HPILEMON 1:8 - Jinghpaw Hanson Version Bible

⁸ Dai rai nna, nang mai galaw ai lam nang hpe htet dat na, Hkristu hta e ngai grai nden ja ai ahkang lu nngai rai timung,

Jinghpaw Common Language Bible 2009

⁸ Ndai lam a majaw, ngai gaw Hkristan hpu nau shada hku nna nang mai galaw ai lam galaw na matu htet da na ngai grai nden ja ai ahkang lu nngai.

HPILEMON 1:8 ပူးပေါင်းရင်းမြစ်များ

2 KORINHTU 10:8

Nanhte hpe sharun shabya na majaw n rai, nanhte hpe shadaw shalan na matu, dai Madu anhte hpe jaw da sai ahkang aya a lam ngai grai wa naw gumrawng nga timung, ngai hkrit kaya hkrum na nngai n rai;

2 KORINHTU 11:21

Anhte gaw n-gun kya ai ni zawn rai nga ga ai, ngu nna anhte a lam shatan let ngai tsun nngai; rai timung lam gale hta masha wa manoi nna nden ja nga a yang gaw, ngai mung dai lam hta nden ja lu nngai, ngu nna angawk angak re ai ga ngai tsun nngai.

2 KORINHTU 3:12

Ning re ai myit mada ai lam lu ga ai majaw, anhte grai wa nden ja ai myit madun ga ai rai nna,

EHPESU 5:4

n sun n ang re ai ga kinsha, nlem ai ga, shatu shakra ai ga mung n tsun ai sha, shakawn kungdawn nga u ga.

1 HTESALONI 2:2

Nanhte chye nga myit dai hte maren, Hpilipi mare hta shawng e nni nkri hte asawng asang hkrum ngut jang, zingri zingrat law law hkrum timung, anhte a Karai Kasang shatsam ai a jaw e, Karai Kasang a kabu gara shiga hpe nanhte kaw tsun dan na, anhte gwi ga ai.

1 HTESALONI 2:6

dai hta kaga, Hkristu a kasa ni rai nga ga ai majaw, nanhte hpe lit shagun mayu yang shagun lu ga ai rai timung, nanhte kaw na rai timung, masha gale kaw na rai timung, masha a hpung shingkang hpe anhte n tam saga ai.