JAW JAU 1:3 - Jinghpaw Hanson Version Bible

³ Jaw mayu ai kumhpa dai dumsu hte wan nat hkungga di na rai yang gaw, ra n rawng ai usu jaw lu na rai wu ai: Yehowa ra sharawng ya ai hkrum lu hkra, shawa sum chyinghka a man e sa jaw lu na rai wu ai.

Jinghpaw Common Language Bible 2009

³ Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 1:3 ပူးပေါင်းရင်းမြစ်များ

NINGPAWT NINGHPANG 22:13

Shaloi Abraham mada dat yu wu yang, yu u, shi a shingdu e sagu la langai mi singwum hta nrung chya nna dau nga ai, mu wu ai: dai rai nna Abraham gaw dai sagu la sa raw la nna, shi kasha a malai wan nat hkungga di nna lang wu ai.

NINGPAWT NINGHPANG 22:2

Shaloi Karai Kasang gaw, “Nang tsawra ai, na shadang sha shingtai Isak hpe woi nna Moria ga de sa wa su; ngai nang hpe madun na ra de ai bum hta shi hpe wan nat hkungga di nna nawng e,” ngu wu ai.

NINGPAWT NINGHPANG 22:8

Abraham chyawm gaw, “Sha e, wan nat hkungga di na sagu kasha gaw, Karai Kasang shi a matu, shi mazing da na ru ai,” ngu wu ai; shing rai shan wa lahkawng rau lung wa ma ai.

NINGPAWT NINGHPANG 8:20

Shaloi Noa gaw Yehowa a matu tawn hkungri galaw nhtawm seng ai yamnga amyu shagu hta na hte seng ai u amyu shagu hta na lata la nna dai tawn hkungri ntsa e wan nat hkungga nawng wu ai.

2 HKAWHKAM LABAU 29:32

Shawa masha ni gaw Yehowa hpe wan nat hkungga nawng ya na matu la sa ai wan nat hkungga yawng, usu sanit shi, sagu la latsa, sagu kasha ni tsa rai nga ai.

2 HKAWHKAM LABAU 35:12

Mawshe a laika hta ka da nga ai hte maren, Yehowa hpe hkungga nawng ya na matu, mung masha ni a dap lakung hkan nna, hpung mi hte hpung mi hpe karan jaw na nga, wan nat hkungga ni hpe karan tawn mu ai. Usu ni hpe mung dai hte maren galaw mu ai.

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 40:8

Nye a Karai Kasang e, na a myit hkan nang na ngai ra nga nngai; Nye a kraw lawang hta na a tara rawng nga ai,” nga nna ngai tsun ni ai.

PRU MAT 12:5

Sagu kasha rai timung, bainam kasha rai timung nanhte la na mahtang gaw, n hten ai hte ladu hkrum ai ala kasha rai na rai malit dai:

PRU MAT 24:5

Israela kashu kasha hta na shabrang ni hpe shi shangun dat nna shanhte gaw, Yehowa a matu wan nat hkungga hte mahku hkungga di na usu sat nawng mu ai.

PRU MAT 29:18

sagu la a shan yawng hpe tawn hkungri hta nat na rai wu ai: dai gaw Yehowa a matu wan nat hkungga rai na rai nga ai; Yehowa hpe wan hte nat nawng ai manam pyaw hkungga rai nga ai.

PRU MAT 29:4

Arun hte shi a shadang sha ni hpe mung, shawa sum a chyinghka de woi sa nna, hka shin ya na rai ndai.

PRU MAT 29:42

Dai gai, ngai nanhte hte hkrum shaga ai shara ngu ai, shawa sum a chyinghka makau, Yehowa a man e, nanhte shu mashi shu masha prat dingsa wan hte nat nawng nga na hkungga, rai malit dai.

PRU MAT 32:6

Hpang jahpawt jau jau shanhte rawt nna, wan nat hkungga nawng ai hte mahku hkungga la sa mu ai: amyu masha ni mung lusha let dung nga ma ai; bai ka manau na nga rawt ma ai.

PRU MAT 35:21

tinang myit hta katu ai masha, kam jaw ai myit hte jaw na myit rawng ai ni nlang hte gaw, dai shawa sum galaw na matu mung, dai hta daw jau na amu a matu mung, chyoi pra ai hpun palawng galaw na matu mung Yehowa hpe kumhpaw kumhpa di na nga la sa ma ai.

PRU MAT 35:29

Shing rai, Yehowa Mawshe hpe hkang dat ai amu lam shagu a matu, Israela kashu kasha ni hta kam jaw ai shawang myit katu ai numsha, lasha nlang hte Yehowa hpe shawang myit kumhpa sa sak ma ai.

