HPILIPI 4:8 - Jinghpaw Hanson Version Bible

⁸ Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

Jinghpaw Common Language Bible 2009

⁸ Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

HPILIPI 4:8 ပူးပေါင်းရင်းမြစ်များ

NINGPAWT NINGHPANG 18:19

kaning rai nme law, Abraham a lam Yehowa tsun da ai ga ndat hte maren shi hta shadik lu hkra, Yehowa a lam hkan nga nna, dinghpring ai lam hte tara tengman ai lam hpe shatsup lu na matu, Abraham gaw shi a kashu kasha ni hte shi a dinghku na ni hpe, shi hpang hkan nang nga mu ga nga, shi hkang na ra ai gaw ngai chye da we ai,” nga ai.

2 SAMUELA 1:23

Shawlu yan Yonahtan, hkrung nga dingsa tsawra nja, Si wa sai mung n daw n hka; Shan gaw, wa hpai kalang hta grau laram, Hkanghkyi hta n-gun grau ningtsam rai ma ai.

2 SAMUELA 23:3

Israela Karai Kasang gaw, Israela Lunghkrung, ngai hpe ning nga ai. Masha ni hpe dingman ai hku byeng nna, Karai Wa hpe hkrit hkungga ai myit hte up hkang ai wa gaw,

SHAKAWN KUNGDAWN 82:2

“Tara n lang ai ni a myi man hpe tau yu nna, Gaten du hkra, n tara ai hku hkan na myit ta?

GA SHAGAWP 11:1

Yehowa gaw n man ai joi jang hpe matsat nna, Tengman ai joi si hpe, ra sharawng nga ai.

GA SHAGAWP 12:4

Sari rawng ai num gaw madu wa a janmau rai nga ai; Kaya jahkrum ai num chyawm gaw, madu wa a nrut nra ni shatsam kau ai mawng zawn rai nga ai.

GA SHAGAWP 16:11

Tengman ai jang hte joi Yehowa kaw na rai nga ai; Tingsan hta rawng ai joi si ni yawng, shi a amu rai nga ai.

GA SHAGAWP 20:7

Dinghpring ai wa gaw, tinang a tengman ai lam hta hkan hkawm ai majaw, Shi a kashu kasha ni a lu ma ai.

GA SHAGAWP 31:10

Sari rawng ai num hpe kadai wa mu lu a ta? Shi gaw lungseng hta grau hpu nga ai.

GA SHAGAWP 31:29

Amyu shayi sha law law wa, kaja ma ai, rai timung, Nang gaw shanhte yawng hta grau ndai, ngu nna shi hpe shakawn wu ai.

GA SHAGAWP 31:31

Shi lata a shabyin ai akyu shi hpe jaw u; Shi galaw ai amu, mare chyinghka hta, shi hpe shakawn u ga.

Shawlumon A Mahkawn Ga 5:16

Shi a n-gup hta na ga dwi ga sau pru nga ai: Rai sa, shi gaw hkum ting tsawra mai nga ai. Yerusalem na shayi chyinghkawn ni e, Dai wa gaw, ngai tsawra ai wa, nye a kanawn wa, rai nga ai.

ESAIA 26:7

Dinghpring ai ni a lam gaw malang ai lam rai nga ai; nang gaw dinghpring nga nna, myit malang ai ni a lam lajang nga ndai.

MAHTE 22:16

Shaloi shanhte gaw, tinang a sape ni hte Herodi ngu ai ni hpe shi hpang de shangun dat mu ai rai nna, “Sara e, nang tengman nga ndai hte, Karai Kasang a lam hpe teng teng sharin shaga nga ndai rai nna, masha a myi man hpe n tau yu ai sha, kadai hpe mung nang n agam nga ndai gaw, anhte chye nga ga ai:

MARKU 6:20

kaning rai nme law, Yawhan gaw dingman ai hte chyoi pra ai wa rai nga ai hpe, Herod chye wu ai majaw, shi hpe hkrit kamyin ai hte makawp maga nga ai: shi a ga na la wu yang, shi myit grai ung ang rai nga timung, shi a ga na la na grai ra nga ai.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

LUKA 2:25

Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.

LUKA 23:50

Shaloi, yu mu, Yuda mung hta Aramahti ngu ai mare na, Yawsep mying ai rung aya lu ai wa langai mi nga ai: dai wa gaw mai kaja ai hte dinghpring ai wa mung, Karai Kasang a mungdan hpe myit mada ai wa mung, rai nga nna,

YAWHAN 7:18

Tinang a myit hte tsun ai wa gaw, tinang a arawng sadang tam ai rai nga ai: tinang hpe shangun dat ai wa a arawng sadang tam ai wa chyawm gaw, tengman nga ai rai nna, shi hta n ding n man ai n rawng lu ai.

KASA 10:22

Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.

KASA 22:12

Shing rai, jep ai tara hku tara hkungga nna, dai yang e nga ai Yuda masha ni mahkra man e myi man pa ai Anani ngu ai wa,

KASA 6:3

Dai majaw, hpunau ni e, nanhte hta na sari rawng nna, Chyoi pra ai Wenyi hte hpaji byeng-ya hta myit kup ai masha marai sanit lata tawn mu; dai ni hpe ndai amu madu shangun na matu, anhte san da nme ga.

