HPILIPI 2:21 - Jinghpaw Hanson Version Bible

²¹ Yawng hte gaw Hkristu Yesu hte seng ai hpe n re ai sha, tinang hte seng ai hpe sha tam nga ma ai.

Jinghpaw Common Language Bible 2009

²¹ Masha kaga ni yawng hte gaw tinang a lam hpe sha tsang ma ai; Hkristu Yesu hte seng ai lam hta myit n lawm ma ai.

HPILIPI 2:21 ပူးပေါင်းရင်းမြစ်များ

2 HKAWHKAM 12:6

hkinjawng ni langai hte langai tinang hte chye chyap ai ni kaw na lahkawn la nhtawm, dai nta hta hten run ai shara shagu hkan e galaw lajang mu, ngu nna hkang da mu ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

MALAHKI 1:10

Nye a tawn hkungri ntsa e, awan kaman sha n shachyi kau myit ga, nye a nta na chyinghka ni hpe la da mayu ai wa, kadai? Nanhte hpe ngai n ra nngai; nanhte a lata na shagu hkungga hpe ngai n hkap la na nngai, nga nna Zaw nawng zaw wa up ai Yehowa tsun ai.

MAHTE 16:24

Bai, Yesu gaw shi a sape ni hpe, “Ngai hpang de sa wa mayu ai wa kadai rai timung, tinang a hkum hpe nyet kau lu na rai nna, shi a wudang hpai let, ngai kaw hkan nang ru ga.

LUKA 14:26

“Ngai kaw sa du ai wa kadai mung, tinang a kanu kawa, madu jan kasha ni hte, kahpu kanau kajan ni hpe mung, dai hta n ga tinang a asak hpe mung, n dawng n rai yang gaw, dai wa gaw nye a sape n tai lu ai.

KASA 13:13

Dai hpang Pawlu hte shi a manang ni gaw, Pahpu kaw nna li jawn nhtawm, Pamhpuli mung na Perga mare de du ma ai: Yawhan chyawm gaw shanhte hte hka nna, Yerusalem mare de wa mat ai.

KASA 15:38

Pawlu mahtang, shi gaw Pamhpuli mung nna shan hpe kau da ai hte, shan hte rau amu gun hpai ai de n hkan hkraw ai wa re ai, nga nna n shalawm mayu wu ai.

1 KORINHTU 10:24

Kadai mung tinang akyu n re ai sha, kaga wa a akyu sha tam nga mu.

1 KORINHTU 10:33

malaw maga a akyu tam nga nngai hte maren, nanhte gaw Yuda ni a matu mung, Heleni ni a matu mung, Karai Kasang a Hpung matu mung, ahtu kataw shara hkum tai nga myit.

1 KORINHTU 13:5

n se n sa n galaw ai, tinang a akyu n tam ai, sin pawt la htet n nga ai, mara n tam nga ai,

2 KORINHTU 1:5

Shing rai, Hkristu a nni nkri anhte hta e law htam wa ai hte maren, Hkristu a jaw e mung, anhte a shangwi shapyaw na lam, law htam wa nga ai.

HPILIPI 2:4

Langai hte langai tinang hte seng ai sha n rai, masha gale hte seng ai hpe mung, myit yu nga mu ga.

2 TIMOHTI 1:15

Asi a mung na ni nlang hte ngai hpe kau da ma ni ai gaw, nang chye nga ndai; shanhte hta Hpugelu yan Heramoge lawm ma ai.

2 TIMOHTI 3:2

kaning rai nme law, masha ni gaw, tinang hkum hpe tsawra ai ni, gumhpraw marin ai ni, grang dakat ai ni, gumrawng gumtawng re ai ni, shatan nhkan chye ai ni, kanu kawa ga n madat ai ni, chyeju n chye dum ai ni, n chyoi n pra ai ni,

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

2 TIMOHTI 4:16

Ngai hpe shawng na mara shawk yu ai lam hta, ngai hpang maga de kadai mung n lawm ai sha, yawng hte gaw ngai hpe jahka kau da ma ai: dai gaw shanhte a ntsa e mara n tai u ga.