HPILEMON 1:17 - Jinghpaw Hanson Version Bible

¹⁷ Dai re ai majaw, nang ngai hpe kanawn manang zawn nawn ndai rai yang gaw, ngai hpe zawn shi hpe hkap hkalum la u.

Jinghpaw Common Language Bible 2009

¹⁷ Dai re ai majaw, nang ngai hpe na a rau rum kanawn manang zawn nawn ndai rai yang gaw, ngai hpe zawn shi hpe hkap hkalum la u.

HPILEMON 1:17 ပူးပေါင်းရင်းမြစ်များ

MAHTE 10:40

Nanhte hpe hkap hkalum la ai wa gaw, ngai hpe mung hkap hkalum la ai; ngai hpe hkap hkalum la ai wa mung, ngai hpe shangun dat ai wa hpe hkap hkalum la ai rai nga ai.

MAHTE 18:5

Ndai ma kaji zawn re ai wa langai mi hpe, nye a amying hte hkap la ai wa kadai mung, ngai hpe hkap la nga ai.

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

KASA 16:15

Num dai hte shi a nta masha ni baptisma hkam la ngut jang, shi gaw, “Dai Madu hta ngai kangka rai ni ai, nanhte myit hkut da sai rai yang gaw, nye nta e shang manam marit,” nga nna anhte hpe akroi anoi hpyi ai hte nga shangun mi ai.

2 KORINHTU 8:23

Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

EHPESU 3:6

ndai aprat e shi a chyoi pra ai kasa ni hte myihtoi ni kaw Wenyi e shadan dan ai hte maren, moi shawng na aprat ni hta e shinggyim masha ni kaw n shana ya mu ai, rai nga ai.

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

1 TIMOHTI 6:2

Kamsham ai madu lu ai mayam ni gaw, maren hpunau rai nga ai, nga nna, shanhte hpe n gawn n sawn hkum di mu; dai ngamu ngamai hkam la ai ni gaw, kamsham ai ni hte tsawra ging ai ni rai nga ma ai majaw, grau nna shanhte a bungli gun hpai nga mu ga. Ndai lam hte gaw sharin shaga nga nna, shadut jahkat nga u.

HPILEMON 1:10

Ngai bawng dung nga yang, ngai shangai la ai, ngai sha Onesimu a matu ngai nang hpe hpyi nem dat nngai;

HPILEMON 1:12

shi hkum nan hpe nang hpang de ngai bai wa shangun dat nngai; dai lam hta e nye a tsawra ai myit du nna lawm nga ai.

HPILEMON 1:18

Shi nang hpe lama ma shut kau ai rai yang mung, hka kap ai rai yang mung, dai gaw nye a hka shatai u.

HEBRE 3:1

Dai re ai majaw, sumsing lamu na shaga la ai chyeju hkam la ai, chyoi pra ai hpunau ni e, anhte a nawku htung hpang ai Kasa hte Hkinjawng agyi wa Yesu hpe, myit sumru yu mu;

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

1 YAWHAN 1:3

Rai sa, nanhte mung anhte hte kanawn mazum lu myit ga, anhte mu yu ai hte na yu ai lam hpe, anhte nanhte hpe mung gawn dan ga ai; anhte chyawm gaw, dai Kawa hte shi a Kasha Yesu Hkristu hte kanawn mazum nga ga ai.