HPILIPI 4:12 - Jinghpaw Hanson Version Bible

¹² Shagrit kau ai hpe ngai chye nngai, n taw n tsang ai hpe mung ngai chye nngai: lam shagu hte shara shagu hta hkru kat na hte kawsi hpang gara ai rai timung, n taw n tsang ai hte kadawn hkrum na hpe rai timung, ngai sharin hkrup nngai;

Jinghpaw Common Language Bible 2009

¹² Ra kadawn ai ten hpe gara hku hkap hkrum manga kau na hpe ngai chye nngai; ra ai hta jan nna n taw n tsang lu ai ten hta gara hku nga na hpe mung ngai chye nngai. Lam shagu hte shara shagu hta, hpring tsup hkru kat na hte kawsi hpang gara hkrum na ten ni hta mung, n taw n tsang lu ai ten hte kadawn kata hkrum ai ten hta mung, myit pyaw myit dik let nga lu shangun ai makoi magap da ai hpaji hpe ngai sharin la lu se ai.

HPILIPI 4:12 ပူးပေါင်းရင်းမြစ်များ

NEHEMIA 9:20

Shanhte hpe sharin achyin ya na matu, na a mai kaja ai wenyi nang shanhte hpe jaw nna, shanhte n-gup na manna muk hpe dawm la wu ai, n rai; shanhte hpang kara nga yang, ntsin a jaw nga mu ai.

ESAIA 8:11

Ndai amyu masha ni a lam hta n hkan hkawm hkra, Yehowa nan n-gun ja ai lata hte ngai hpe sharin let tsun ai gaw,

YEREMIA 31:19

Gaja wa, ngai nhtang wa ai hpang myit malai lu nngai; sharin hkrum ai hpang, nye magyi hpe kahpret nngai; ram prat e galaw hkrup ai yubak majaw, ngai kaya dum nna, mak mat ai hte myi man sum ai hkrum nngai, nga nna tinang hkum hpe mara shagun ai ga, ngai gaja wa na nngai.

MAHTE 11:29

Ngai gaw myit sumnung ai hte myit gyip nga nngai rai nna nye a kandang hpe hpai mu, nye a lam sharin la mu: dai rai yang nanhte a myit masin ban sa ai hkrum na malit dai:

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 10:10

Kaning rai nme law, shi a laika ni gaw li la ai hte atsam rawng ai laika rai lu ai rai timung, shi hkum nan rau nga nga yang, shi a hkum hpung n rawng nna, shi a tsun ai ga akyu n rawng lu ai, nga nna tsun ai ni nga ma ai.

2 KORINHTU 11:27

amu bungli hte kyin dut ai hta, law law lang yup n lusha ai hta, kawsi ai hte hpang gara ai hta, law law lang lusha gam ai hta, kashung ai hte shinggu krin re ai, tsin-yam, a hkrum nga nngai.

2 KORINHTU 11:7

Nanhte grau wa myit ga, ngai hkum hpe ngai shagrit nna, jahpu n hpyi ai sha Karai Kasang a kabu gara shiga nanhte hpe hkaw dan ai gaw, ngai hta mara kap nga ai kun?

2 KORINHTU 11:9

Makedoni mung na du sa ai hpunau ni chyawm gaw ngai ra mara shapraw jaw ma ai rai nna, nanhte hpe hpa mung n shatsang ai sha ngai sadi nga ai hte naw a sadi nga na nngai.

TARA JAHPRANG 32:10

Katsi katsang akrin ayang rai nna, Matse rai garu ai mali banda e, shi e mu la wu ai; Shi hpe makawp kawan, lahku lamai di ai hte Tinang myi sha hpe pawn maga wu ai.