JAW JAU 1:4 - Jinghpaw Hanson Version Bible

⁴ Shi jaw ai wan nat hkungga a baw hta shi a lata mara lu na rai nna, dai gaw shi a mara htingrai na matu hkap la ya na wu ai.

Jinghpaw Common Language Bible 2009

⁴ Dai wa gaw de a baw ntsa e shi a lata mara da na rai wu ai; dai gaw na a yubak mara ni la kau ya na matu nawng ya ai hkungga tai na ra ai.

JAW JAU 1:4 ပူးပေါင်းရင်းမြစ်များ

PRU MAT 28:38

Dai gaw Arun a lahtan e bam nga nna, Israela kashu kasha ni a chyoi pra ai alu hte seng ai, shachyoi shapra ai arai mahkra hta yubak mara, Arun gun ya nga na rai nga ai: shanhte gaw Yehowa a hkap la ai hkrum na matu, dai gaw Arun a lahtan hta tutnawng bam nga na rai nga ai.

PRU MAT 29:10

Dai usu hpe mung shawa sum ndaw de nang la sa nna, Arun hte shi a shadang sha ni dai usu a baw hta shanhte a lata mara na rai mu ai.

PRU MAT 29:15

“Bai, sagu la langai mi mung nang la nna, Arun hte shi a shadang sha ni dai sagu a baw hta shanhte a lata mara na rai mu ai.

PRU MAT 29:19

“Bai sagu la langai mi hpe mung nang la nna, Arun hte shi a shadang sha ni dai sagu a baw hta shanhte a lata mara na rai mu ai.

PRU MAT 29:33

“Shanhte hpe aya dang ai hte shachyoi shapra ai hta na shanhte a matu htingrat ai hkungga shanhte sha na rai mu ai: dai hkungga gaw chyoi pra nga ai majaw yu maya masha ni sha lu na n rai.

ESAIA 56:7

ngai gaw nye a chyoi pra ai bum de woi jashawn nna, nye a akyu hpyi ai nta hta kabu gara shangun na nngai: shanhte wan nat hkungga hte mayu hkungga hpe nye hkungri ntsa e hkap la na nngai; kaning rai nme law, nye a nta gaw amyu baw shagu baw shagu a matu akyu hpyi ai nta ngu na mu ai.

EZEKELA 45:15

shanhte a gawng malai hkungga matu, Israela a tsit lali ai udat shara e nga ai sagu kasha ni tsa hta na langai mi hpe, lusha kumhpa hte hpawn, wan nat hkungga hte mahku hkungga hpe shapraw ya na mara ai,” nga nna Madu Yehowa tsun ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

JAW JAU 16:21

Arun gaw dai bainam hkrung a baw hta shi a lata lahkawng maga mara let Israela a kashu kasha ni a n hkru n hkra ai hte tara tawt lai ai yubak yawng mayawng tawngban nna dai bainam baw hta mara da nhtawm san da ai masha a lata hte nam mali de gawt kau shangun na rai wu ai:

JAW JAU 16:24

ning rai chyoi pra ai shara langai mi hta shi hka shin kau nna, shi a hpun palawng bu hpun nhtawm, shi hte seng ai wan nat kumhpa mung, amyu masha ni hte seng ai wan nat kumhpa mung nawng jau ai hte shi a matu mung, amyu masha ni a matu mung htingrai htingrat na rai wu ai.

JAW JAU 22:21

Yehowa hpe mahku hkungga hku, sagu, bainam, dumsu hte ga shaka kumhpa shing n rai mayu kumhpa jau na rai yang gaw, hkap la ra hkra, hkrang hkum ai jaw lu na rai mu ai: ra ai lama mi muk rawng lu na n rai.

JAW JAU 22:27

Sagu bainam, dumsu ni kasha hkrat ai shaloi sanit ya laman e kanu hte jahka lu na n rai: matsat ya nhtoi kaw nna, Yehowa hpe wan hte nawng ai hkungga di na matu ram nga ai.

JAW JAU 3:13

de a baw hta shi a lata mara nhtawm, shawa sum a man e sat na rai wu ai: Arun a shadang sha ni gaw de a sai hpe tawn hkungri ntsa grup lapri na rai mu ai.

JAW JAU 3:2

Shi a hkungga a baw hta tinang a lata mara nhtawm, shawa sum a chyinghka makau e sat na rai nna, Arun a shadang sha hkinjawng ni gaw, de a asai hpe tawn hkungri ntsa grup lapri na rai mu ai.

JAW JAU 3:8

Shi jaw ai hkungga a baw hta tinang a lata mara nhtawm, shawa sum a man e sat nna, Arun a shadang sha ni gaw de a sai hpe tawn hkungri ntsa grup lapri na rai mu ai.

JAW JAU 4:15

Shawa hpung na agyi salang ni gaw, Yehowa a man e shanhte a lata dai usu a baw hta mara nna, dai usu hpe Yehowa a man e sat na rai mu ai.

JAW JAU 4:20

Usu dai hpe shing di hkinjawng na rai wu ai; htingrai hkungga usu hkinjawng ai hku, dai hpe hkinjawng na rai wu ai; shing di shanhte a matu hkinjawng wa htingrai htingrat ya na rai nna, shanhte mara raw dat kau ya ai hkrum na mara ai.

JAW JAU 4:24

Dai nam la a baw hta shi a lata shi mara nna, Yehowa a man na wan nat hkungga sat ai shara e sat na rai wu ai: dai gaw htingrai hkungga rai nga ai.

