HPILIPI 1:20 - Jinghpaw Hanson Version Bible

²⁰ nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

Jinghpaw Common Language Bible 2009

²⁰ Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

HPILIPI 1:20 ပူးပေါင်းရင်းမြစ်များ

SHAKAWN KUNGDAWN 119:116

Ngai hkrung nga lu nna, Nye a myit mada ai lam kaya kahpa n tai u ga, Na a ga hte maren ngai hpe shadaw ya e.

SHAKAWN KUNGDAWN 119:80

Ngai kaya kahpa n hkrum n ga, Na a ga madat hta e nye a myit tsup nga li ga.

SHAKAWN KUNGDAWN 25:2

Nye a Karai Kasang e, nang hta ngai shingbyi nga nngai; Ngai kaya kahpa hkrum na nngai n rai: Nye a gumlau ni ngai hpe dang lu na mi ai, n rai.

SHAKAWN KUNGDAWN 62:5

Nye a myit masin e, Karai Kasang kaw asim sha nga u, Shi kaw nna nye a myit mada shara pru nga ai.

GA SHAGAWP 10:28

Dinghpring ai ni a myit mada ai lam gaw, kabu gara lam rai nga ai; Tara n lang ai ni a myit mada ai lam chyawm gaw hten mat na ra ai.

GA SHAGAWP 23:18

Gaja wa, dawdan ai aten du na ra ai, Nang myit mada ai lam hten wa na, n rai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

ESAIA 50:7

Madu Yehowa gaw ngai hpe karum na ra ai; dai re ai majaw, ngai mak mat ai n rai; nye a myi man mung nhpai lung zawn ngai shatai nna, ngai kaya kahpa n hkrum na, ngai chye nngai.

ESAIA 54:4

Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

YAWHAN 21:19

Shing nga tsun ai gaw, Petru gaw kaning re ai si lam hte Karai Kasang a hpung shingkang shapraw lu na hpe, tau nna tsun ai rai nga ai. Ga dai tsun ngut jang, Yesu gaw Petru hpe, “Ngai kaw hkan nang rit,” ngu wu ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna, nlang hte hta Chyoi pra ai Wenyi hpring wa ai hte, Karai Kasang a mungga hpe nden ja ai myit hte tsun dan wa ma ai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 5:5

dai myit mada ai chyawm gaw, kaya kahpa jahkrum mi ai n rai: kaning rai nme law anhte hpe jaw da sai Chyoi pra ai Wenyi e Karai Kasang a tsawra ai myit, anhte a kraw lawang hta e ru bang ya ma ni ai.

ROMA 6:13

nanhte a daw shan ni hpe mung, n ding n hpring ai hpyen hking hpe zawn, yubak hpe hkum ap ya myit; si mat ai ni kaw na hkrung rawt lu ai ni zawn, Karai Kasang kaw tinang dai sak ya mu; nanhte a daw shan ni hpe mung, dinghpring ai hpyen hking shatai nna, Karai Kasang hpe sak ya mu.

ROMA 6:19

Nanhte gawng shingma kya nga myit dai majaw, masha a hku hkan nna sha ngai tsun nngai: kaning rai nme law, n tara ai bungli galaw u ga, nanhte a daw shan ni hpe awu asin re ai hte n tara ai a mayam ni tai na, nanhte ap kau manit dai hte maren, chyoi pra ai lu la hkra, dinghpring ai a mayam ni tai na, nanhte a daw shan ni hpe ya e ap ya mu.

ROMA 8:19

Nga yawng nga pra mung myit ndawt ai hte, Karai Kasang a kashu kasha ni a paw pru na ra ai hpe ala nga ma ai.

ROMA 9:33

Shing rai, “Ahtu kataw na nlung hte, myit kataw shangun na lunghkrung hpe, Ziun hta e ngai tawn da se ai rai nna, Shi hpe kamsham ai wa gaw, kaya kahpa n hkrum na ra ai,” nga nna ka da nga ai hte maren, dai ahtu kataw na nlung hta e shanhte ahtu kataw nga ma ai.

1 KORINHTU 15:31

Ngai gaw, hpunau ni e, shani shagu si hkam nga nngai, ngu nna anhte a Madu Hkristu Yesu hta e nanhte a lam ngai lu ai gumrawng shara hpe tau yu nna tsun wam nga nngai.

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

1 KORINHTU 7:34

Num n wa ai numsha hte mahkawn gaw, tinang a hkum hte wenyi chyoi pra nga u ga, nga nna dai Madu a lam hte hpe a tsang nga ai: num wa ai num chyawm gaw, madu wa hte kaning rai myit hkrum lu na, nga nna mungkan ga a lam hte hpe a tsang nga ai.

2 KORINHTU 10:8

Nanhte hpe sharun shabya na majaw n rai, nanhte hpe shadaw shalan na matu, dai Madu anhte hpe jaw da sai ahkang aya a lam ngai grai wa naw gumrawng nga timung, ngai hkrit kaya hkrum na nngai n rai;

2 KORINHTU 3:12

Ning re ai myit mada ai lam lu ga ai majaw, anhte grai wa nden ja ai myit madun ga ai rai nna,

2 KORINHTU 4:10

Yesu a hkrung ai asak gaw anhte a hkumhkrang hta dan pru lu u ga, Yesu a si wa ai lam hpe anhte hkumhkrang hta tutnawng e dagraw hkawm nga ga ai.

2 KORINHTU 5:15

asak hkrung ai ni mung, tinang myit hte n re ai sha, shanhte a matu mara si hkam nna, bai rawt wa ai wa a jaw e hkrung nga mu ga, yawng mayawng a matu mara shi si hkam sai.

2 KORINHTU 7:14

Nanhte a lam lama ma hta ngai shi hpe gumrawng nga nngai rai yang gaw, kaya kahpa ngai n hkrum nga nngai: anhte gaw lam shagu hta nanhte kaw tengman ai ga tsun saga ai hte maren, Titu a man e anhte a gumrawng ai mung tengman wa sai.

2 KORINHTU 7:4

Nanhte a man e nachying nden ja ai myit ngai rawng nga nngai; nanhte a matu mara ngai grai gumrawng nga nngai; ngwipyaw ai hte ngai hpring chyat nga nngai; anhte a tsin-yam tsindam shagu hta ladu lai hkra kabu gara nga nga nngai.

HPILIPI 1:14

dai hta kaga, ngai bawng dung ai a marang e, dai Madu hta e hpunau ni malaw maga gaw, myit maku rawt wa ai hte, Karai Kasang a mungga hpe n hkrit n kang ai sha tsun dan na, grau nna gwi ma ai.

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

1 HTESALONI 5:23

Ngwipyaw ai a npawt Karai Kasang nan nanhte hpe hkum dinghkum shachyoi shapra myit ga; anhte a Madu Yesu Hkristu bai du sa ai shaloi e, nanhte a wenyi, myit masin hte hkumhkrang ting gaw, mara n kap hkra pau nga u ga.

1 PETRU 4:16

rai timung, Hkristu sape rai nga ai majaw nni nkri hkrum a yang gaw, shi kaya kahpa n dum ai sha, dai amying nsang hta e, Karai Kasang hpe shagrau shatsaw nga u ga.

1 YAWHAN 2:28

Ya chyawm gaw, shu sha ni e, shi dan pru a yang gaw, shi du ra ai nhtoi hta e, anhte nden ja ai myit rawng lu nna, shi a man e kaya kahpa n hkrum u ga, shi hta e anga nga mu.