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 13:3

Kaning rai nme law, du ni gaw kaja ai bungli a matu mara hkrithpa tai ma ai n rai; n kaja ai a matu mara hkrithpa rai ma ai. Ahkang aya lu ai wa hpe n hkrit mayu ai nga na myit ni? Mai kaja ai bungli galaw u, shing rai jang shi nang hpe shakawn kungdawn na rin dai:

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

ROMA 2:29

kraw kata e Yuda wa rai nga ai mahtang gaw, Yuda masha majing rai nga ai: dai gadoi ai mung, laika hku hte sha n rai, wenyi hta na kraw lawang e byin nga ai rai nna, de a shakawn kungdawn ai gaw shinggyim masha kaw na n rai, Karai Kasang kaw na sha pru nga ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 13:7

Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

2 KORINHTU 6:8

hpung shingkang hkrum ai rai timung, n kaw n law hkrum ai rai timung, shatan nhkan hkrum ai rai timung, shagrau ai hkrum ai rai timung:

2 KORINHTU 8:18

Dai kabu gara shiga nhkan e Hpung ni yawng hta shakawn hkrum ai hpunau wa hpe mung, anhte shi hte rau shangun dat ga ai;

2 KORINHTU 8:21

kaning rai nme law, dai Madu a man e sha n rai, masha a man e mung htaphtuk ai ningli madun na, anhte myit yu nga ga ai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

EHPESU 4:25

Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

EHPESU 5:9

Dai Madu a sharawng awng ai lam hpa rai nga ai gaw, dinglik yu nga let, nhtoi a kashu kasha ni zawn, a hkawm nga mu.

EHPESU 6:14

Dai rai nna, nanhte a nshang hpe tengman ai hte kyit nna, dinghpring ngu ai sinda magap hpe dagap nhtawm,

TARA JAHPRANG 16:20

Nang hkrung nga lu na hte na a Karai Kasang Yehowa nang hpe jaw ai mungdan madu sha lu n ga gaw, dingman ai hku hkrai jeyang lu na rai ndai.

HPILIPI 3:1

Dai hta kaga, nye a hpunau ni e, dai Madu hta kabu gara nga mu. Nanhte hpe lam langai sha bai ka dat dat rai na, nye a matu hki ba na lam n nga ai sha, nanhte a matu akyu byin nga ai.

KOLOSE 4:5

Shinggan de nga ai ni a man e hpaji byeng-ya hte hkawm nga nna, ahkying aten hpe lata mari la mu.

1 HTESALONI 4:12

nanhte hpe shawng e htet da ga ai hte maren, nanhte tinang hte ang ai amu gun hpai nna tinang a lata hte bungli galaw myit ga, anhte nanhte hpe naw shadut jahkat dat ga ai.

1 TIMOHTI 2:2

hkawhkam ni hte ahkang aya lu ai ni mahkra a matu mara mung, hpyi nem ai, akyu hpyi ai, hpyi htinglu ya ai hte shakawn kungdawn nga u ga, shaje mahkra a shawng e, ngai shadut jahkat dat nngai.

1 TIMOHTI 3:11

Dai hte maren numsha ni mung, shatep shingdi rai nna, nlem ai ni n re ai sha, sadi sahka hte lam shagu hta kangka re ai ni, rai lu na rai.

1 TIMOHTI 3:4

tinang nta hpe atsawm sha up hkang nga nna, tinang a kashu kasha ni hpe mai ang ai hku hte chye hkang ai wa mung, rai na rai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

1 TIMOHTI 5:10

kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

1 TIMOHTI 5:2

hpawmi ni hpe kanu zawn, mahkawn ni hpe kajan zawn, san seng ai myit ting hte shadum jahprang nga u.

TITU 1:8

manam daw ra ai, mai kaja ai lam tsawra ai, si si re ai, dinghpring ai, chyoi pra ai, tinang hkum hkang chye ai wa hte,

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

TITU 2:2

dingla ni gaw, myit sharam chye ai tem si re ai, myit su nna, kamsham ai, tsawra ai hte shakut sharang ai hta, kunghpan wa mu ga.

TITU 2:7

lam shagu hta kaja reng ai magam bungli a ningli nang hkum nan madun dan u:

TITU 3:14

Anhte a masha ni mung asi kata ai ni n rai mu ga, lang ra ai lam hta lang lu hkra, mai kaja ai amu shachyen chye na sharin la mu ga.

HEBRE 11:2

de a majaw mung, moi na ni gaw, sharawng awng ai sakse hkam ya ai, lu la ma ai.

HEBRE 13:18

Anhte a matu mara akyu hpyi ya mi; kaning rai nme law, lam shagu hta arawn alai kaja hkan mayu ga ai majaw, anhte a myit dum chyalu san pra mali ai, ngu nna myit mu nga ga ai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

1 PETRU 4:8

Mahkra, hta n-ga, nanhte shada da tsawra ai myit makyit rawng nga mu; kaning rai nme law, tsawra ai myit gaw, yubak mara law law hpe magap da lu ai.

2 PETRU 3:1

Tsawra ai ni e, da ndai gaw ya nanhte hpe lahkawng lang na ka shagu dat ai laika rai nga ai; chyoi pra ai myihtoi ni moi shawng e tsun dan ai ga hte hpe mung, nanhte a kasa ni a lata hta ap da ai,

1 YAWHAN 3:18

Shu sha ni e, ga hte shinglet hte sha n rai, amu bungli hte, tengman ai ga hte, anhte tsawra nga ga.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

RUHTA 3:11

Dai re ai majaw, ngai sha e, hkum tsang et; nang hpyi mahpyi ngai galaw na nngai: nang sari rawng ai num rai nga ndai gaw, nye a mare na masha ni nlang chye ma ai.