JAW JAU 4:26

De a asau yawng hpe shi la nna, mahku hkungga a sau nawng ai hku tawn hkungri hta nat na rai wu ai: shing rai hkinjawng wa gaw shi a yubak a matu htingrai htingrat ya na rai nna shi mara raw dat kau ya ai hkrum na ra ai.

JAW JAU 4:29

Dai htingrai hkungga a baw hta shi a lata shi mara nna wan nat hkungga sat ai shara e dai hpe sat na rai wu ai.

JAW JAU 4:31

Mahku hkungga a sau la ai zawn, de a sau yawng shi la nna, Yehowa manam pyaw na matu hkinjawng wa gaw tawn hkungri hta dai hpe nat na rai wu ai: shing rai hkinjawng wa gaw shi a matu htingrai htingrat ya na rai nna, shi gaw yubak raw dat kau ya ai hkrum na ra ai.

JAW JAU 4:33

Htingrai hkungga, de a baw hta shi a lata shi mara nna wan nat hkungga sat ai shara e htingrai hkungga ngu nna sat na rai wu ai.

JAW JAU 4:35

Mahku hkungga a sagu kasha a sau shaw la ai zawn de a sau yawng hpe shi shaw la nna, hkinjawng wa gaw Yehowa hpe wan hte nat nawng ai kumhpa hte rau tawn hkungri hta nat na rai wu ai: shing rai hkinjawng wa gaw shi shut ai mara a matu htingrai htingrat ya na rai nna, shi gaw mara raw dat kau ya ai hkrum na ra ai.

JAW JAU 4:4

Dai usu uram hpe shawa sum chyinghka makau, Yehowa a man de la sa nhtawm, dai usu a baw hta shi a lata mara nna Yehowa man e sat na rai wu ai.

JAW JAU 5:6

dai shut kau sai mara a matu yubak raw ai hkungga di na, sagu yi kasha, shing n rai bainam yi kasha la sa nna, Yehowa a man de yubak raw ai hkungga matu sa jaw lu na rai wu ai; shing rai hkinjawng wa gaw, dai wa a mara matu htingrai htingrat ya na rai wu ai.

JAW JAU 6:7

hkinjawng wa mung shi a matu Yehowa a man e htingrai htingrat ya na rai nna, shi shut ai yubak nga manga raw dat kau ya ai hkrum na ra ai, ngu wu ai.

JAW JAU 8:14

Bai, Yehowa hkang da sai hte maren, htingrai hkungga usu hpe dun la nna, Arun hte shi a shadang sha ni gaw, htingrai hkungga usu a baw hta tinang a lata mara mu ai.

JAW JAU 8:18

Bai, Yehowa hkang da sai hte maren wan nat hkungga sagu la dun la nna, Arun hte shi a shadang sha ni gaw sagu la a baw hta tinang a lata mara mu ai.

JAW JAU 8:22

Bai, Yehowa hkang da sai hte maren, kaga san da ai aya dang hkungga sagu la dun la nna, Arun hte shi a shadang sha ni gaw tinang a lata dai sagu baw hta mara mu ai.

JAW JAU 9:7

Bai Mawshe gaw Arun hpe, Yehowa hkang da ai hte maren, nang dai tawn hkungri de sit sa nna na a matu htingrai hkungga hte wan nat hkungga nawng ya nna, na a matu mung amyu masha ni a matu mung htingrai htingrat ya u: amyu masha ni a kumhpa mung nawng ya nna, shanhte a matu htingrai htingrat ya u, ngu wu ai.

BU HKAWM 15:25

Shing rai hkinjawng wa mung Israela kashu kasha ni a shawa hpung nlang hte a matu htingrai htingrat ya na rai nna, shanhte n dum shami shut ai majaw yubak raw dat kau ya ai hkrum na rai ma ai: shanhte mung tinang a n dum shami shut ai mara matu, Yehowa e htingrai hkungga hte hpawn, wan hte nat jau na kumhpa, Yehowa hpang de la sa da na rai mu ai:

BU HKAWM 15:28

Shing rai hkinjawng wa gaw, Yehowa a man e n dum shami shut ai wa a matu, htingrai htingrat ya na rai nna, shi gaw yubak raw dat kau ya ai hkrum na rai wu ai.

BU HKAWM 25:13

shi a Karai Kasang hpang maga shi myit kaba ai hte, Israela kashu kasha ni a matu htingrai htingrat nu ai majaw, shi hte shi a shu mashi shu masha ni gaw, dai ga shaka ngu ai, htani htana hkinjawng aya hte seng ai ga shaka lu la na manu ai,” ngu wu ai.

BU HKAWM 8:10

Lewi masha ni hpe Yehowa man e jashawn na rai ndai. Israela kashu kasha ni mung, Lewi masha ni a baw hta lata mara ai hte,

BU HKAWM 8:12

Lewi masha ni mung usu baw hta lata mara na rai mu ai: nang mung, Lewi masha ni a matu htingrai htingrat ya na usu langai mi hte htingrai hkungga, usu langai mi hte wan nat hkungga di nna nawng ya u.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 3:25

Karai Kasang gaw myit sharang nga nna moi shawng na yubak mara ni hpe shalai dat kau ai majaw, shi a dinghpring ai lam hpe shadan dan u ga;

ROMA 5:11

Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

HEBRE 10:4

kaning rai nme law, usu asai hte bainam asai gaw yubak mara hpe galoi mung yeng seng kau ya lu ai n rai,

1 YAWHAN 2:2

shi gaw, anhte a yubak a matu mara gawng malai hkungga rai nga ai; anhte a yubak a matu mara sha n rai, mungkan ting a matu mara mung rai nga ai.