HPILIPI 1:27 - Jinghpaw Hanson Version Bible

²⁷ Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

Jinghpaw Common Language Bible 2009

²⁷ Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 1:27 ပူးပေါင်းရင်းမြစ်များ

1 HKAWHKAM LABAU 19:12

Bai Yoab gaw, Suri masha ni ngai hpe dang wa jang ngai e sa karum e; Ammon a kashu kasha ni nang hpe dang kau yang, ngai nang hpe karum na de ai.

SHAKAWN KUNGDAWN 122:3

Yerusalem e, ngang ai mare zawn, Nang hpe de da nit dai.

SHAKAWN KUNGDAWN 133:1

Yu mu, hpunau ni myit hkrum nga nna, Rau hpawng nga lu ai gaw, Gade ngwipyaw nga a hka!

GA SHAGAWP 22:23

Kaning rai nme law, amu sa tsun yang, Yehowa shanhte hpe maga nna, Shanhte hpe dip sha ai ni a asak hpe, dip jahtum na ra ai.

YEREMIA 32:39

shanhte hte shanhte a kashu kasha ni ngamu ngamai na matu, ngai hpe tutnawng hkrit hkungga nga lu hkra, ngai shanhte hpe myit langai sha hte lam langai sha jaw da na nngai:

MAHTE 12:25

Shanhte a myit mang ai hku chye ya mu ai majaw, shi shanhte hpe tsun mu ai gaw, “Dinghku brun ai mungdan shagu gaw hten bya mat na ra ai: gara mare, gara nta rai timung, dinghku bra mat wa yang, hking nga lu na n rai.

KASA 2:46

Shani shagu myit langai sha hte nawku Htingnu hta shanhte htep lahti machyu nga nna, tinang a nta e muk ahkyep karan nga yang,

KASA 24:24

Dai hpang gade ya garai n na yang, Hpilik gaw, Yuda num Drusila ngu ai madu jan hte sa nna, Pawlu hpe shaga la nhtawm, Hkristu Yesu a makam masham lam tsun dan ai madat la wu ai.

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

ROMA 1:5

shi mying ningsang a marang e, amyu baw shagu dai kamsham ai lam hpe madat mara mu ga she, shi kaw nna chyeju hte kasa aya hpe anhte hkam la lu sagaw ai:

ROMA 1:9

Kaning rai nme law, nye a akyu hpyi ai ga hta e ngai nanhte hpe n sim n sa adum nga nna,

ROMA 10:8

Shaloi kaning rai tsun na law? Dai mungga gaw nang hte htep rai nga ai; dai gaw na a n-gup hte na a kraw lawang hta e rai nga ai: dai gaw, anhte hkaw tsun dan ai kamsham ai hte seng ai mungga rai nga ai:

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

ROMA 15:29

Nanhte kaw du yang, Hkristu a gumring gumrat ai hte hpring chyat rai nna du na ring ngai, ngai chye nga nngai.

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

2 KORINHTU 13:11

Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

2 KORINHTU 9:13

ndai galaw daw ai lam hte nanhte hpe chyam yu ngut jang, Hkristu a kabu gara shiga a lam hkan nang nna madat mara nga myit dai hte, n daw n hta re ai alu kumhpa, shanhte hpe mung, mahkra hpe mung, a jaw nga ai majaw, shanhte gaw Karai Kasang hpe shagrau sha-a nga ma ai:

GALATI 1:7

Dai kabu gara shiga kaga chyawm gaw, kabu gara shiga mai ngu na n re ai sha, Hkristu a kabu gara shiga hpe shabyak mayu nna, nanhte hpe sharu shatsang nga ai ni nkau mi rai nga ma ai.