PRU MAT 35:5

Nanhte hta na Yehowa a matu kumhpaw kumhpa lahkawn la mu: kam jaw ai myit hte jaw mayu ai masha hkum shagu, Yehowa a kumhpaw kumhpa ngu na, aja, gumhpraw, magi;

PRU MAT 36:3

shanhte gaw, dai chyoi pra ai Nta hte seng ai daw jau na arai ni galaw na matu, Israela kashu kasha ni la sa ai kumhpa rai yawng Mawshe a lata na hkap la mu ai. Dai hta kaga kumhpap kumhpa jaw mayu ai ni jahpawt shagu naw la sa nga ma ai.

PRU MAT 38:1

Bai, marau hpun hte wan nat hkungga nawng na tawn hkungri mung shi galaw wu ai: de a tsaw de dawng masum rai nga ai.

ESAIA 1:11

Yehowa tsun ai gaw, Nanhte a shagu hkungga ga daga, ngai hte kaning rai seng a ta? wan nat hkungga nawng ai sagu la hkrawng, hpum sau hkra kawn da ai yamnga sau hte, ngai hkru kat ni ai; usu, sagu kasha hte bainam la asai hpe ngai n ra nngai.

EZEKELA 20:40

Kaning rai nme law, nye a chyoi pra ai bum, Israela tsaw htum ai bum hta, Israela amyu masha ni yawng, ngai hpe daw jau na mara ai; ngai mung shanhte hpe hkap la na nngai: dai yang e, nanhte a kumhpaw kumhpa ni, nanhte a shawng ngai ai asi hta na lata la ai nsi naisi hte hpawn, nanhte a chyoi pra ai arai ni mahkra hpe, ngai hpyi na nngai.

EZEKELA 40:39

Bai, wan nat hkungga, mara raw hkungga, htingrai htingrat hkungga hpe sat na matu, chyinghka jan kata e gade de, ku lahkawng hkawng rai nga ai.

JAW JAU 1:10

Bai jaw jau mayu ai wan nat kumhpa gaw, sagu shing n rai bainam, rai yang, ra n rawng ai ala sa jaw u ga.

JAW JAU 14:10

Ya matsat ya ngu na shani e dai wa gaw ra n rawng ai hte ladu hkrum ai sagu ala lahkawng, ayi langai mi hte shadung kumhpa matu sau hte kayau ai shadung uma masum, namman loga mi la sa na rai nna,

JAW JAU 16:7

Bai dai nam la lahkawng mung, la nna shawa sum chyinghka makau, Yehowa a man e tawn da na rai wu ai.

JAW JAU 17:4

Yehowa hpe nawng na matu, dai shawa sum chyinghka de n la sa ai rai yang, dai wa gaw asak sat ai mara lu ai wa ngu na rai nga ai: shi gaw sai jahkaw ai wa rai nga ai: shing re ai wa gaw shi a amyu hta na sumri dan kau ya ai hkrum lu na wu ai:

JAW JAU 17:8

Bai shanhte hpe ning ngu mu: Israela kashu kasha ni hta na rai timung, nanhte kaw shingbyi nga ai amyu kaga wa rai timung, wan nat hkungga hte kaga hkungga hpa baw mung, nawng jau ai rai yang,

JAW JAU 17:9

Yehowa hpe jaw jau na matu shawa sum chyinghka makau de n la sa a yang gaw, dai wa gaw shi a amyu hta na sumri dan kau ya ai hkrum na rai nga ai.

JAW JAU 23:12

Dai hkauling nwat ai shani e, ladu hkrum ai hte ra n rawng ai sagu la hpe Yehowa matu wan nat hkungga di nna jaw na rai mu ai.

JAW JAU 23:18

Dai muk tawng hte rau ladu hkrum ai hte ra n rawng ai sagu kasha sanit, usu uram langai mi, sagu la lahkawng mung sa jaw nna, shadung kumhpa hte ru hkaw kumhpa hpawn, Yehowa a manam pyaw na matu, wan hte nawng ai kumhpa di nna, Yehowa hpe wan nat hkungga jaw jau na rai mu ai.

JAW JAU 3:1

Bai shi a kumhpa dai, dumsu hte mahku hkungga di na rai yang gaw, ra n rawng ai ala shing n rai ayi. Yehowa a man e sa jaw na rai wu ai.

JAW JAU 4:15

Shawa hpung na agyi salang ni gaw, Yehowa a man e shanhte a lata dai usu a baw hta mara nna, dai usu hpe Yehowa a man e sat na rai mu ai.

