HPILEMON 1:24 - Jinghpaw Hanson Version Bible

²⁴ nye a shingdep shingtau Marku, Aristaku, Dema, Luka mung, nang hpe shakram dat ma ai.

Jinghpaw Common Language Bible 2009

²⁴ Dai hte maren nye a shingdep shingtau ni rai nga ai Marku, Aristarku, Dema hte Luka mung, nang hpe shakram dat ma ai.

HPILEMON 1:24 ပူးပေါင်းရင်းမြစ်များ

KASA 12:12

dai lam myit aru ngut jang, masha tsawmra wa hpawng nna, akyu hpyi nga ai shara, Marku mying hkawt mying ai, Yawhan a kanu Mari a nta de du wa ai.

KASA 12:25

Barnaba yan Shawlu gaw, shan a galaw daw ai amu hpe ngut jang, Marku ngu ai Yawhan hpe shaga la nhtawm, Yerusalem mare na bai wa ma ai.

KASA 13:13

Dai hpang Pawlu hte shi a manang ni gaw, Pahpu kaw nna li jawn nhtawm, Pamhpuli mung na Perga mare de du ma ai: Yawhan chyawm gaw shanhte hte hka nna, Yerusalem mare de wa mat ai.

KASA 19:29

Shing rai dai mare ting hpe woi kabrawng ai hte, Pawlu a manang, Makedoni masha Geu yan Aristarku hpe rim dun la nna, shanhte a poi wang de lang lata sha htim bang wa ma ai.

KASA 27:2

Shaloi, Asi mung a nammukdara hkin-gau hkan na mare ni de garet shang hkawm wa ai, Adramuti na sanghpaw li hta anhte shang jawn ga ai: Htesaloni mare na Makedoni masha Aristarku mung anhte hte rau lawm nga ai.

2 KORINHTU 8:23

Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

HPILIPI 2:25

Bai, nye a hpunau wa, shingdep shingtau wa hte hpyen manang wa ngu ai, nanhte a kasa hte ngai ra ai hku hpajang ai wa, Epahprodi hpe, nanhte hpang de shangun dat na mai nga ai, ngai myit ngut da we ai.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

KOLOSE 4:10

Nye a bawng dung manang Aristaku nanhte hpe shakram dat myit dai; Barnaba a kahkri Marku mung nanhte hpe shakram dat myit dai: shi a lam htet da ai ga hpe nanhte hkam la lu myit dai rai nna, shi nanhte kaw sa du yang gaw, shi hpe hkap hkalum la mu;

KOLOSE 4:14

Tsawra ai tsi sara Luka yan Dema gaw nanhte hpe shakram dat myit dai.

1 PETRU 5:13

Babelon mare hta e nga ai, nanhte hte rau lata la ai Hpung gaw, nanhte hpe shakram dat ga ai. Ngai sha Marku mung, nanhte hpe shakram dat nga ai.

3 YAWHAN 1:8

Dai re ai majaw, dai tengman ai lam hta e anhte mung shingdep shingtau tai lu na, dai zawn re ai masha hpe anhte hkap hkalum la na mai nga ga ai.