HPILIPI 1:6 - Jinghpaw Hanson Version Bible

⁶ Dai hta kaga, nanhte hta e mai kaja ai amu galaw hpang ai wa gaw, Yesu Hkristu a nhtoi du ai du hkra dai hpe shatsup shatup na ra ai, ngai myit mu nga nngai.

Jinghpaw Common Language Bible 2009

⁶ Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

HPILIPI 1:6 ပူးပေါင်းရင်းမြစ်များ

SHAKAWN KUNGDAWN 138:8

Yehowa gaw nye a lam shaboi ya na ring ngai; Yehowa e, na a chyeju htani htana agrin nga ai: Na a lata a amu hpe, hkum kau da u law.

YAWHAN 6:29

Yesu gaw, “Karai Kasang a amu ngu ai gaw, shi shangun dat ai wa hpe kamsham ai lam, ngu ai rai nga ai,” ngu nna shanhte hpe htan wu ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 16:14

Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

2 KORINHTU 1:15

Ya, ning rai myit mu nga yang, nanhte gaw lahkawng lang na chyeju lu la myit ga she, nanhte hpang de shawng sa du nna,

2 KORINHTU 2:3

Dai hta kaga, nye a kabu gara ai lam gaw, nanhte nlang hte a kabu gara ai lam rai nga ai, ngu nna nanhte nlang hte hpe ngai myit kam nngai majaw, ngai sa du ai shaloi e ngai hpe kabu gara mai shangun ai ni gaw myit yawn shara n shabyin u ga she, shawng na laika nan ngai ka dat made ai.

2 KORINHTU 7:16

Nanhte hta ngai lam shagu hta myit kaba nga nngai majaw, kabu gara nga nngai law.

2 KORINHTU 9:4

shing n rai, Makedoni masha nkau mi ngai hte rau sa nna nanhte n jin nga mala ai hpe mu hkrup yang, nanhte kaya kahpa hkrum na ngai n tsun ai sha, anhte mung dai kamsham shara hta kaya kahpa hkrum na ra ga ai.

GALATI 5:10

Nanhte myit kaga ga n rawng nga myit dai, ngu nna dai Madu hta nanhte a lam ngai myit da nga nngai: nanhte hpe sharu shatsang ai wa gaw, kadai rai timung, tinang mara a jeyang ai hkrum na ra ai.

EHPESU 4:12

shi gaw nkau mi hpe kasa, nkau mi hpe myihtoi, nkau mi hpe kabu gara shiga hkaw hkawm ai ni, nkau mi hpe hpung up hte sara di nna, jaw da shajang mu ai.

HPILIPI 1:10

Yesu Hkristu a marang e, Karai Kasang a hpung shingkang hte mahkawn mangoi ai lam a matu rai nga ai dinghpring ai a asi hte hpring chyat lu myit ga,

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

HPILIPI 2:12

Dai rai nna, ngai tsaw ngai ra ai ni e, nanhte galoi mung madat mara myit dai hte maren, ngai rau nga nga yang na zawn sha n re ai sha, naw tsan gang nga yang grau nna, nanhte a hkye hkrang la ai lam hpe hkrit gari ai hte shachyen shatsup nga mu:

HPILIPI 2:13

kaning rai nme law, galaw mayu ai myit rai timung, galaw lu ai lam rai timung, Karai Kasang gaw shi a sharawng awng ai a marang e, nanhte hta shachyen da myit dai.

HPILIPI 2:16

asak hkrung ya ai mungga hpe lang nga let, shanhte a ka-ang e mungkan ga a nhtoi zawn nanhte htoi tu nga na myit dai: dai hta kaga, ngai mung kaman lila n gat shingjawng ai hte, kaman lila amu bungli n galaw nngai hpe tau yu yang, Hkristu a nhtoi hta kabu gumrawng shara ngai nga na nngai.

KOLOSE 2:12

baptisma hkam ai lam hta nanhte shi hte rau lup wa nna, si mat ai ni kaw na shi hpe hkrung sharawt la ai Karai Kasang a shachyen ai hta, kamsham ai a marang e shi hte rau sharawt la ai mung hkrum manit dai.

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

2 HTESALONI 3:4

Anhte htet da mada hte hpe nanhte galaw nga nna, naw a galaw nga na marin dai, ngu nna dai Madu hta e nanhte a lam anhte myit mu nga ga ai.

HPILEMON 1:21

Na a madat mara na myit hpe kam ya lu de ai majaw, ngai tsun ai hta n-ga nang galaw na rin dai hpe, ngai chye let ka dat nngai.

HEBRE 10:35

Dai re ai majaw, shabrai kaba hte hpu ging ai nanhte a nden ja ai myit hpe, hkum kau hkum tat myit.

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.