HPILEMON 1:7 - Jinghpaw Hanson Version Bible

⁷ Kaning rai nme law, hpunau wa e, na a marang e chyoi pra ai ni a myit masin shalan shabran hkrum lu ai majaw, na tsawra myit hta ngai grai wa kabu gara ai hte shangwi shapyaw hkrum nngai.

Jinghpaw Common Language Bible 2009

⁷ Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

HPILEMON 1:7 ပူးပေါင်းရင်းမြစ်များ

1 KORINHTU 16:18

ngai hte nanhte a wenyi hpe shangwi shapyaw ya mi ai. Dai rai nna shing re ai ni hpe dum sha-a nga mu.

2 KORINHTU 7:13

Dai lam hta e anhte shangwi shapyaw ai hkam ga ai. Anhte a shangwi shapyaw ai hkam lu ga ai hta n-ga, Titu a kabu gara ai lam majaw grau nna kabu gara nga ga ai; kaning rai nme law, nanhte nlang a majaw shi a wenyi kabu awng nga ai.

2 KORINHTU 7:4

Nanhte a man e nachying nden ja ai myit ngai rawng nga nngai; nanhte a matu mara ngai grai gumrawng nga nngai; ngwipyaw ai hte ngai hpring chyat nga nngai; anhte a tsin-yam tsindam shagu hta ladu lai hkra kabu gara nga nga nngai.

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

1 HTESALONI 2:13

Dai rai nna, anhte kaw nna na la ai Karai Kasang a mungga hpe nanhte hkam la myit dai shaloi e, masha a ga hpe zawn n rai, gaja wa teng teng rai nga ai hte maren, nanhte kamsham ai ni hta e a shachyen nga ai Karai Kasang a mungga hpe nanhte hta la manit dai majaw, anhte mung Karai Kasang hpe n sim n sa shakawn kungdawn a rai nga ga ai.

1 HTESALONI 2:19

Kaning rai nme law, anhte a Madu Yesu a man e, shi a bai du ai hta, anhte a myit mada shara, kabu gara shara hte gumrawng na janmau gaw, hpa mi rai nga a ta? Nanhte nan dai rai nga myit dai, n rai myit ni?

1 HTESALONI 3:9

Dai hta kaga anhte a Karai Kasang man e nanhte a majaw anhte hkam lu ai kabu gara yawng hpe tau yu yang anhte nanhte a matu mara Karai Kasang hpe gaw, chyeju kaning rai htang lu na rai ta?

2 TIMOHTI 1:16

Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

HPILEMON 1:20

Rai sa, hpunau wa e, na a majaw, dai Madu hta, ngai kabu gara nga lu n-ga; Hkristu hta e nye a myit masin hpe shangwi shapyaw ya rit.

2 YAWHAN 1:4

Dai Kawa kaw nna hkang da ai ga hpe anhte lu la sagaw ai hte maren, na a nshu nsha ni nkau mi, dai tengman ai lam hta e hkan nang nga ma ai hpe, ngai mu hkrup nngai majaw, ngai ja ja kabu gara nga nngai.