HPILIPI 2:13 - Jinghpaw Hanson Version Bible

¹³ kaning rai nme law, galaw mayu ai myit rai timung, galaw lu ai lam rai timung, Karai Kasang gaw shi a sharawng awng ai a marang e, nanhte hta shachyen da myit dai.

Jinghpaw Common Language Bible 2009

¹³ Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HPILIPI 2:13 ပူးပေါင်းရင်းမြစ်များ

1 HKAWHKAM 8:58

Shi a lam yawng hpe hkan nang let, anhte a ji wa ni hpe shi hkang da ai htet da ai ga, matsun maroi ga hte tara lam ni hpe hkan shatup lu hkra, anhte hpe n jahti kau da u ga law.

2 HKAWHKAM LABAU 30:12

Dai hta kaga, Yehowa a ga hkan nna, hkawhkam wa hte du salang ni hkang dat ai hte maren, Yuda mung masha ni gaw myit langai sha hte hkan nang lu hkra, Karai Kasang a lata shanhte a ntsa e rai ngai ai.

EZRA 1:1

Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

EZRA 1:5

Dai rai nna, tinang a wenyi hta Karai Kasang a shamu shamawt hkrum ai Yuda amyu hte Ben-yamin amyu na dap lakung ni a agyi ni hte rau, hkinjawng ni hte Lewi masha ni nlang hte gaw, Yerusalem e nga ai Yehowa nta hpe galaw na matu rawt ma ai.

EZRA 7:27

Yerusalem mare e nga ai Yehowa nta hpe shatsawm na matu, hkawhkam wa a myit shadut ya ai hte, hkawhkam wa, shi a agyi salang ni hte daru magam rawng ai hkringmang ni mahkra a man e ngai hpe myi man pa shangun ai, ji wa ni a Karai Kasang Yehowa gaw a nga u ga law.

NEHEMIA 2:4

Shaloi hkawhkam wa gaw, “nang hpa tam nga n ta?” ngu wu yang, ngai gaw, “Sumsing lamu na Karai Kasang hpe hpyi nngai.

YOBA 33:29

Yu u, masha wa a myit masin hpe nsung hku de na dawm la nna, ahkrung nga ai ni a nhtoi hte shi hpe jahtoi ya lu hkra,

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 119:36

Nye a myit lawhpa ai de n rai u ga, Na a sakse ga hpang de, dai hpe kayin ya e.

SHAKAWN KUNGDAWN 141:4

Nye a myit n shawp ai amu n maw u ga; Kaman lila galaw ai masha ni hte rau, Tara n hkan ai bungli ngai mung n galaw n ga; Shanhte a reng ai shat hpe, ngai n sha lawm n ga.

GA SHAGAWP 21:1

Hkawhkam a myit masin gaw, hka shi hka gai zawn, Yehowa a lata hta rawng nga nna, Shi myit ra ai hte maren shalen dat wu ai.

ESAIA 26:12

Yehowa e, nang anhte a matu ngwipyaw lam san da na ndai; kaning rai nme law, anhte a amu mahkra hpe pyi nang anhte a matu shachyen nu ai.

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

YEREMIA 32:38

shanhte gaw nye a amyu, ngai gaw shanhte a Karai Kasang tai na nngai:

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwipyaw ai gaw anga nga nu ga law,” nga ma ai.

YAWHAN 3:27

Shaloi Yawhan gaw, “Sumsing lamu de na jaw ai sha n rai yang gaw, masha gaw hpa mung n lu la lu ai.

YAWHAN 6:45

‘Masha yawng mayawng gaw Karai Kasang a sharin achyin ai lu la ai ni rai na mara ai,’ nga nna myihtoi laika ni hta ka da ai hte maren, nye Wa kaw na madat la nna, sharin achyin la ai ni yawng hte gaw, ngai hpang de du sa ma ai.

YAWHAN 6:65

Dai rai nna shi gaw, “Dai lam majaw she, nye Wa a ahkang hte n rai yang gaw, kadai mung ngai hpang de n du n sa lu ai, ngu nna ngai nanhte hpe tsun masade ai,” ngu mu ai.

KASA 11:21

Dai Madu a lata shanhte hte rau nga nga ai rai nna, kamsham ai hpung daw wa kaba, Madu hpang de kayin bang wa ma ai.

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,

ROMA 9:16

Dai rai nna, lu la mayu ai wa a myit e rai lu ai n rai, gat shakut ai majaw mung rai lu ai n rai, dai gaw chyeju rawng ai Karai Kasang a myit majaw sha rai nga ai.

1 KORINHTU 12:6

magam atsam shapraw na lam amyu myu nga timung, yawng mayawng hta e arai yawng mayawng hpe shabyin ai Karai Kasang gaw langai sha rai nga ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

2 KORINHTU 3:5

Rai timung, anhte gaw tinang atsam machyu nna me, anhte nan hpa hpaji daw lu ga ai n rai; anhte a ging ram ai atsam gaw Karai Kasang kaw nna rai nga ai;

EHPESU 1:11

Rai sa, shi hta e gumhpawn da na ru ai: shing rai Hkristu hta e shawng myit mada nga ai ni anhte gaw, shi a hpung shingkang hpe shakawn kungdawn nga lu u ga,

EHPESU 1:5

Tsawra htum ai Kasha a marang e, anhte hpe jaw dat mi ai hpung shingkang rawng ai chyeju a lam hpe shakawn kungdawn u ga,

EHPESU 1:9

dai chyeju gaw hpaji byeng-ya hte kunghpan ai lam nlang hte hte, anhte hta e law htam wa sai:

EHPESU 2:8

Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

1 PETRU 1:3

Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,