HPILIPI 3:1 - Jinghpaw Hanson Version Bible

¹ Dai hta kaga, nye a hpunau ni e, dai Madu hta kabu gara nga mu. Nanhte hpe lam langai sha bai ka dat dat rai na, nye a matu hki ba na lam n nga ai sha, nanhte a matu akyu byin nga ai.

Jinghpaw Common Language Bible 2009

¹ Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

HPILIPI 3:1 ပူးပေါင်းရင်းမြစ်များ

1 HKAWHKAM LABAU 15:28

Shing rai Israela masha ni yawng, garu jahtau nna, pahke, pahtau, shupsheng dum ai hte, tingse, doria hpe shangoi let, Yehowa a ga shaka sumpu hpe hpai wa ma ai.

1 HKAWHKAM LABAU 16:10

Shi a chyoi pra ai amying hta kabu gumrawng nga mu: Yehowa hpe tam ai ni amyit masin kabu nga malu ga.

1 HKAWHKAM LABAU 29:22

dai shani e kabu gara ai myit kaba hte, Yehowa a man e lu lu sha sha rai nga ma ai. Dai hta kaga shanhte gaw Dawi a kasha Shawlumon hpe lahkawng lang ngu na hta hkawhkam aya dang ya nna, Yehowa a lawu e du tai na matu, shi hpe namman chya ya mu ai; Zadok hpe mung hkinjawng aya dang da mu ai.

NEHEMIA 8:10

Bai shi gaw, “Sa wa mu; sau ai hpe sha mu, dwi ai hpe lu mu; n lu ai ni hpe gam jaw mu: dai ni gaw Madu a chyoi pra ai shani rai nga ai; myit hkum kaji myit; Yehowa hta kabu gara nga ai gaw, nanhte a n-gun atsam rai nga ai.”

YOBA 22:26

Shing rai nang gaw N-gun Chyalai rawng ai wa hta kabu nga lu nna, Karai Wa hpe mada yu lu na ndai.

SHAKAWN KUNGDAWN 149:2

Israela gaw shi a Hpan Wa Ningsang hta kabu nga nna, Ziun a kashu kasha ni shanhte a Hkawhkam hta, sharawng awng nga mu ga.

SHAKAWN KUNGDAWN 32:11

Dinghpring ai ni e, Yehowa hta kabu gara let shakawn mu; Myit dinghpring ai ni nlang hte e, kabu gara let kungdawn mu law.

SHAKAWN KUNGDAWN 33:1

Dinghpring ai ni e, Yehowa hpe shakawn mu; Myit dinghpring ai ni a kungdawn ga sut nga ai.

SHAKAWN KUNGDAWN 37:4

Yehowa hta sharawng awng nga nna, na a myit hpyi ai hku shi nang hpe jaw na ndai.

SHAKAWN KUNGDAWN 42:4

Kaning rai nme law, shawa masha ni hte ngai lung wa nna, Poi galaw ai hpawng hpe kabu ai nsen hte mahkawn mangoi let, Karai Kasang a nta de woi sa sa di de ai gaw, Ngai dum nga nna, nye a myit masin ngai hta kabrawng nga ai.

SHAKAWN KUNGDAWN 5:11

Nang hpe shamyet shanat ai ni nlang kabu gara nga mu ga, Nang shanhte hpe maga da mu ai majaw, tutnawng e kabu jahtau nga mu ga: Na amying hpe tsawra ai ni mung, nang hta sharawng awng nga mu ga.

SHAKAWN KUNGDAWN 97:1

Yehowa gaw Hkawhkam rai nga ai; Ginding aga kabu jahtau nga u ga; Zunlawng law law ni mung, kabu gara nga mu ga.

ESAIA 41:16

Nang shanhte hpe katsap nna, nbung gaw dai ni hpe ahpawt kau na ra ai; laru gaw shanhte hpe kamawng kau na ra ai: nang chyawm gaw Yehowa hta kabu gara nga nna, Israela Chyoi pra ai Wa hta gumrawng nga na rin dai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 65:14

yu mu, nye a shangun ma ni gaw kabu gara ai myit hte mahkawn mangoi na mara ai, nanhte chyawm gaw myit yawn ai hte jahtau hkrap nna, myit htum ai hte sharung shayawt na myit dai.

YOELA 2:23

Dai rai nna, Ziun a kashu kasha ni e, kabu gara nga mu; nanhte a Karai Kasang Yehowa hta, sharawng awng nga mu: kaning rai nme law, shi gaw marang nhpaw hpe, ram ai hte maren, nanhte hpe jaw manit dai; gaja wa shi gaw, shawng shata kaw nna, marang nhpaw hte marang shadoi nanhte a ntsa e jahtu nu ai.

ZEHPANI 3:14

“Ziun shayi sha e, mahkawn mangoi u; Israela e, kabu jahtau u: Yerusalem shayi sha e, na a myit masin mahkra hte kabu gara nga nna, sharawng awng nga u.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

ZEHKARIA 10:7

Ehprim masha ni gaw share ninghkrin zawn tai nna, tsabyi jahku hte hkru ai zawn, shanhte a myit masin kabu gara na ra ai; gaja wa, shanhte a kashu kasha ni, dai hpe mu nna, kabu gara na mara ai: shanhte a myit masin gaw, Yehowa hta sharawng awng na mara ai.”

MAHTE 5:12

kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

LUKA 1:47

Nye wenyi mung ngai hpe hkye la ai Madu Karai Kasang hta kabu gara li ai.

ROMA 5:11

Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

2 KORINHTU 13:11

Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

EHPESU 6:10

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

TARA JAHPRANG 12:18

na a Karai Kasang Yehowa lata da ai shara hta, nang hkum dai hte, na a shayi shadang sha ni mung, na a mayam num mayam la ni hte, nang kaw shingbyi nga ai Lewi masha wa mung, na a Karai Kasang Yehowa man e dai hpe sha lu na rai nna, nang galaw ai lam magup hta na a Karai Kasang Yehowa man e kabu gara nga na rai ndai.

TARA JAHPRANG 16:11

shaloi nang hte na a shayi shadang sha, na a mayam num mayam la, na a mare na Lewi wa, nang kaw shingbyi nga ai tsasam manam wa hte nang kaw nga ai jahkrai nmai, gaida gaina ni yawng, Yehowa shi a amying nsang tawn da na matu san da ai shara hta na a Karai Kasang Yehowa man e sa kabu gara nga na rai myit dai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

1 HTESALONI 5:16

Tutnawng e kabu gara nga mu:

YAKU 1:2

Nye a hpunau ni e, nanhte a kamsham ai myit hpe dinglik yu ai hkrum yang, shakut sharang chye ai myit jat nga ai hpe, nanhte chye nga myit dai majaw,

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.

2 PETRU 3:1

Tsawra ai ni e, da ndai gaw ya nanhte hpe lahkawng lang na ka shagu dat ai laika rai nga ai; chyoi pra ai myihtoi ni moi shawng e tsun dan ai ga hte hpe mung, nanhte a kasa ni a lata hta ap da ai,

1 SAMUELA 2:1

Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.