ESAIA 39:8

Shaloi Hezekia gaw, Nang htawn tsun ai Yehowa a ga mai kaja nga ai: bai, Gaja wa nye a aprat e ngwipyaw ai hte sadi sahka rai na ra ai,” ngu nna Esaia hpe tsun wu ai.

ESAIA 49:3

shi gaw, Israela e, nang gaw nye a shangun ma rai nga ndai; nye a hpung shingkang nang hta dan na ra ai, nga nna ngai hpe tsun sai.

ESAIA 52:11

Pru mu, pru mu, dai shara kaw na pru wa mu; n san n seng ai hpe hkum hkra myit; dai mare kata na pru wa mu: Yehowa a arung arai hpai ai ni e, tinang hkum hpe jasan jaseng mu.

EZEKELA 20:41

Nanhte bra nga ai amyu ni hta na mung, nanhte ayai kau hkrum ai mungdan ni hta na mung, ngai nanhte hpe shinggyin la nna zuphpawng shangun yang, manam pyaw ai baw hpe zawn, ngai nanhte hpe hkap la nna, maigan amyu ni a man e, nanhte a jaw e, arawng sadang dan hkung na nngai.

EZEKELA 28:22

Madu Yehowa ning nga ai: ‘Yu u, Sidon mare e, ngai nang hpe hkap daw na nngai; na a ka-ang e nye a hpung shingkang dan hkung na ra ai: ngai shi hpe dawdan nna, shi hta e nye a Chyoi pra ai myit shapraw yang, ngai Yehowa rai nga ai hpe, shanhte chye lu na mara ai.

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

EZEKELA 40:46

dingdung de man yawng ai gawk gaw, tawn hkungri e daw jau ai hkinjawng ni a matu, rai nga ai: dai ni gaw, Yehowa hpe daw jau na matu, Lewi amyu masha ni hta na lata la ai, Zadok a kashu kasha ni rai nga ma ai,” nga nna ngai hpe tsun ai.

EZEKELA 42:13

Shaloi shi gaw, “Man ai shara de yawng ai, dingdung hte dingda gawk ni gaw, chyoi pra ai gawk rai nga nna, Yehowa man e daw jau ai hkinjawng ni gaw, chyoi pra ai shahpa hpe, dai gawk ni hta sha na mara ai: dai yang e chyoi pra htum ai arai ni hpe mung, shadung hkungga, mara raw hkungga hte htingrai htingrat hkungga hpe mung, shanhte tawn da na mara ai: dai shara gaw chyoi pra ai shara rai nga ai.

JAW JAU 21:15

Shi a amyu masha ni hta tinang a kashu kasha ni hpe jahpoi kau lu na n rai: kaning rai nme law, shi hpe ngai Yehowa shachyoi shapra da se ai, ngu wu ai.

JAW JAU 21:17

Arun hpe ning ngu tsun u: Shu mashi shu masha prat dingsa, na a amyu matu hta hkumhkrang n hkum ai wa gaw, shi a Karai Kasang a lusha nawng jau na, sit sa lu na n rai.

JAW JAU 21:21

Hkinjawng Arun a amyu hta hkumhkrang n hkum ai wa kadai mung Yehowa hpe wan hte nawng ai kumhpa sa jau na sit sa lu na n rai: dai wa gaw hkrang n hkum ai majaw shi a Karai Kasang a lusha nawng jau na sit sa lu na n rai.

JAW JAU 21:6

Shanhte gaw tinang a Karai Kasang a matu chyoi pra nga na rai nna, shanhte a Karai Kasang a mying ningsang hpe jahpoi lu na n rai: kaning rai nme law, shanhte gaw Yehowa hpe wan hte nawng ai kumhpa ngu ai, shanhte a Karai Kasang a lusha hpe nawng jau ma ai: dai rai nna shanhte gaw chyoi pra nga na ma ai. kaning rai nme law

JAW JAU 21:8

Na a Karai Kasang a lusha nawng jau ai re ai majaw, shanhte hpe shachyoi shapra nna, na a matu chyoi pra nga na rai nga ai: kaning rai nme law, nanhte hpe shachyoi shapra ai ngai Yehowa chyoi pra nga nngai.

JAW JAU 22:9

Dai rai nna, ngai hkang da ai ga hpe n jahpoi nna, tinang yubak n hkrum sha ai hte si ai n hkrum mu ga, ngai hkang da ai ga shanhte hkan nang lu na rai mu ai: shanhte hpe shachyoi shapra nga ai Yehowa ngai rai nga nngai.

JAW JAU 8:35

Dai rai nna, nanhte si ai n hkrum myit ga, sanit ya tup shani shana, shawa sum chyinghka a makau e nga nga nna Yehowa a matsun hkan nga na rai myit dai, nga nna ngai hpe hkang da ni ai, ngu nna tsun mu ai.

BU HKAWM 16:5

Kora hte shi hpang maga na ni hpe mung, “Kadai wa Yehowa a masha re ai mung, kadai wa chyoi pra nga ai mung, kadai wa hpe shi hpang de shani la na mung, hpawt de Yehowa madun na ra ai: shi lata la ai wa hpe shi hpang de shani la na ru ai:

BU HKAWM 20:12

Yehowa, Mawshe yan Arun hpe tsun wu ai chyawm gaw, “Israela kashu kasha ni a man e ngai e shagrau sha a na hku, nan htai e n kam n sham myit dai majaw, ndai shawa hpawng hpe ngai jaw ai mung de, nan woi shawn lu na myit dai n rai,” ngu wu ai.

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

YAWHAN 12:28

Wa e, na a mying ningsang hpe sha shagrau u law,” nga nna shan hpe tsun wu ai. Shaloi sumsing lamu de na ga nsen gaw, “Ngai shagrau se ai, bai naw shagrau na we ai,” nga nna, ngoi pru wa ai.

YAWHAN 14:13

Shing rai, Wa gaw Kasha a marang e hpung shingkang lu la hkra, nye a amying gang nna, nanhte hpyi mahpyi, ngai madat ya na nngai.

TARA JAHPRANG 32:51

kaning rai nme law, Zin nam mali, Kadesha shara na, Meriba hka kau e, Israela kashu kasha ni a hpawng ka-ang e nan ngai e n shagrau n sha-a myit dai.

2 HTESALONI 1:10

n madat ai ni gaw dai Madu a myi man hte shi a atsam a hpung shingkang hte, hka wa na htani htana hten nan ai ari ahpri hkrum na mara ai.

1 PETRU 4:17

Kaning rai nme law, Karai Kasang a nta na ni hpe tara dara hpang na aten du ra ai: dai gaw anhte a ntsa e shawng ang pru wa yang gaw, Karai Kasang a kabu gara shiga hpe n madat mara ai ni a jahtum ai gaw, kaning rai na ra ai kun?

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.

1 SAMUELA 3:18

Samuela mung lama mi muk n ip da ai sha, atsai awai tsun dan wu ai. Eli gaw, “Yehowa she rai nga ai gaw, shi ra ai hku galaw u ga,” ngu nna yin wu ai.

1 SAMUELA 6:20

Shaloi Bet-sheme masha ni gaw, “Ndai chyoi pra htum ai Karai Kasang Yehowa man e kadai wa tsap lu na a ta? anhte kaw nna kadai hpang de sa wa na wu ai i?” Nga nna tsun ma ai.