HPILIPI 4:19 - Jinghpaw Hanson Version Bible

¹⁹ Nye a Karai Kasang chyawm gaw, shi sutgan su nga ai hte maren, Hkristu Yesu hta e hpung shingkang hte nanhte a ra mara hte hpe jahkum shatsup na marin dai.

Jinghpaw Common Language Bible 2009

¹⁹ Dai rai nna nye a Karai Kasang chyawm gaw, hpung shingkang hte sut gan n taw n tsang lu su nga ai hte maren nanhte hpe Hkristu Yesu a marang e nanhte a ra mara hte hpe jahkum shatsup jaw ya na marin dai.

HPILIPI 4:19 ပူးပေါင်းရင်းမြစ်များ

NINGPAWT NINGHPANG 48:15

Shing rai Yawsep hpe shaman ya wu ai gaw, Ngai ji Abraham hte ngai wa Isak hkan hkawm nga ai Karai Kasang, shawng nnan nna dai ni du hkra ngai hpe bau ai Karai Kasang ngu ai,

2 SAMUELA 22:7

Ngai ru tsang ai hta Yehowa hpe ngai shaga nna, Nye a Karai Kasang hpe hpyi jahtau we ai. Shi a Htingnu hta nna, shi nye a nsen madat ya nna, Ngai hpyi jahtau ai ga shi a na hta shang lu ai.

2 HKAWHKAM LABAU 18:13

Mihkaia gaw, “Yehowa hkrung nga ai hte maren, nye a Karai Kasang ngai hpe tsun ai hte sha ngai htawn tsun na nngai,” ngu wu ai.

2 HKAWHKAM LABAU 31:8

Hezekia hte agyi salang ni Yehowa hte shi a amyu Israela hpe shaman shakawn ya mu ai.

NEHEMIA 5:19

Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

NEHEMIA 9:15

shanhte kawsi yang, lamu ntsa na muk, hpang kara yang, lunghkrung na ntsin, nang shapraw jaw nna, shanhte hpe jaw na nga, nang dagam da ai mung hpe, shang madu lu na, nang shanhte hpe hkang da mu ai.”

SHAKAWN KUNGDAWN 104:24

Yehowa e, na a amu gade law la nga a hka! Nang mahkra hte hpe, hpaji hte galaw nu ai; Aga gaw, nang hpan da ai arai hte hpring nga ai.

SHAKAWN KUNGDAWN 130:7

Israela e, Yehowa hpe ala nga u; Yehowa gaw chyeju myit rawng nga ai rai nna, Hkye hkrang la ai lam kaba shi hte rau rai nga ai.

SHAKAWN KUNGDAWN 36:8

Na a nta na sau hpum ai hte shanhte hkru kat nga ma ai, na a ngwipyaw ai hka hta na, nang shanhte hpe shalu mu ai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

Daniela 6:22

Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

MIHKA 7:7

Ngai chyawm gaw, Yehowa hpe a mada nga na nngai; ngai e hkye hkrang la ai Karai Kasang hpe, ngai ala nga na nngai: nye a Karai Kasang gaw, ngai hpe madat na ra ai.

MALAHKI 3:10

Nye a nta hta lusha rawng nga na matu, htamshi hta htammi yawng, nye a sutdek hta bang da mu: shing rai ngai gaw, sumsing lamu hkuwawt hku hpaw nna, nanhte n dang hkap la lu hkra, nanhte a ntsa e shaman ai chyeju ru bun na, n ru bun na gaw, ya dai lam ngai hpe chyam yu mi, nga nna Zaw nawng zaw wa up ai Yehowa tsun ai.

MAHTE 6:32

kaning rai nme law, tara maigan ni dai nlang hte hpe tam nga ma ai: dai yawng mayawng hte hpe nanhte ra nga myit dai gaw, sumsing lamu na nanhte a Kawa gaw chye nga ai.

YAWHAN 20:17

Bai Yesu gaw, “Ngai e hkum hkra et; kaning rai nme law, ngai Wa hpang de ngai garai n lung wa nngai: rai timung, ngai nau ni hpang de wa nna, Ngai gaw nye a Wa hte nanhte a Kawa, nye a Karai Kasang hte nanhte a Karai Kasang hpang de lung wa sa na da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 20:27

Shaloi shi gaw Htawma hpe, “Na a layung nang de ladawn nna, nye a lata hpe yu u; na a lata ladawn nna, nye a garep hpe mung manaw yu u; n kam hkum rai et, kamsham nga u,” ngu wu ai.

ROMA 1:8

Nanhte a kamsham ai gaw mungkan ting chyam hkra kajai gumhkawng wa sai majaw, Yesu Hkristu a jaw e, nanhte mahkra a matu mara, nye a Karai Kasang hpe, ngai shawng shakawn kungdawn nngai.

ROMA 11:33

Karai Kasang a n taw n tsang ai hpaji byeng-ya hte chye chyang ai myit gaw, gade wa sung nga a hka! kadai n sawk ya lu ai shi a jeyang ai hku, kadai n gawn ya lu ai shi a ningsang magam lam ni gaw, mau n ma rai nga ai.

ROMA 2:4

Karai Kasang a chyeju gaw myit malai lu hkra nang hpe woi awn wa nit dai hpe n chye n dum let, shi a n taw n tsang ai chyeju mung, myit sharang ai hte myit galu kaba ai hpe mung, nang n kaw n law a di da wu ni?

ROMA 8:18

Kaning rai nme law, ndai aprat na tsin-yam tsindam gaw, anhte kaw e shadan shapraw na ra ai hpung shingkang hte shadawn n ging nga ai, ngai myit nga nngai.

ROMA 9:23

hpung shingkang a matu shawng e lajang da ai chyeju di ngu ai, Yuda ni hta sha n rai, maigan amyu ni hta na mung,

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

EHPESU 1:18

shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

EHPESU 1:7

Shi a n taw n tsang ai chyeju a majaw mung, tsawra htum ai Kasha a asai hta nan, htingrai htingrat na lam hte, yubak hpe raw dat kau na akyu, anhte lu la sagaw ai:

EHPESU 2:7

Hkristu Yesu hte hpawn, shi anhte hpe sharawt la nna, sumsing lamu lahta tang e dung shangun ma ni ai.

EHPESU 3:16

shi a Wenyi a jaw e nanhte a kraw kata na masha hpe, atsam hte shadaw shalan nna,

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

HPILIPI 4:7

Shaloi chye chyang ai nyan yawng hta grau lai ai Karai Kasang angwi pyaw ai gaw, nanhte a myit masin hte nanhte a myit mang ai hpe, Hkristu Yesu hta e bau sin na ra ai.

KOLOSE 1:27

Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

1 HTESALONI 2:12

kawa gaw tinang a kasha ni hpe di ai hte maren, langai hte langai hte hpe anhte shadum jahprang nna, shangwi shapyaw ai hte sakse hkam ya ai hpe, nanhte nan chye nga myit dai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

HPILEMON 1:4

Madu Yesu hpe mung, chyoi pra ai ni yawng hte hpe mung, nang tsawra ai hte kamsham lam hkan ai hpe, ngai na nngai majaw,

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.