HPILIPI 2:16 - Jinghpaw Hanson Version Bible

¹⁶ asak hkrung ya ai mungga hpe lang nga let, shanhte a ka-ang e mungkan ga a nhtoi zawn nanhte htoi tu nga na myit dai: dai hta kaga, ngai mung kaman lila n gat shingjawng ai hte, kaman lila amu bungli n galaw nngai hpe tau yu yang, Hkristu a nhtoi hta kabu gumrawng shara ngai nga na nngai.

Jinghpaw Common Language Bible 2009

¹⁶ Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

HPILIPI 2:16 ပူးပေါင်းရင်းမြစ်များ

SHAKAWN KUNGDAWN 40:9

Ngai gaw dai shawa hpawng kaba a ka-ang e, Dinghpring ai lam a kabu gara shiga hkaw dan ni ai; Yu u, nye a n-gup hpe ngai pat da we ai n rai, Yehowa e, nang nan chye nga ndai.

SHAKAWN KUNGDAWN 71:17

Karai Kasang e, brang ram prat kaw nna, Nang ngai hpe sharin achyin ya nit dai; Ya du hkra na a lamik kumla hpe ngai madun dan nga nngai.

ESAIA 49:4

Ngai mahtang, “Ngai gaw kaman sha shakut sharang nngai; lila be lagya n-gun dat nngai; rai timung, nye a lam Yehowa man e rai nga nna, ngai hkam la na shabrai gaw, nye a Karai Kasang a lata hta rai nga ai,” nga nna tsun nngai.

MAHTE 10:27

Ngai nanhte hpe nsin kata e tsun dan ai lam hpe, nhtoi hta e tsun dan mu: nanhte na hta e na la ai lam hpe, nta ntsa nna hkaw dan mu.

LUKA 12:8

Kadai rai timung masha ni a man e ngai hpe yin la yang gaw, dai Masha Kasha mung, Karai Kasang a lamu kasa ni a man e, dai wa hpe yin la na wu ai:

YAWHAN 6:63

Asak jahkrung ai gaw Wenyi rai nga ai; hkum shan gaw hpa lam mung n la ai: ngai nanhte hpe tsun ai mungga gaw, Wenyi rai nga ai, asak mung rai nga ai.

YAWHAN 6:68

Shaloi Simun Petru gaw, “Anhte kadai hpang de wa na rai nga a ta? nang gaw htani htana asak hte seng ai mungga lu ndai:

KASA 13:26

Abraham a amyu kashu kasha ni hte, nanhte hta na Karai Kasang hpe hkrit hkungga ai, hpunau ni e, ndai hkye hkrang la ai lam a mungga gaw, anhte hpang de jaw dat ra ai.

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

1 KORINHTU 9:26

Dai majaw tuk shamak re ai zawn, ngai gat nngai n rai; htwi hkat yang mung, nbung hpe ngai n htwi kau ai sha,

2 KORINHTU 1:14

anhte a gumrawng shara tai wa ai hte maren, anhte mung nanhte a gumrawng shara tai wa na rai nna, anhte a lam nanhte kau chyen mi chye na nga ai zawn, hpang chyahtum du hkra chye nga na myit dai, ngu nna ngai myit mada nga nngai.

GALATI 2:2

Shingran ga hte maren ngai lung wa nngai rai nna, ngai galaw yu sai amu hte, ya e galaw nga ai amu gaw, kaman lila n rai dam nhten ngu nna, maigan amyu ni hpe ngai hkaw tsun dan ai kabu gara shiga hpe, shanhte a man e mung, arawng lu ai ni a man e kaga lak mung, hkai dan dat made ai.

GALATI 4:11

Ngai gaw nanhte kaw kaman lila sha shakut sharang kau nga nngai nhten, ngu nna nanhte a lam ngai myit tsang nga nngai.

HPILIPI 1:10

Yesu Hkristu a marang e, Karai Kasang a hpung shingkang hte mahkawn mangoi ai lam a matu rai nga ai dinghpring ai a asi hte hpring chyat lu myit ga,

HPILIPI 1:6

Dai hta kaga, nanhte hta e mai kaja ai amu galaw hpang ai wa gaw, Yesu Hkristu a nhtoi du ai du hkra dai hpe shatsup shatup na ra ai, ngai myit mu nga nngai.

1 HTESALONI 2:19

Kaning rai nme law, anhte a Madu Yesu a man e, shi a bai du ai hta, anhte a myit mada shara, kabu gara shara hte gumrawng na janmau gaw, hpa mi rai nga a ta? Nanhte nan dai rai nga myit dai, n rai myit ni?

1 HTESALONI 3:5

Dai rai nna ngai naw n sharang nga lu nngai majaw, gunglau ai wa gaw nanhte hpe gunglau ai hte anhte a bungli kaman lila tai mat nhten, nga nna nanhte a makam masham hpe chye lu na, ngai shangun dat we ai.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

1 PETRU 1:23

nanhte gaw hten mat chye ai nli hta na n rai, hten mat n chye ai, Karai Kasang ahkrung nga ai hte anga nga ai mungga nli hta, bai shangai wa lu manit dai.

1 YAWHAN 1:1

Shawng npawt kaw nna nga ai rai nna, anhte na yu ai hte, anhte a myi hte mu yu ai hpe, anhte mada yu ai hte anhte a lata hte hkra ai, asak hkrung ai mungga a lam, anhte nanhte hpe gawn dan ga ai;

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.