HPILIPI 4:14 - Jinghpaw Hanson Version Bible

¹⁴ Rai timung, ngai nni nkri hkrum ai hta ngai hte kanawn mazum ai gaw, nanhte mai kaja ai hku galaw ai rai nga myit dai.

Jinghpaw Common Language Bible 2009

¹⁴ Rai ti mung ngai nni nkri hkrum ai ten hta ngai hpe karum madi shadaw ai hku nna nanhte grai mai kaja ai bungli galaw manit dai rai nga ai.

HPILIPI 4:14 ပူးပေါင်းရင်းမြစ်များ

1 HKAWHKAM 8:18

Nang nye a amying nsang matu nta galaw da na, nga nna myit maw nga ndai lam gaw mai kaja nga ai;

2 HKAWHKAM LABAU 6:8

Yehowa gaw, Nang nye a amying nsang matu nta galaw da na, nga nna myit maw ndai lam gaw, mai kaja nga ai.

MAHTE 25:21

Dai rai nna shi a madu, ‘Ara, kaja ai hte sadi dung ai mayam e: arai loi sha hta nang kangka rai nit dai; arai law law a ntsa e ngai nang hpe san tawn da na de ai: na madu a kabu gara ai hta shang lawm u,’ ngu nna shi hpe tsun wu ai.

ROMA 15:27

Shanhte myit madu ma timung, dai gaw chyeju htang ai sha naw rai nga ai: kaning rai nme law, shanhte a wenyi wunli wun-gau hta maigan amyu ni jawm hpawm ma yang gaw, mungkan arai hte shanhte hpe galaw daw na, sut nga ai.

GALATI 6:6

Dai mungga hpe sharin achyin la ai wa gaw, sharin achyin ya ai wa hpe mai kaja ai yawng mayawng hte karan kachyan nga u ga.

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

HEBRE 10:33

Dai shaloi e, asawng asang hte zingri zingrat ai hkrum let, masha ni a man e yu chyai hpa mung, dai zawn hkrum ai ni hte jawm hkam ai manang ni mung, nanhte tai yu manit dai,

HEBRE 10:34

Dai hta n-ga, bawng dung ai ni hpe mung nanhte matsan dum manit dai; nanhte a arung arai kashun kashe la ya ai hpe mung, nanhte kabu gara ai myit hte hkam mana kau nna, dai hta grau reng ai dinggrin anga nga ai arung arai nanhte lu nga ai gaw, gaja wa chye dum myit dai.

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.