HPILIPI 3:9 - Jinghpaw Hanson Version Bible

⁹ Dai hta n-ga Hkristu hpe ngai lum la lu nna, shi hta grin nga lu na hte, jep ai tara na nye a dinghpring ai n rawng ai sha, Hkristu a makam masham a marang e kamsham ai hte lu la ai Karai Kasang a dinghpring ai rawng nga let,

Jinghpaw Common Language Bible 2009

⁹ Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

HPILIPI 3:9 ပူးပေါင်းရင်းမြစ်များ

NINGPAWT NINGHPANG 7:23

Shaloi, ga ntsa na hkrung mahkrung mahkra gaw, shinggyim masha mung, yamnga mung, gumrawt hkawm ai baw mung, ntsa malen pyen ai u mung, atsai awai di kau ai hkrum ma ai: dai ni gaw ga ntsa na atsai awai di kau ai hkrum ma ai rai nna, Noa hte dai sanghpaw li kata shi hte rau rawng ai ni sha ngam nga ma ai.

1 HKAWHKAM 8:46

“Masha kadai mung yubak n galaw ai n nga ai majaw, shanhte nang hpe yubak galaw nna, nang shanhte hpe pawt sindawng nhtawm, hpyen ni a lata de ap ya nna, hpyen ni gaw tinang a mung hte tsan ai ni ai shara de shanhte hpe bawng wa dung shangun ai rai yang gaw,

2 HKAWHKAM LABAU 32:25

Rai timung Hezekia gaw shi hkam la ai chyeju hte maren n htang ya ai sha, myit kaba nga ai majaw, shi a ntsa e mung, Yuda hte Yerusalem ntsa e mung pawt sindawng ai pru nga ai.

2 HKAWHKAM LABAU 32:31

Rai timung, shi a mung hta mauhpa amu byin ai lam, Babelon du salang ni san yu na matu, kasa shangun dat yang, shi hpe chyam yu na hte, shi myit masin hta rawng ai lam mahkra hpe chye lu hkra, Karai Kasang gaw shi hpe dat tawn da wu ai.

SHAKAWN KUNGDAWN 14:3

Yawng dam mat wa masai; Shanhte rau brun mat wa masai. Kadai mung kaja ai amu n galaw ma ai: Gaja wa, langai mi muk n nga ai.

SHAKAWN KUNGDAWN 143:2

Na a man e hkrung mahkrung n ding n man rai nga ma ai majaw, Na a mayam wa hpe tara hkum dara et.

SHAKAWN KUNGDAWN 19:12

N chye nna shut ai lam hpe kadai dum lu a ta? N dan ai yubak hta na mung, ngai hpe jasan la e.

HPAJI NINGLI 7:20

Gaja wa, ga ntsa e, dinghpring ai hte kaja ai amu galaw timung, n chye shut ai wa langai mi n nga ai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 33:16

Ndai aprat e Yuda mung hkye hkrang la ai hkrum nna, Yerusalem mare gaw asim sha nga lu na ra ai; da ndai gaw, Anhte a dinghpring Madu Yehowa, nga nna ndai mare hpe shamying ai amying rai nga ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

MAHTE 9:13

Dai rai nna, Hkungga jaw ai lam n rai, matsan dum ai lam she ngai tsaw nga nngai, nga ai ga hpe chye lu mu ga, sa sharin la mu: Kaning rai nme law, dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu mu ai.

ROMA 1:17

Dai hta kaga, Dinghpring ai wa gaw kamsham ai hte hkrung nga lu na ra ai, nga nna ka da nga ai hte maren, kamsham ai hte lu la nna kamsham ai de ang wa ai, Karai Kasang a dinghpring ai lam hpe, dai hta e shadan dan nga ai.

ROMA 10:10

Kaning rai nme law, masha gaw dinghpring ai lu la hkra, myit masin hte kamsham nna, hkye hkrang la ai lu la hkra, n-gup hte tsun gara nga ai.

ROMA 16:7

Nye a baw sang re ai, ngai hte rau htawng rawng yu ai Androniku yan Yuni hpe shakram ya mi: dai yan gaw kasa ni hta e arawng lu ma ai rai nna, nye a shawng e Hkristu hta e de lu ma ai.

ROMA 5:21

rai timung, yubak gaw si hkrung si htan hte up hkang nga ai hte maren, anhte a Madu Yesu Hkristu a marang e, htani htana asak lu la hkra, chyeju gaw dinghpring ai hte up hkang nga lu u ga, yubak law htam wa ai hte yang e, chyeju gaw grau nna law htam wa sai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

ROMA 8:3

Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 2:16

masha gaw jep ai tara a magam amu hte n rai, Hkristu Yesu a makam masham hta sha dinghpring lu ai gaw, anhte chye nga ga ai majaw, jep ai tara a magam bungli hte n rai, Hkristu hta kamsham ai hte anhte dinghpring lu u ga, anhte pyi Hkristu Yesu hta e kamsham saga ai: kaning rai nme law, jep ai tara a magam bungli hte kadai mung dinghpring ai kaw n du lu ma ai.

TARA JAHPRANG 27:26

“Ndai jep ai tara ga hpe n hkan galaw ai wa gaw dingnye hkrum u ga le,” nga nna dagam yang, amyu masha ni nlang hte gaw, “Amen,” ngu nna htan na rai mu ai.

HPILIPI 3:6

Jep ai tara tau yu yang ngai Hparishe rai nga nngai: ngai shakut sharang ai lam tau yu yang, dai Hpung hpe zingri zingrat nngai; jep ai tara na dinghpring ai lam tau yu yang, ngai mara n kap nngai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

TITU 3:5

anhte hkum nan galaw ai dinghpring ai magam bungli a majaw n re ai sha, shi a matsan dum ai chyeju majaw she, bai shangai lam hte seng ai kashin kamun kau ya ai hte, anhte a hkye hkrang la ai Madu Yesu Hkristu a marang e,

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

YAKU 3:2

Kaning rai nme law, anhte nga manga hte hta, malaw maga gaw kataw ai hkrai rai nga ga ai. Marai langai ngai ga hte n kataw a yang gaw, hkum hkum tsup tsup re ai wa hte, tinang a hkum ting hpe hkang lu ai wa rai nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

1 YAWHAN 3:4

Yubak galaw ai wa kadai rai timung, tara tawt lai ai amu mung galaw nga ai. Yubak gaw tara hpe tawt lai ai amu rai nga ai.