JAW JAU 4:23

shi shut ai lam bai dum jang, shi a kumhpa a matu ra n rawng ai nam la langai mi sa jaw na rai wu ai.

JAW JAU 4:3

Namman chya hkam sai hkinjawng wa nan, shawa masha ni hta mara kap hkra, shut hpyit tawt lai kau ai rai yang, shi shut hpyit ai lam a matu htingrai hkungga di na, Yehowa kaw ra n rawng ai usu uram sa jaw na rai wu ai.

JAW JAU 4:32

Sagu kasha hte htingrai hkungga jaw mayu yang gaw ra n rawng ai ayi la sa na rai wu ai.

JAW JAU 5:15

Kadai rai timung Yehowa hte seng ai chyoi pra ai lam hta n dum shami shut hpyit tawt lai hkrup yang, dai shut ai mara a matu htingrai hkungga di na, chyoi pra ai shara a gumhpraw shen ai joi hku manu sawn nna, ra n rawng ai sagu la Yehowa hpang de la sa lu na rai wu ai:

JAW JAU 5:18

Dai rai yang mara raw na hkungga a matu sawn yu nna hkrat ang ai hte hte ra n rawng ai sagu la sa jaw lu na rai wu ai: ndum shami shut hpyit kau ai rai timung, dai shut n dum ai wa a matu hkinjawng wa gaw htingrai htingrat ya nna, shi gaw yubak raw dat kau ai hkrum na ra ai.

JAW JAU 6:2

Masha langai ngai, manang wa ap da ai arai, shing n rai tang da ai arai a lam masu la ai rai timung, manang wa a arai hpya lu hpya sha rai timung, manang wa hpe dip lu dip sha ai rai timung;

JAW JAU 6:8

Bai Yehowa Mawshe hpe tsun wu ai gaw,

JAW JAU 7:16

hpang jahpawt du hkra mai ngam na n rai. Rai timung ga shaka da nna jau ai, shing n rai mayu hkungga jau ai rai yang gaw, kumhpa jaw ai shani e sha nna, hpang jahpawt du hkra ngam ai hpe mung, naw mai sha na rai nga ai:

JAW JAU 8:18

Bai, Yehowa hkang da sai hte maren wan nat hkungga sagu la dun la nna, Arun hte shi a shadang sha ni gaw sagu la a baw hta tinang a lata mara mu ai.

JAW JAU 8:21

Pu sin ni hte lagaw ni hpe mung kashin la nna, Mawshe gaw sagu hkum ting tawn hkungri hta nat nawng wu ai; dai gaw manam pyaw ai wan nat sangau hkungga rai nga ai: Yehowa hpe wan hte jaw jau ai kumhpa rai nga ai.

JAW JAU 9:2

Ya nang htingrai hkungga di na matu ra n rawng ai dumsu kasha langai mi, wan nat hkungga di na matu ra n rawng ai sagu la langai mi la nna, Yehowa a man e nawng jau u, ngu wu ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

MALAHKI 1:14

Ga ndat tawn da nhtawm, tinang a sagu hpung hta sagu la rawng ninglen, hkalem nna, dai Madu hpe ra rawng ai hkungga nawng ya ai wa gaw, dingnye lu u ga: kaning rai nme law, ngai gaw galu kaba ai Hkawhkam rai nga nna, nye a amying ningsang gaw, maigan amyu ni hta hkrithpa amying rai nga ai, nga nna Zaw nawng zaw wa up ai Yehowa tsun ai.

BU HKAWM 15:3

Yehowa a matu wan nat hkungga, shing n rai hkungga amyu gale ngu na, ga shaka da yang jaw jau ai hkungga, mayu a jau ai hkungga, madat da ai poi hta jaw jau ai hkungga re ai ni hpe, dumsu hte rai timung, sagu bainam hte rai timung, Yehowa a manam pyaw sangau tai na matu jaw jau mayu myit yang;

BU HKAWM 15:8

Yehowa hpe ga shaka da yang, shing n rai mahku hkungga jaw yang, Yehowa a matu manam pyaw sangau tai na,

BU HKAWM 19:2

“Da ndai gaw Yehowa hkang da ai tara matsun rai nga ai; Israela kashu kasha ni hpe ning ngu u: ra n rawng ai hte kandang garai n mara yu ai, hkrang hkum ai hte hkyeng ai dumsu upra langai mi la sa marit, ngu mu:

BU HKAWM 23:19

Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?

