HPAJI NINGLI 9:3 - Jinghpaw Hanson Version Bible

³ Shing rai, yawng hte gaw maren hkrum nga ma ai majaw, dai gaw jan a npu e byin ai amu mahkra hta, n hkru ai lam rai nga ai: gaja wa, shinggyim masha ni gaw naw hkrung nga ai laman e n hkru nna angawk ai hte hpring nga ma ai: dai hpang shanhte gaw jat na ga e de nga ma ai.

Jinghpaw Common Language Bible 2009

³ Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

HPAJI NINGLI 9:3 ပူးပေါင်းရင်းမြစ်များ

NINGPAWT NINGHPANG 6:5

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

NINGPAWT NINGHPANG 8:21

Yehowa mung dai manam pyaw ai sangau hkap manam la wu ai: dai rai nna Yehowa gaw, Ginding aga hpe shinggyim masha ni a majaw, hpang de ngai dagam kau na ni ai n rai; kaning rai nme law, shi a kraw lawang na myit mang gaw, kaji kaw nna n shawp nga lu ai: dai hta kaga, ya e hkrung mahkrung hte hpe ngai jahten mawe ai zawn, hpang de galoi mung ngai bai jahten na ni ai n rai:

YOBA 15:16

Dai rai yang, matsat shabat hta galu nga nna, yubak hpe ntsin zawn lu ai wa hpe, grau nna n kam ai.

YOBA 21:26

Shan lahkawng gaw ga nhpu hta rau kaleng taw nga nna, byet ni shan hpe ka-up nga ma ai.

YOBA 9:22

Yawng lam sha rai nga ai; dai rai nna, “Shi gaw myit tsup ai wa hpe mung, tara n lang ai wa hpe mung, maren shamyit kau mu ai,” nga nna ngai tsun nngai.

SHAKAWN KUNGDAWN 51:5

Yu mu, shut hpyit ai hta ngai shangai wa nna, Nu a hkritung e pyi yubak kap nga nngai.

SHAKAWN KUNGDAWN 64:7

Karai Kasang chyawm gaw shanhte hpe gap mu ai; Ndum shami e pala gaw shanhte hpe hkra nna hkala ma ai.

GA SHAGAWP 14:32

Tara n lang ai wa gaw tinang a n hkru ai hta kadawng mat nga ai; Dinghpring ai wa chyawm gaw, si wa yang, pyi, shingbyi shara mu nga ai.

HPAJI NINGLI 1:17

Shing rai ngai gaw hpaji byeng-ya hpe mung, myit n su ai hte angawk ai lam hpe mung chye ginhka lu n ga, ngai myit makun nga nngai: dai mung nbung hpe shachyut ai hkrai rai nga ai gaw, ngai myit dum nngai.

HPAJI NINGLI 12:7

ga nhpu gaw ga de garai n htang wa ai hte, wenyi gaw, wenyi jaw ya ai Karai Kasang hpang de garai n wa wa gaw, Hpan Wa Ningsang hpe dum nga u law.

HPAJI NINGLI 2:14

Hpaji rawng ai wa a myi gaw shi a baw e tu nga ai; angawk ai wa chyawm gaw nsin hta e hkawm nga ai; rai timung, shan lahkawng lam langai sha hkrum na mara ai hpe ngai dum nngai.

HPAJI NINGLI 7:2

Poi galaw ai nta de sa na hta, mang taw ai nta de sa na grau mai nga ai: kaning rai nme law, dai gaw masha yawng a jahtum ai lam rai nga nna, naw hkrung nga ai ni nlang, myit dum na mara ai.

HPAJI NINGLI 7:25

Hpaji byeng-ya hte nga yawng nga pra a npawt nhpang mung, tara n lang ai lam gaw angawk ai lam, myit n su ai lam gaw mana bu ai lam, rai nga ai hpe, chye na lu hkra, ngai gaw lam shagu sagawn yu nna, nye a myit masin gaw dai hpe chye na lu na sawk yu nga ai.

HPAJI NINGLI 8:11

N tara ai amu gaw, alawan dawdan n hkrum ai majaw, mung masha ni a myit masin gaw, n hkru ai amu galaw na hpe, grau nna shaja nga ma ai.

HPAJI NINGLI 9:11

Bai, jan a npu e mada yu yang, gat lawan chye ai majaw sha, gat shingjawng dang ai, n rai; n-gun ja ai majaw sha, hpyen majan dang lu ai n rai; hpaji byeng-ya majaw sha, shahpa lu ai, n rai; chye chyang ai majaw sha, sutgan lu ai, n rai; maka kumla pru ai majaw sha, myi man pa na, n rai: aten ladaw hte, ang wa ai hte maren, shanhte mahkra a matu byin ang wa ai hpe, ngai mu nngai.

HPAJI NINGLI 9:2

Yawng mayawng a matu lam shagu maren byin nga ai: dinghpring ai wa hte tara n lang ai wa, kaja ai hte n kaja ai wa, san seng ai hte n san n seng ai wa, shagu hkungga nawng ya ai wa hte n nawng ya ai wa a matu, lam langai sha byin nga ai: kaja ai wa hte yubak kap ai wa, matsa mawa ga tsun ai wa hte, matsa mawa hkrit ai wa gaw, maren rai nga ma ai.

HPAJI NINGLI 9:4

Kaning rai nme law, hkrung nga ai ni hte naw matut nga yang, myit mada shara naw nga ai: hkrung nga ai gwi gaw, si mat ai hkanghkyi hta grau hpu nga ai.

YEREMIA 16:12

bai nanhte gaw nji nwa ni hta grau nna n hkru ai amu galaw myit dai; yu mu, nanhte langai hte langai nye a ga n madat ai, tinang a n hkru ai myit ja ai hta hkan hkawm myit dai:

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

LUKA 15:17

Shing rai shi myit dum yang, ‘Nye wa a shabrai sha ai ni gade wa n taw n tsang muk sha lu nga ma hka! ngai wa gaw ndai yang e kawsi kyet ai hte hten bya magang wa nga nngai:

LUKA 6:11

Shanhte chyawm gaw myi di lahpang pawt bu nna, “Yesu hpe kaning di na rai nga a ta?” nga nna shada da tsun ginrawn ma ai.

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

KASA 26:11

Tara jawng magup hta mung shanhte hpe law law lang ari jahkrum let, Yesu hpe shatan shangun lu hkra shaja se ai: shanhte hpe nachying pawt ai n-yun, bu nna, masha ga hkan na kahtawng mare du hkra pyi, hkan zingri mase ai.

KASA 26:24

Shing nga mara raw ga tsun ai hpe, Hpestu gaw, “Pawlu e, nang mana nit dai; hpaji hparat nau htang shalai nna mana mat nit dai,” ngu nna aja awa jet wu ai.

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

2 PETRU 2:16

rai timung, dai wa gaw tinang a tawt lai ai amu majaw, daru kau ai hkrum sha wu ai; ga n chye tsun ai lawze gaw, masha a nsen hte shaga wa ai rai nna, dai myihtoi a n gring ai amu hpe kajet kau nu ai.