HPILIPI 1:21 - Jinghpaw Hanson Version Bible

²¹ Kaning rai nme law, ngai asak hkrung ai gaw Hkristu nan rai nga ai, si wa yang mung amyat rai nga ai.

Jinghpaw Common Language Bible 2009

²¹ Hpa majaw nga yang, ngai asak hkrung ai gaw Hkristu nan rai nga ai, si wa yang mung amyat rai nga ai.

HPILIPI 1:21 ပူးပေါင်းရင်းမြစ်များ

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 3:22

Pawlu mung, Apolo mung, Kehpa mung, mungkan ga mung, hkrung mahkrung mung, si hkrung si htan mung, ya e nga ai hte htawm hpang e pra na ra ai mung, yawng mayawng hte gaw nanhte a npu e rai nga malit dai;

2 KORINHTU 5:1

Dinghta ga na nta ngu ai anhte a sum gaw run mat wa rai timung, lata hte n galaw ai nta, sumsing lamu e htani htana re ai Karai Kasang kaw na wahpang anhte lu nga ga ai gaw, anhte chye nga ga ai.

2 KORINHTU 5:6

Dai re ai majaw anhte galoi mung myit kaba nga ai hte ndai hkumhkrang hta naw shanu nga yang, dai Madu hte anhte tsan gang nga ga ai hpe, chye nga ga ai;

2 KORINHTU 5:8

gaja wa anhte myit kaba nga ga ai rai nna, dai hkumhkrang hta n shanu ai sha, dai Madu kaw shanu lu u ga anhte grau nna ra nga ga ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 6:14

Ngai chyawm gaw, anhte a Madu Yesu Hkristu a wudang hta kaga, gumrawng gumtawng shara n nga u ga: dai hta e mungkan ga gaw nye a matu jen sat kau ai hkrum nna, ngai mung mungkan ga a matu dai hta e jen sat kau ai hkrum ni ai.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HPILIPI 1:22

Rai timung, nye a hkumhkrang hta naw hkrung nga yang, nye bungli a asi si wa yang gaw, gara mahtang lata la na ngai n chye nngai.

HPILIPI 1:23

Lam lahkawng a hpatwat e ngai rai nga nngai: lai nna Hkristu hte rau nga na, ngai ra nga nngai: dai gaw grau kaja nga ai;

HPILIPI 2:21

Yawng hte gaw Hkristu Yesu hte seng ai hpe n re ai sha, tinang hte seng ai hpe sha tam nga ma ai.

KOLOSE 3:4

Anhte a asak ngu ai Hkristu gaw dan pru wa ai shaloi e, anhte mung shi hte rau hpung shingkang hta dan pru na ra ga ai.

SHINGRAN 14:13

Shaloi, “Ya kaw nna dai Madu hta si wa ai ni gaw, a lu ma ai,” ngu nna ka da u, nga ai nsen gaw sumsing lamu de na, ngai na nngai: dai Wenyi mung, “Rai sa, shanhte a amu bungli a akyu gaw, shanhte kaw hkan nang nga ai majaw, tinang a magam bungli hta na, shanhte ban sa ai hkrum mu ga,” nga ai.