HPILIPI 2:30 - Jinghpaw Hanson Version Bible

³⁰ Kaning rai nme law, nanhte ngai hpe daw jau ai lam hta naw ngam nga ai hpe shatup shatsup lu na matu, shi a asak hpe pyi shi shanaw kau nna, dai Madu a magam bungli majaw, si ai ganoi noi hkrum nga ai.

Jinghpaw Common Language Bible 2009

³⁰ Hpa majaw nga yang shi gaw nanhte hkum nan n jaw lu ai karum ai lam ngai hpe jaw lu na matu sak dan nna Hkristu a magam bungli hpe ganoi noi si hkra gun hpai shakut lai wa nu ai.

HPILIPI 2:30 ပူးပေါင်းရင်းမြစ်များ

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

ROMA 16:4

shan gaw nye a asak a matu tinang du baw shatawng kau manu ai rai nna, ngai hkrai sha n rai, maigan na Hpung ni yawng hte mung, shan hpe shakawn ga ai: shan a nta e shanu ai Hpung hpe mung shakram ya mi.

1 KORINHTU 15:53

Kaning rai nme law, ndai hten mat chye ai gaw, n hten n mat chye ai dagraw lu na ra ai; ndai si mat chye ai mung, n si n mat chye ai, dagraw lu na ra ai.

1 KORINHTU 16:10

Timohti nanhte kaw du dam a yang gaw, shi n hkrit ai sha nanhte hte rau nga nga lu u ga, yu yu nga mu; kaning rai nme law, shi gaw ngai hte maren dai Madu a magam bungli hpe gun hpai nga ai.

1 KORINHTU 16:17

Stehpan, Hportunatu hte Ahkaiku hte du ma ai majaw, ngai kabu gara nga nngai; nanhte n sharai lu ai hte hpe shanhte shatup ma rai rai nna,

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 4:12

Dai rai nna, anhte hta e si hkrung si htan, nanhte hta e chyawm gaw asak hkrung ai gaw, a shachyen nga ai.

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

HPILIPI 2:27

Gaja wa shi gaw ganoi noi si hkra machyi kau nu ai; rai timung, Karai Kasang gaw shi hpe matsan dum nga ai; shi hpe sha n rai, ngai gaw yawn hkyen ai htap mi hte htap mi n hkrum u ga, ngai hpe mung matsan dum nga ai.

HPILIPI 4:10

Ya e mung nanhte nye a lam bai rawt tsang wa nga myit dai majaw, ngai dai Madu hta nachying kabu nga nngai; shawng e mung nanhte myit tsang myit dai rai timung, nanhte rai lu na n tai myit dai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

HPILEMON 1:13

Dai kabu gara shiga majaw bawng dung ai hta, shi gaw na a malai ngai hpe galaw jaw na, ngai kaw woi nga mayu nngai rai timung,

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.