EHPESU 1:13

Nanhte mung, nanhte hpe hkye hkrang la sai kabu gara shiga ngu ai tengman ai mungga hpe na yu nna, shi hta e kamsham ngut yang, ndat da ai Chyoi pra ai Wenyi hte dazik kap ai, hkrum manit dai:

EHPESU 1:15

Dai re ai majaw, Madu Yesu hta e mung, chyoi pra ai ni yawng hte hta e mung, nanhte lu nga ai makam masham lam hpe ngai na yu nngai majaw,

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

HPILIPI 1:5

nye a akyu hpyi mahpyi hta, nanhte mahkra a matu mara galoi mung kabu gara ai myit hte akyu hpyi shachyen nga nngai.

HPILIPI 2:12

Dai rai nna, ngai tsaw ngai ra ai ni e, nanhte galoi mung madat mara myit dai hte maren, ngai rau nga nga yang na zawn sha n re ai sha, naw tsan gang nga yang grau nna, nanhte a hkye hkrang la ai lam hpe hkrit gari ai hte shachyen shatsup nga mu:

HPILIPI 2:24

Dai hta n-ga, gade wa n na yang, ngai hkum nan sa du na, ngu nna dai Madu hta e myit kam nga nngai.

HPILIPI 3:18

Kaning rai nme law, shawng e ngai nanhte hpe law law lang tsun dan nna, ya e pyi hkrap let nanhte hpe tsun dan nga nngai hte maren, Hkristu a wudang hpe n dawng n yawt ai ni law law wa brang hkawm nga ma ai.

HPILIPI 3:20

Anhte a buga chyawm gaw, sumsing lamu hta e rai nga ai; dai yang na Madu Yesu Hkristu ngu ai Hkye hkrang la ai wa hpe, anhte ala nga ga ai.

HPILIPI 4:1

Dai rai nna, ngai tsawra ai hte sharawng awng nna, nye a kabu gara shara hte janmau rai nga ai, hpunau ni e, dai Madu hta shing rai lahpran tsap nga mu, ngai tsawra ai ni e.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

KOLOSE 1:4

nanhte a matu tutnawng e akyu hpyi nga yang, anhte a Madu Yesu Hkristu a Kawa Karai Kasang hpe, anhte shakawn kungdawn ga ai:

1 HTESALONI 3:6

Ya chyawm Timohti gaw nanhte kaw na anhte hpang de bai du wa nna, nanhte a makam masham hte tsawra ai mung, nanhte tutnawng e anhte hpe atsawm sha adum nga nna, anhte nanhte hpe hkrum mayu ga ai hte maren, nanhte mung anhte hpe hkrum mayu myit dai lam, anhte hpe kabu gara shiga wa shana ya mi ai shaloi e,

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

1 TIMOHTI 1:11

dai gaw ngai hkam la ai a rawng ai Karai Kasang a hpung shingkang madun ai kabu gara shiga hte maren rai nga ai.

1 TIMOHTI 1:19

Dai lam hte hpe nkau mi shinggan kau nna, makam masham li hta na bunghkup mat masai.

2 TIMOHTI 4:7

Ngai gaw kaja ai gasat gala gasat ngut se ai: gat shingjawng ai lam htum hkra gat shadu se ai; dai makam masham hpe ngai a manoi nga ni ai:

TITU 2:10

masun la ai hku n hkan ai sha, lam yawng mayawng hta kaja reng ai kangka re ai myit madun dan nga mu ga, shanhte hpe shadum jahprang nga u.

HPILEMON 1:5

Hkristu a matu anhte hta rawng ai kaja reng ai amu shagu a chye chyang ai lam hta, nang hkan shingtau ai makam masham gaw akyu shapraw lu lit ga,

YAKU 3:18

Dai hta n-ga htingrat htinglu shachyen chye ai ni a lata hte, dinghpring lu ai asi gaw, ngwipyaw ai hte gat nga ai.

2 PETRU 3:11

Shing rai, arai yawng mayawng krawp ayai mat ai hkrum na teng nga ai majaw, sumsing lamu ni hpe wan hkru kau ai hta krawp ayai mat nna, arai guji guyang hpe kahtet lai ai hte shabyawng kau na Karai Kasang a nhtoi hpe, nanhte ala nga nna myit marit nga myit dai gaw,

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

YUDA 1:3

Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.