HPILIPI 2:8 - Jinghpaw Hanson Version Bible

⁸ shing rai, masha a gawng shing-yan lang let shi hkum hpe shi shagrit kau nna, si ai du hkra madat mara nga ai, gaja wa, wudang hta si ai du hkra madat mara nga ai.

Jinghpaw Common Language Bible 2009

⁸ Shi a myit hpe shagrit shanem kau nna, si ai du hkra madat mara nu ai. Kaja wa wudang hta si ai du hkra madat mara nga ai.

HPILIPI 2:8 ပူးပေါင်းရင်းမြစ်များ

SHAKAWN KUNGDAWN 22:16

Kaning rai nme law, gwi ni ngai hpe jawm nna, N hkru ai shawa hpung ngai hpe grup ma ni ai: Nye a lagaw lata hpe mung jahpye ya ma ni ai.

GA SHAGAWP 15:33

Yehowa hpe hkrit kamyin ai myit gaw, hpaji sharin ai lam rai nga ai; Arawng sadang a shawng e myit shagrit ai rai nga ai.

MAHTE 17:2

Shaloi shanhte a man e shi ahpraw asam galai wa ai hte, shi a myi man gaw, jan zawn htoi kabrim nna, shi a hpun palawng nhtoi zawn hpraw tu wa lu ai:

MAHTE 26:39

Shaloi dai yang na shi loi mi lai sa nhtawm, ga de myi man gum dagup let akyu hpyi nna, “Wa e, ndai gawm hpe ngai kaw na shalai kau lu yang gaw, shalai kau ya e; rai timung, nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai bat nna, “Wa e ngai dai hpe n lu ai sha, ngai kaw na n shalai kau lu yang gaw, na a myit dik lit ga law,” ngu nna akyu hpyi nga ai.

LUKA 9:29

Akyu hpyi nga yang shi a myi man gaw ahpraw asam lai nna, shi a hpun palawng mung hpraw tu ai hte kabrim kabram rai wa lu ai.

YAWHAN 10:18

Nye asak hpe gade e kashun la ya lu ai n rai: nye a myit hte ngai nawng ya kau nngai: nawng ya kau na ahkang hte bai lu la na ahkang ngai lu nngai: dai ahkang gaw nye Wa kaw na ngai lu la ni ai,” ngu mu ai.

YAWHAN 14:31

rai timung, ngai nye a Wa hpe tsawra nga nngai gaw, mungkan ga chye lu na hte, nye Wa e ngai hpe matsun jaw dat ai hte maren she, ngai galaw nga nngai. Rawt mu, dai yang nna sa wa saga.

YAWHAN 15:10

Ngai gaw nye Wa a ga matsun hkan shatup nna, shi a tsawra ai hta maju jung nga nngai zawn, nanhte mung nye a ga matsun hkan shatup myit yang gaw, nye a tsawra ai hta maju jung na myit dai.

YAWHAN 4:34

Dai rai nna Yesu gaw, “Ngai e shangun dat ai wa a myit hku hkan galaw na hte, shi a magam bungli shangut lu na gaw, nye a shahpa rai nga li ai.

KASA 8:33

Shagrit kau ai hkrum nga ai hta, shi dawdan ai kaw na lawt lu wu ai: Rai timung shi asak hpe ga ntsa na dawm kau ya wu ai majaw, Shi a baw sang ni a lam, kadai gawn dan lu na rai ta?” nga ai.

ROMA 5:19

Kaning rai nme law, masha langai mi a n madat mara ai a majaw, ga daga hpe yubak kap ai ni ngu shatai mu ai hte maren, marai langai mi a madat mara ai lam majaw, lanlak hpe dinghpring ai ni ngu shatai na maru ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

TARA JAHPRANG 21:23

na a Karai Kasang Yehowa nang hpe sali wunli jaw ai mungdan awu asin n hkrum na matu, dai wa a si mang hpe dai shani jang, ga hta teng teng lup kau na rai ndai; hpun hta shana tup noi da lu na n rai: kaning rai nme law, noi kau hkrum ai wa gaw, Karai Kasang kaw na dagam dala hkrum ai wa rai nga ai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

HEBRE 12:4

Nanhte gaw yubak hpe katut gasat na matu asai pru hkra garai n hkap daw yu myit dai:

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai: