HPILIPI 1:7 - Jinghpaw Hanson Version Bible

⁷ Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

Jinghpaw Common Language Bible 2009

⁷ Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 1:7 ပူးပေါင်းရင်းမြစ်များ

KASA 20:23

rai timung, gyit hkang ai hte zingri zingrat na gaw ngai hpe la nga ai, nga nna, mare shagu hta Chyoi pra ai Wenyi ngai e sakse hkam nga ai.

KASA 21:33

Shaloi hpyen du kaba sit sa nna, Pawlu hpe dun la nhtawm, hpri sumri lahkawng hte gyit na hkang da mu ai: shi kadai re ai, hpa shut ai mung, san yu wu ai.

1 KORINHTU 13:7

yawng mayawng hpe hkam mana nga ai, yawng mayawng hpe kamsham nga ai, yawng mayawng hpe myit mada nga ai hte yawng mayawng hpe shakut sharang nga ai.

1 KORINHTU 9:23

Dai kabu gara shiga a akyu hta ngai mung lawm lu u ga, dai kabu gara shiga a jaw e ngai yawng mayawng hte hpe hkan galaw nngai.

2 KORINHTU 3:2

Anhte a kraw lawang e ka da nna, masha yawng mayawng chye chyang lu ai hte hti yu lu ai anhte a laika nan, nanhte rai nga myit dai:

2 KORINHTU 7:3

Nanhte hpe jeyang na ngai ning nga tsun nngai n rai; kaning rai nme law, rau si rau prawn lu hkra, nanhte nan anhte a kraw lawang e anga nga myit dai gaw, ngai shawng e tsun yu ni ai.

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

EHPESU 6:20

ngai mai tsun ai hte maren n hkrit n kang ai sha tsun dan lu hkra, nye a n-gup hpaw ai shaloi, tsun dan lu na mung sumtu, ngai hpe jaw ya u ga, nye a matu mung akyu a hpyi nga mu.

HPILIPI 1:12

Bai, hpunau ni e, ngai hta byin ai lam hte gaw, dai kabu gara shiga naw grawng wa na matu byin wa ai rai nga ai, nanhte chye nga na ngai ra nga nngai.

HPILIPI 1:13

Dai htingnu na sin langa ting hte kaga, mahkra ni a man e, Hkristu a jaw e ngai bawng dung ai lam, dan leng wa sai:

HPILIPI 1:14

dai hta kaga, ngai bawng dung ai a marang e, dai Madu hta e hpunau ni malaw maga gaw, myit maku rawt wa ai hte, Karai Kasang a mungga hpe n hkrit n kang ai sha tsun dan na, grau nna gwi ma ai.

HPILIPI 1:5

nye a akyu hpyi mahpyi hta, nanhte mahkra a matu mara galoi mung kabu gara ai myit hte akyu hpyi shachyen nga nngai.

HPILIPI 2:22

Shi chyawm gaw, kasha gaw kawa hpe shadaw ai zawn, dai kabu gara shiga a lam hta ngai hte rau shakut sharang nga ai majaw, shi a kangka re ai hpe nanhte chye nga myit dai.

HPILIPI 4:14

Rai timung, ngai nni nkri hkrum ai hta ngai hte kanawn mazum ai gaw, nanhte mai kaja ai hku galaw ai rai nga myit dai.

HPILIPI 4:15

Dai hta kaga, Hpilipi masha ni e, dai kabu gara shiga hkaw hpang nna, Makedoni mung na pru wa yang, dai galaw jaw ai hte hkam la ai lam hta, nanhte sha n rai yang gaw, Hpung kaga langai mi mung ngai hte kanawn mazum nga ai n re ai hpe, nanhte nan chye nga myit dai:

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

KOLOSE 4:18

Ngai Pawlu nan nye a lata hte ndai shakram ai ga ka dat nngai. Nye a hkang hkyihkyang hpe dum nga mu. Chyeju gaw nanhte hte rau anga nga u ga law.

KOLOSE 4:3

Hkristu a sung htum ai ga a majaw ngai gyit hkang da ai hkrum rai timung, dai sung htum ai ga tsun dan lu u ga, Karai Kasang gaw mungga a lam anhte a matu mara chyinghka hpaw malang nga na hte,

1 HTESALONI 5:5

kaning rai nme law, nanhte nlang hte gaw nhtoi a kashu kasha ni hte shani a kashu kasha ni mung rai nga myit dai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 2:9

Dai kabu gara shiga a jaw e, n hkru ai wa zawn, bawng dung hkra ru tsang hkrum nngai, rai timung, Karai Kasang a mungga gaw sharen da hkrum lu ai n rai.

HPILEMON 1:13

Dai kabu gara shiga majaw bawng dung ai hta, shi gaw na a malai ngai hpe galaw jaw na, ngai kaw woi nga mayu nngai rai timung,

HEBRE 3:1

Dai re ai majaw, sumsing lamu na shaga la ai chyeju hkam la ai, chyoi pra ai hpunau ni e, anhte a nawku htung hpang ai Kasa hte Hkinjawng agyi wa Yesu hpe, myit sumru yu mu;

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

2 PETRU 1:13

Dai hta kaga, ndai hkum tsawp hta e ngai naw anga nga yang, nanhte a dum hprang na myit hpe jasu ya na, sut nga ai hpe ngai myit da we ai;

1 YAWHAN 3:14

Hpunau ni hpe tsawra nga ga ai majaw, anhte si ai kaw nna hkrung ai de kawt lu sagaw ai, anhte chye ga ai: tsawra ai myit n rawng ai wa gaw, si ai hta naw nga nga ai.