HPILIPI 4:7 - Jinghpaw Hanson Version Bible

⁷ Shaloi chye chyang ai nyan yawng hta grau lai ai Karai Kasang angwi pyaw ai gaw, nanhte a myit masin hte nanhte a myit mang ai hpe, Hkristu Yesu hta e bau sin na ra ai.

Jinghpaw Common Language Bible 2009

⁷ Shaloi masha a chye chyang ai nyan hta grau lai ai Karai Kasang a ngwi pyaw ai gaw nanhte a kraw lawang ni hte myit masin ni hpe Hkristu Yesu hta e bau sin na ra ai.

HPILIPI 4:7 ပူးပေါင်းရင်းမြစ်များ

NEHEMIA 8:10

Bai shi gaw, “Sa wa mu; sau ai hpe sha mu, dwi ai hpe lu mu; n lu ai ni hpe gam jaw mu: dai ni gaw Madu a chyoi pra ai shani rai nga ai; myit hkum kaji myit; Yehowa hta kabu gara nga ai gaw, nanhte a n-gun atsam rai nga ai.”

YOBA 22:21

Shi hte hkau chyap nna, ngwipyaw nga u; shing rai yang, ngamu ngamai hkrum na ndai.

YOBA 34:29

Shi ngwipyaw shangun yang, kadai sharu lu na rai ta? Shi myi man makoi yang, amyu rai timung, marai langai sha mung, shi hpe kadai mu lu na rai ta?

SHAKAWN KUNGDAWN 29:11

Yehowa shi a amyu hpe n-gun shaja na ru ai; Yehowa shi a amyu hpe ngwipyaw ai hte shaman ya na ru ai law.

SHAKAWN KUNGDAWN 85:8

Yehowa Krai Wa tsun ai ga hpe ngai madat na nngai; Shi gaw shi a amyu hte chyoi pra ai ni hpe, ngwipyaw ai ga a tsun nga ai: Shanhte gaw angawk ai lam hta bai n shang mu ga.

GA SHAGAWP 2:11

Sadi sahka gaw nang hpe bau sin ai hte, Zai byeng-ya gaw nang hpe makawp maga na ra ai.

GA SHAGAWP 4:6

Hpaji byeng-ya hpe hkum kau da et, shi nang hpe bau sin na ra ai; Shi hpe tsawra u, nang hpe makawp maga na ra ai.

GA SHAGAWP 6:22

Dai gaw, nang hkawm sa wa yang, nang hpe lam madun na ra ai; Yup nga yang, nang hpe bau sin na ra ai: Yup hprang wa yang, nang hte tsun chyai na ra ai.

ESAIA 26:12

Yehowa e, nang anhte a matu ngwipyaw lam san da na ndai; kaning rai nme law, anhte a amu mahkra hpe pyi nang anhte a matu shachyen nu ai.

ESAIA 26:3

Myit maju jung ai wa gaw, nang hta shamyet shanat nga ai majaw, nang ban sa nga shangun wu ai.

ESAIA 45:7

Ngai nan nhtoi hpe jahtoi nna, nsin hpe hpan da we ai; ngai nan ngwipyaw lam shatai nna, gumle gumlau lam shabyin nngai: ndai lam yawng mayawng hpe shabyin ai Yehowa gaw, ngai nan rai nga nngai.

ESAIA 48:18

Nang gaw nye a hkang ai ga hpe shatup nga u: dai rai yang na a ngwipyaw ai lam hka nu zawn, na a dinghpring ai gaw, nammukdara hka leng ni zawn, tai wa na mara ai:

ESAIA 48:22

Tara n lang ai ni kaw ngwipyaw lam n nga ai,” nga nna Yehowa tsun nga ai.

YEREMIA 32:16

Shing rai, Neria kasha Baruk hpe, dai ga sadi laika ap ya nhtawm, Yehowa hpe ngai akyu hpyi nna, Madu Yehowa e, yu u, nang gaw na a n-gun atsam kaba hte lahpum shada nna, sumsing lamu hte ginding aga hpe hpan da nu ai: nang n di lu ai, hpa mung n nga ai;

BU HKAWM 6:26

Yehowa nang hpe mada mara nna, ngwipyaw shangun nga u ga law,” ngu na rai myit dai.

LUKA 1:79

Anhte a lagaw hpe ngwi ai lam de woi wa na matu mung, Dai Madu a lam lajang na, shi a shawng e nang sa wa na rai nga ndai,” nga ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwipyaw ai gaw anga nga nu ga law,” nga ma ai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 5:1

Shing rai, kamsham ai hte dinghpring wa lu ga ai majaw, anhte a Madu Yesu Hkristu a marang e, anhte Karai Kasang hte mahku mara rai ga ai:

ROMA 8:6

Hkum shan myit gaw si mat ai lam rai nga ai; Wenyi a myit chyawm gaw, hkrung ai lam hte ngwipyaw ai lam rai nga ai.

2 KORINHTU 10:5

masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

2 KORINHTU 13:11

Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

HPILIPI 1:1

Hkristu a mayam rai nga ai Pawlu yan Timohti gaw, Hpilipi mare e nga nga ai, Hkristu Yesu hta e chyoi pra ai ni nlang hte hte, hpung up ni hte hpungtau ni hpe nawng, ga shana dat ga ai.

HPILIPI 1:2

Anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

HPILIPI 4:19

Nye a Karai Kasang chyawm gaw, shi sutgan su nga ai hte maren, Hkristu Yesu hta e hpung shingkang hte nanhte a ra mara hte hpe jahkum shatsup na marin dai.

HPILIPI 4:21

Hkristu Yesu hta e nga ai chyoi pra ai ni nlang hte hpe shakram dat mu. Ngai hte rau nga ai hpunau ni gaw nanhte hpe shakram dat ma ai.

HPILIPI 4:9

Ngai kaw e, nanhte sharin la nna hkap la ai hte, na yu nna mu yu ai lam hte hpe, hkan galaw nga mu: shaloi ngwipyaw ai a npawt Karai Kasang gaw, nanhte hte rau anga nga na ra ai.

KOLOSE 3:15

Nanhte a myit masin hta e mung, Hkristu a ngwipyaw ai lam a up nga u ga: shing rai hkumhkrang langai sha hte nanhte hpe shaga la manit dai; dai hta n-ga chyeju adum nga mu.

2 HTESALONI 3:16

Ya, ngwipyaw ai a npawt, dai Madu nan, nanhte hpe tutnawng e lam shagu hta ngwipyaw ai, a jaw nga u ga. Dai Madu gaw nanhte nlang hte rau anga nga u ga law.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

SHINGRAN 1:4

Ngai Yawhan gaw, Asia mung e nga ai Hpung sanit hte hpe, ga shana dat nngai; ndai aprat e, moi na aprat e anga nga nna, htawm hpang e du na ra ai wa kaw nna mung; shi a tingnyang man e nga ai wenyi sanit kaw nna mung;

SHINGRAN 2:17

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.