HPILEMON 1:9 - Jinghpaw Hanson Version Bible

⁹ dingla wa Pawlu rai nga nngai hte, ya e Hkristu Yesu a bawng dung ai wa mung rai nga nngai majaw, tsawra ai hku she nang hpe hpyi nem dat na, ngai grau ra nngai:

Jinghpaw Common Language Bible 2009

⁹ Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.

HPILEMON 1:9 ပူးပေါင်းရင်းမြစ်များ

SHAKAWN KUNGDAWN 71:18

Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

SHAKAWN KUNGDAWN 71:9

Ngai dingla jang ngai hpe hkum kabai kau et, Nye a n-gun yawm mat yang, ngai hpe hkum jahti da et.

GA SHAGAWP 16:31

Baw hpraw ai gaw, dinghpring ai lam hta grin nga yang, Arawng sadang janmau rai nga ai.

ESAIA 46:4

Nanhte aprat kaba yang pyi, ngai rai nga nngai; dingla ugut gu timung, ngai pawn ba na nngai; ngai galaw da nngai, ngai gun hpai nngai; gaja wa, ngai pawn ba na nngai; ngai mawai la na nngai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

EHPESU 6:20

ngai mai tsun ai hte maren n hkrit n kang ai sha tsun dan lu hkra, nye a n-gup hpaw ai shaloi, tsun dan lu na mung sumtu, ngai hpe jaw ya u ga, nye a matu mung akyu a hpyi nga mu.

1 TIMOHTI 1:12

Ngai hpe kangka re ai wa nawn nna, dai aya hta ngai hpe dang da ai majaw, ngai hpe n-gun shaja ya ai, anhte a Madu Hkristu Yesu hpe nan, ngai shakawn kungdawn nngai.

TITU 2:2

dingla ni gaw, myit sharam chye ai tem si re ai, myit su nna, kamsham ai, tsawra ai hte shakut sharang ai hta, kunghpan wa mu ga.

HEBRE 13:19

Ngai nanhte kaw alawan du lu na ahkang lu la n ga, shing rai hpyi ya na grau nna shadut dat made ai.

1 PETRU 2:11

Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai: