HPILIPI 1:18 - Jinghpaw Hanson Version Bible

¹⁸ Dai rai taw, kaning law? Sawt ai myit hte rai timung, tengman ai myit hte rai timung, lam shagu hta e Hkristu gaw kajai gara nga ai rai nna, dai hta e ngai kabu nga nngai, gaja wa, naw a kabu nga na nngai:

Jinghpaw Common Language Bible 2009

¹⁸ Kaning re ai myit hte Hkaw tsun ai rai tim hpa n ra ai. Sawt ai myit hte rai ti mung, teng man ai myit hte rai ti mung, byin mai ai lam shagu hku nna Hkristu a lam sha hkaw tsun kajai gara lu nga yang gaw, dai lam hta ngai kabu gara nga nngai. Kaja wa matut nna ngai naw kabu gara nga na nngai.

HPILIPI 1:18 ပူးပေါင်းရင်းမြစ်များ

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MARKU 12:40

gaida gaina ni a nta ni hpe, shanhte hpya lu hpya sha nna, hpyi hpun ai hte galu galang akyu hpyi ma ai. Dai ni gaw dawdan kau ai grau nna hkrum na mara ai,” ngu mu ai.

LUKA 9:45

Shanhte gaw dai ga hpe n chye na ma ai; n chye na mu ga mung, dai hpe shanhte a matu makoi magap da wu ai: de a ga lachyum mung, shanhte n wam san ma ai.

LUKA 9:50

Yesu gaw, “Hkum hkum myit; nanhte a gumlau maga n nga ai wa gaw, nanhte hpang maga nga ai wa rai nga ai,” ngu nna shi hpe tsun wu ai.

ROMA 3:9

Shaloi kaning kun? Anhte je jan nga ga ni? N rai law; kaning rai nme law, Yuda ni rai timung, Heleni ni rai timung, yawng yubak kap ai ni rai nga ma ai hpe, anhte shawng de kadeng dan saga ai.

ROMA 6:15

Dai rai yang gaw, kaning law? jep ai tara npu e n rai, chyeju npu e anhte rai nga ga ai majaw, yubak galaw na ga ni? Shing n rai u ga.

1 KORINHTU 10:19

Ning nga ngai tsun ai gaw, hpa nga ai rai nga a ta? Sumla hpe nawng ai hkungga gaw lam la nga ai, sumla mung lam la nga ai, ngai tsun nga a ni?

1 KORINHTU 14:15

Shaloi kaning rai na rai ta? Nye a wenyi hte ngai akyu hpyi nna, nye a myit hte mung akyu hpyi na nngai; nye a wenyi hte ngai mahkawn mangoi nna, nye a myit hte mung mahkawn mangoi na nngai.

1 KORINHTU 15:11

Dai rai nna, ngai rai timung, shanhte rai timung, dai lam hkaw dan ga ai hte, nanhte mung dai lam kamsham manit dai.

HPILIPI 1:19

kaning rai nme law, nye a myit ndawt ai hte myit mada nga nngai hte maren, hpa lam hta mung ngai kaya kahpa n hkrum ai sha, shawoi na hte maren ya e pyi, hkrung timung, si timung, nden ja ai myit ting hte Hkristu gaw nye a hkumhkrang hta shagrau ai hkrum lu na hpe,