HPILIPI 2:11 - Jinghpaw Hanson Version Bible

¹¹ Karai Kasang gaw shi hpe shagrau nna, amying shingteng yawng mayawng hta, grau ai amying nsang jaw da wu ai, rai nga ai.

Jinghpaw Common Language Bible 2009

¹¹ Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

HPILIPI 2:11 ပူးပေါင်းရင်းမြစ်များ

SHAKAWN KUNGDAWN 110:1

Yehowa nye a madu hpe tsun wu ai gaw, “Na a gumlau ni hpe, na a lagaw kabye ai lahkum ngai shatai ai du hkra, Nye a hkra maga e naw adung nga u,” nga ai.

SHAKAWN KUNGDAWN 18:49

Dai majaw Yehowa e, masha amyu ni hta ngai nang hpe shakawn na nngai. Na a amying nsang hpe mahkawn mangoi na nngai.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

MAHTE 10:32

Kadai rai timung, masha ni a man e ngai hpe yin la ai wa hpe, Sumsing lamu e nga ai, nye Wa a man e dai wa hpe ngai yin la na we ai.

LUKA 2:11

dai ni na nhtoi hta Hkye hkrang la ai wa Hkristu ngu ai Madu gaw, Dawi a mare e nanhte a matu shangai wa sai:

YAWHAN 12:42

Rai timung, du ni hta pyi law law wa shi hpe kamsham shajang ma ai: dai rai timung, Tara jawng na shapraw kau na hpe tsang nna, Hparishe ni a jaw e n yin hkraw ma ai:

YAWHAN 13:13

Nanhte ngai hpe, Sara nga nna mung, Madu nga nna mung, hkungga myit dai: dai hte maren ngai rai nga nngai majaw, nanhte a ga mung rai la sai.

YAWHAN 13:14

Dai rai nna, Madu mung, Sara mung rai da ninglen, ngai pyi nanhte a lagaw kashin nngai rai yang gaw, nanhte mung, nanhte shada a lagaw mai kashin myit dai.

YAWHAN 14:13

Shing rai, Wa gaw Kasha a marang e hpung shingkang lu la hkra, nye a amying gang nna, nanhte hpyi mahpyi, ngai madat ya na nngai.

YAWHAN 14:23

Yesu gaw, “Ngai e tsawra ai wa rai yang gaw, nye ga matsun hkan shatup na ra ai: nye Wa mung dai wa hpe tsawra na wu ai rai nna, an lahkawng gaw dai wa kaw sa nna shi hte rau hpawng de nga na ga ai.

YAWHAN 17:1

Dai lam ni Yesu tsun nga ninglen, lamu de mada yu nna, “Wa e, nye ahkying du sali ai: ngai nsha wa a lata de nang ap ya ai yawng mayawng hpe shi htani htana asak jaw nga u ga, hkrung mahkrung a ntsa e up ai ahkang aya nang shi hpe jaw nit dai hte maren,

YAWHAN 20:28

Dai rai nna Htawma gaw, “Nye a Madu, nye a Karai Kasang rai nga ndai,” ngu nna shi hpe htan wu ai.

YAWHAN 5:23

Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw, shing ngu tsun mu ai: kaning rai nme nga yang, Yesu gaw Hkristu re ai, nga nna yin la ai wa kadai hpe rai timung, tara jawng na shapraw kau na, nga nna Yuda masha ni ya nna pyi bawng hkut da masai.

KASA 10:36

Nga yawng nga pra Madu rai nga ai Yesu Hkristu a marang e ngwipyaw ai hte seng ai kabu gara shiga hkaw tsun dan u ga nga, Israela kashu kasha ni kaw shangun dat ai mungga ngu ai:

KASA 2:36

Dai re ai majaw, nanhte wudang hta jen da sat kau ai, dai Yesu hpe, Karai Kasang gaw Madu hte Hkristu shatai nu ai gaw, Israela amyu ting gaja wa chye nga myit ga law,” ngu nna tsun wu ai.

ROMA 14:11

Kaning rai nme law, “Dai Madu gaw, Ngai ahkrung nga ai hte maren, nye a man e lahput shagu hput di nna, Shinglet shagu Karai Kasang kaw tawngban lu na re ai, nga ai,” nga nna ka da nga ai.

ROMA 14:9

Kaning rai nme law, si mat ai ni hte hkrung nga ai ni hpe madu nga lu hkra, Hkristu gaw si hkam nna bai hkrung rawt wa sai.

ROMA 15:9

Karai Kasang a tengman ai lam a matu mara, Hkristu gaw matu gadoi hkam ai ni a ali ama tai wa sai. Shing rai, “Dai re ai majaw maigan amyu ni hta ngai nang hpe shakawn na nngai, Na amying nsang hpe mahkawn mangoi na nngai,” nga nna ka da ai hte maren rai nga ai.

1 KORINHTU 12:3

Dai rai nna, Karai Kasang a Wenyi hte tsun ai wa kadai rai timung, Yesu gaw “ga sangam hkrum sha u ga” nga nna n tsun lu ai hte, Chyoi pra ai Wenyi e sha n rai yang gaw, “Yesu gaw Madu rai nga ai” kadai mung n tsun lu ai gaw, ngai nanhte hpe shachye shachyang made ai.

1 KORINHTU 15:47

Shawng na masha gaw dinghta ga na rai nga nna, dinghta ga hte seng nga ai: hpang na masha chyawm gaw, sumsing lamu na rai nga ai.

1 KORINHTU 8:6

rai timung, anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.

1 PETRU 1:21

shi a marang e kamsham ai ni, nanhte a matu mara, ndai hpang jahtum ai aten e dan hkung pru wa sai: shing rai, nanhte a makam masham hte myit mada shara gaw, Karai Kasang hta jung nga na ra ai.

1 YAWHAN 4:15

Yesu Hkristu gaw Karai Kasang a Kasha rai nga ai, nga nna yin la ai wa kadai hta e rai timung, Karai Kasang anga nga ai rai nna, shi mung Karai Kasang hta e anga nga ai.

1 YAWHAN 4:2

Karai Kasang a Wenyi hpe chye matsing na lam da ndai rai nga ai: Yesu Hkristu gaw masha a hkum shan dagraw nna du sa ai, nga nna yin la nga ai wenyi shagu gaw, Karai Kasang kaw na rai nga ai:

2 YAWHAN 1:7

Kaning rai nme law, Yesu Hkristu gaw masha a hkum shan hpe dagraw nna du sa ai hpe, ndang kau ai hkalem ai masha law law wa mungkan ga de pru sa mara ai. Dai wa gaw, dai hkalem ai wa hte antihkristu mung rai nga ai.

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.