HPILIPI 2:3 - Jinghpaw Hanson Version Bible

³ Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

Jinghpaw Common Language Bible 2009

³ Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

HPILIPI 2:3 ပူးပေါင်းရင်းမြစ်များ

GA SHAGAWP 13:10

Gumrawng ai majaw, ga law ga la hkrai byin nga ai; Hpaji daw ai ni a ga hkan ai wa, hpaji rawng nga ai.

LUKA 18:14

Nanhte hpe ngai tsun made ga, kang hta ai wa gaw Hparishe wa hta dinghpring ai grau lu la nna, nta de bai yu wa nu ai: kaning rai nme law, tinang hkum shagrau ai wa kadai mung grit mat ai hkrum na ra ai; tinang hkum shagrit ai wa chyawm gaw, shagrau ai hkrum na ra ai,” ngu mu ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 2:8

ndang kalang nga nna tengman ai ga hpe n madat ai wa mi, n ding n man ai madat mara ai ni hpe mahtang, pawt bu nna sindawng katawt ai hte arip na maru ai;

1 KORINHTU 15:9

Kaning rai nme law, kasa ni hta kaji htum ai wa ngai rai nga nngai; Karai Kasang a Hpung hpe zingri zingrat nngai majaw, kasa ngu na pyi ngai n ging n dan nngai.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 5:21

Hkristu hpe hkrit kamyin ai hte nanhte shada da a npu e a taw nga mu.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

KOLOSE 3:8

Ya chyawm gaw ndai nlang hte hte, masin pawt ai, n-yun bu ai, n hkru n hkra ai, shatan nhkan ai hte ga kinsha hte hpe, nanhte a n-gup na yeng kau mu.

1 TIMOHTI 6:4

shi gumrawng gumtawng nga ai hte, hpa mung n chye ai sha, ga sumtu hte sha seng ai ga sawk yu ai hte ndang kalang hkat ai lam sha tam nga ai; dai hta na manawn masham ai, zumbru zumbra ai, shatan nhkan ai, n kaja ai hku aleng ai hte,

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”