HPAJI NINGLI 9:9 - Jinghpaw Hanson Version Bible

⁹ Jan a npu e Karai Kasang nang hpe jaw da ai kaman lila prat a nhtoi ni hta e, nang tsawra ai madu jan hte rau, na a prat htum hkra ngwipyaw ai hte nga sha nga u: da ndai gaw, nang hkrung nga ai laman e, jan a npu e nang galaw ai amu a kamhtaw rai nga ai.

Jinghpaw Common Language Bible 2009

⁹ Ndai mungkan ga hta Karai Kasang nang hpe jaw ya sai kaman lila aprat e, nang hkrung nga dingsa nang tsaw ra ai num hte pyaw pyaw rai nga u; Dai ru yak tsin-yam yawng hpe nang shakut malan na rai nga ndai majaw kaman lila nhtoi shagu hta kabu pyaw ai hte nga nga u.

HPAJI NINGLI 9:9 ပူးပေါင်းရင်းမြစ်များ

NINGPAWT NINGHPANG 26:8

Ya dai yang e nhtoi tsawmra na sayang, Hpiliste mung na Hkawhkam Abimelek gaw hkuwawt hku na yu dat wu yang yu u, Isak gaw shi a madu jan Rebeka hte makrai nga ai hpe, mu wu ai.

SHAKAWN KUNGDAWN 144:4

Masha wa gaw nbung hte bung nga ai. Shi a nhtoi ni lai mat wa ai shingnip zawn rai nga lu ai.

SHAKAWN KUNGDAWN 39:5

Nye a nhtoi lahpa mi daram nang tawn da ya nit dai; Nye a aprat na a man e hpa mung n rai nga ai: Gaja wa, masha gade reng nga rai timung, Shi kaman lila sha naw rai nga ai. [Selah.]

GA SHAGAWP 18:22

Madu jan lu ai wa gaw mai kaja ai hpe lu nu ai rai nna, Yehowa a chyeju hpe hkam la nu ai.

GA SHAGAWP 19:14

Nta hte sutgan gaw, kanu kawa a sali wunli rai nga ai; Myit gawp ai madu jan chyawm gaw, Yehowa kaw na rai nga ai.

HPAJI NINGLI 2:10

Nye a myi ra gasit ai hpa rai timung, ngai n gang kau nngai; ngai galaw ai amu mahkra hta, nye myit kabu nga lu ai majaw, nye myit pyaw hpa ra mara hpe ngai n dang nngai: dai gaw nye amu mahkra a amyat rai nga ai.

HPAJI NINGLI 2:24

Masha gaw shi a amu bungli galaw let, lusha nna myit pyaw nga lu ai hta, grau kaja ai gaw nga lu ai n rai; dai mung Karai Kasang a lata kaw na rai nga ai hpe ngai mu chye nngai.

HPAJI NINGLI 3:13

Dai hta kaga, langai hte langai lusha nna, tinang a amu bungli a akyu hta pyaw nga lu ai gaw, Karai Kasang a chyeju kumhpa rai nga ai.

HPAJI NINGLI 3:22

Dai re ai majaw, masha gaw tinang a amu bungli hta pyaw nga ai hta, grau kaja ai n nga ai hpe ngai mu chye nngai; dai gaw shi a kumhtaw rai nga ai; kaning rai nme law, shi a hpang e byin na lam mu chye lu hkra, shi hpe kadai woi nhtang wa na rai ta?

HPAJI NINGLI 5:18

Yu u, Karai Kasang gaw masha wa hpe jan a npu e jaw ya ai, amu bungli galaw na, hkrung nga ai nhtoi mahkra hta, lu let, sha let, shi a amu bungli majaw ngamu ngamai nga lu ai gaw, mai kaja ai hte htaphtuk ai lam rai nga ai, ngai mu matsing da nngai: dai gaw shi a kamhtaw rai nga ai.

HPAJI NINGLI 6:12

Masha gaw, shi kaman lila hkrung nga ai prat tup, shingnip zawn lai mat wa sayang, shi a matu kaja nga ai lam hpa re ai, kadai chye lu a ta? Jan a npu e htawm hpang de hpa byin na ra ai lam, shi hpe kadai tsun lu a ta?

HPAJI NINGLI 7:15

Ngai kaman nga ai aten e, ndai lam yawng mayawng hpe ngai mu da se ai: dinghpring ai wa gaw, tinang a dinghpring ai hta htum wa ai hpe mung, tara n lang ai wa gaw tinang a tara n lang ai hta, asak galu nga ai hpe mung, ngai mu ni ai.

MALAHKI 2:15

Karai Wa gaw, Wenyi naw ngam nga timung, langai sha hpe hpan da wu ai, n rai ni? Hpa majaw langai sha hpan da a ta? nga yang, Karai Kasang hte ging dan ai amyu hpe tam nna, hpan da nu ai. Dai re ai majaw, nanhte gaw tinang a wenyi hpe sadi nna, brang ram prat na madu jan hpe hkalem hkalau ai hku, hkum di myit.