HPILIPI 2:14 - Jinghpaw Hanson Version Bible

¹⁴ Hpa lam hpe mung, put ngun nna ndang kalang hkat ai hte, hkum galaw mu:

Jinghpaw Common Language Bible 2009

¹⁴ Nanhte galaw ra ai hpa lam hpe mung aput angun ndang kalang n rai ai sha galaw nga mu.

HPILIPI 2:14 ပူးပေါင်းရင်းမြစ်များ

SHAKAWN KUNGDAWN 106:25

Tinang a sum hta, shanhte wu wu di di rai nga nna, Yehowa a nsen hpe n madat mu ai.

GA SHAGAWP 13:10

Gumrawng ai majaw, ga law ga la hkrai byin nga ai; Hpaji daw ai ni a ga hkan ai wa, hpaji rawng nga ai.

BU HKAWM 14:27

“Ngai hpe aput apai nga ai, ndai n hkru ai shawa hpung hpe galoi du hkra ngai sharang nga na rai ta? Israela kashu kasha ni ngai hpe aput apai nga ai gaw ngai na se ai.

MAHTE 20:11

Shing rai lu la ma ai hpang shanhte gaw,

MARKU 14:5

Dai gaw lap masum tsa jan hte dut la nhtawm, matsan mayan ni hpe karan jaw lu na rai nga ai,” nga nna shada da tsun hkat ma ai: shanhte mung dai numsha hpe daru kau mu ai.

MARKU 9:14

Bai, sape ni kaw du wa ma yang, shanhte a grup yin e masha wunawng kaba nga nga ma ai rai nna, laika ka ai sara ni shanhte hte ndang kalang hkat nga ma ai hpe, wa mu mu ai.

LUKA 5:30

Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

KASA 15:2

De a majaw bra na lam pru nna, Pawlu yan Barnaba dai ni hte grai ndang kalang hkat ma yang, dai lam hpe jahkrup yu na matu, hpunau ni gaw, Pawlu yan Barnaba hte shanhte hta na nkau mi hpe, Yerusalem de nga ai kasa ni hte salang ni hpang de, shangun dat na san da ma ai.

KASA 15:39

Dai nhkan e shan ga lai nna, langai hte langai hka mat ma ai; Barnaba gaw Marku hpe woi nna, Kupru zunlawng de li hte sa wa ai.

KASA 15:7

Dai lam hta law law wa san htailai nga ma yang, Petru rawt nna shanhte hpe, “Hpunau ni e, maigan amyu ni nye a n-gup hta nna, dai kabu gara shiga na la ai hte kamsham u ga nga, shawng nnan e Karai Kasang ngai hpe, nanhte kaw na lata la ai gaw, nanhte chye nga myit dai.

KASA 6:1

Ya, sape ni law htam wa ai nhtoi hte yang, Heleni ngu ai ni hta na gaida jan ni hpe, shani shagu na galaw lu galaw sha ai amu hta shadawng tawn ai nhkan e, dai Heleni ni gaw Hebre masha ni hpe, aput angun nga ma ai.

ROMA 12:18

Nanhte rai lu myit dai daram, masha nlang hte hte myit hkrum nna hkau chyap nga mu.

ROMA 14:1

Kamsham ai hta n-gun n ja ai wa hpe hkap hkalum la mu: rai timung, myit mang hparan ai lam hpe dinglik yu na matu, hkum rai myit.

ROMA 16:17

Bai, hpunau ni e, nanhte hkam la ai sharin shaga ai lam hpe nhtan shai let, shabra sharun ai hte myit kataw shara shabyin ai ni hpe joi yu nna, shanhte hpe koi gam nga myit ga, ngai nanhte hpe shadum dat made ai.

1 KORINHTU 10:10

Shanhte nkau mi put ngun nna, jahten ai wa a lata e hten byak hkrum ma ai zawn, nanhte gaw put ngun hkum rai myit.

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

1 HTESALONI 5:13

shanhte a amu bungli majaw, tsawra ai myit hte shanhte hpe grai wa hkungga lara nga na, anhte nanhte hpe hpyi nem nga ga ai: nanhte mung shada da ngwipyaw nga mu.

1 HTESALONI 5:15

kadai hpe mung n kaja ai a jaw e n kaja ai hku bai n tai myit ga, sadi sahka nga mu; nanhte shada da hta mung, masha mahkra matu mara mung, tutnawng e mai kaja ai lam hpe hkan shachyut nga mu, ngu nna anhte nanhte hpe shadut jahkat made ai.

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

YAKU 1:20

kaning rai nme law, masha a masin pawt ai gaw, Karai Kasang a dinghpring ai lam hpe shachyen nga lu ai n rai.

YAKU 3:14

Rai timung, nanhte a myit hta e ladu lai ai manawn masham hte gasat gala rawng nga myit yang gaw, dai tengman ai ga hpe hkum gumrawng kau myit, hkum masu kau myit.

YAKU 5:9

Hpunau ni e, nanhte dawdan ai n hkrum myit ga, shada da hkum aput angun nga myit; yu mu, tara agyi wa gaw, chyinghka makau e a tsap nga ai.

1 PETRU 3:11

N hkru ai hpe koi kau nhtawm, kaja ai galaw nga u ga, Ngwipyaw ai hpe tam nna, hkan sa nga u ga.

1 PETRU 4:9

Aput apai n nga ai sha, nanhte shada da manam daw ai lam adaw nga mu.

YUDA 1:16

Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.