BU HKAWM 23:27

Bai Balak gaw, “Sa rit, shara kaga de nang e naw woi sade ga: dai yang e nye a matu shanhte hpe matsa ya na, Karai Kasang hkraw dam a nhten,” nga nna Balam hpe tsun let,

BU HKAWM 23:3

Bai Balam gaw, “Nang jaw ai wan nat hkungga makau e naw tsap nga la; ngai kaga de naw sa na nngai; Yehowa ngai hpe hkap tau ra nhten; shi ngai hpe madun ai made ngai nang e wa shana na de ai,” nga nna Balak hpe tsun da nhtawm, krin ai kawng langai mi de lung wa wu ai.

BU HKAWM 23:30

Balak mung Balam tsun wu ai hte maren galaw nna, tawn hkungri shagu hta usu langai mi hte sagu la langai ngai nawng ya wu ai.

BU HKAWM 28:11

Bai, nanhte a shata praw shani e, Yehowa a matu wan nat hkungga shatai na, usu uram lahkawng, sagu la langai mi, ra n rawng ai hte ladu hkrum ai sagu la kasha sanit nawng jau na rai myit dai:

BU HKAWM 28:19

Yehowa a matu wan hte nawng ai wan nat hkungga ngu na, usu uram lahkawng, sagu la langai mi, ladu hkrum ai sagu la kasha sanit, nawng jau na rai wu ai: dai ni gaw ra n rawng ai sha rai na rai nga ai:

BU HKAWM 28:31

Shing rai tutnawng jau ai wan nat hkungga hte de a shadung kumhpa, ru hkaw kumhpa ni hta kaga, dai hkungga ni kahtap jaw na rai myit dai: dai ni gaw ra n rawng ai hkrai rai na rai nga ai.

BU HKAWM 29:13

nnan shani e, Yehowa a manam pyaw sangau shatai na wan nat hkungga a matu, usu uram shi masum, sagu la lahkawng, ladu hkrum ai sagu la kasha shi mali wan hte nawng na rai myit dai: dai ni gaw ra n rawng ai hkrai rai na rai nga ai;

BU HKAWM 29:2

Shaloi e, Yehowa a manam pyaw sangau shatai na, wan nat hkungga matu, usu uram langai mi, sagu la langai mi, ra n rawng ai hte ladu hkrum ai sagu la kasha sanit hte,

LUKA 1:35

Dai lamu kasa gaw, “Chyoi pra ai Wenyi na ntsa de du nna, Tsaw htum ai wa a atsam nang hpe shingnip ka-up na ra ai; dai re ai majaw shangai na ra ai wa gaw, Chyoi pra ai wa, Karai Kasang a Kasha ngu ai hkam la na ra ai.

YAWHAN 1:36

Yesu lai sa wa nga yang, Yawhan gaw shi hpe mada yu nna, “Karai Kasang a Sagu Kasha hpe yu yu mu!” ngu mu ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe gaja wa teng teng tsun dan made ga, Ngai gaw sagu ni shang ai chyinghka hku rai nga nngai.

YAWHAN 10:9

Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.

2 KORINHTU 8:12

Kaning rai nme law, galaw mayu ai myit rawng nga a yang gaw, n sharai lu ai hte n re ai sha, sharai lu ai hku sha sharawng awng nga ai.

2 KORINHTU 9:7

Langai hte langai tinang a kraw lawang e myit da ai hte maren jaw u ga: lahpawt ai myit hte n rai, jaw shangun ai majaw sha mung n re ai sha, Karai Kasang gaw kabu gara ai myit hte jaw ya ai wa hpe tsawra nga ai.

EHPESU 2:18

Kaning rai nme law, an lahkawng gaw shi a marang e, Wenyi langai sha hte Kawa hpang de shang wa na lam lu la sagaw ai.

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

TARA JAHPRANG 15:21

Dai sagu dumsu ni hta na lagaw hten ai, myi kyaw ai hte lama ma ra nna hkrang n hkum ai rai yang, na a Karai Kasang Yehowa hpe nawng jau lu na n rai.

TARA JAHPRANG 17:1

Lama ma ra ai hte hkrang n tsawm ai sagu dumsu gaw, na a Karai Kasang Yehowa hpe nawng lu na n rai: dai zawn re ai hkungga gaw na a Karai Kasang Yehowa matu matsat shabat rai nga ai.

HEBRE 7:26

Kaning rai nme law, shing rai chyoi pra ai, san seng ai, ra n rawng ai hte yubak kap ai ni hte ran ai wa rai nna, sumsing lamu hta shatsaw shagrau hkrum ai hkinjawng agyi wa gaw anhte a matu ram nga ai;

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?