HPAJI NINGLI 9:2 - Jinghpaw Hanson Version Bible

² Yawng mayawng a matu lam shagu maren byin nga ai: dinghpring ai wa hte tara n lang ai wa, kaja ai hte n kaja ai wa, san seng ai hte n san n seng ai wa, shagu hkungga nawng ya ai wa hte n nawng ya ai wa a matu, lam langai sha byin nga ai: kaja ai wa hte yubak kap ai wa, matsa mawa ga tsun ai wa hte, matsa mawa hkrit ai wa gaw, maren rai nga ma ai.

Jinghpaw Common Language Bible 2009

² Dai gaw hpa mung galai shai shangun nga ai n rai. Ding man ai hte tara n lang ai, kaja ai hte n kaja ai, nawku kam sham ai hte n kam n sham ai, shagu hkungga ni hpe nawng jau ai ni hte n nawng jau ai ni a jahtum na maka gaw maren sha rai nga ai. Mai kaja ai wa gaw yubak kap ai wa hta grau kaja nga ai n rai; dagam shaka ai wa gaw n dagam shaka ai wa hta grau kaja nga ai n rai.

HPAJI NINGLI 9:2 ပူးပေါင်းရင်းမြစ်များ

NINGPAWT NINGHPANG 24:3

Ngai sha a matu, ndai ngai chyu nga ai Hkanan mung na shayi sha ni hta na nang n la ya ai sha,

YOBA 9:22

Yawng lam sha rai nga ai; dai rai nna, “Shi gaw myit tsup ai wa hpe mung, tara n lang ai wa hpe mung, maren shamyit kau mu ai,” nga nna ngai tsun nngai.

SHAKAWN KUNGDAWN 73:3

Tara n lang ai ni a ngamai ai lam mu mada yang, Grang ai ga tsun ai ni hpe, ngai manawn nga nngai.

HPAJI NINGLI 2:26

Kaning rai nme law, Karai Kasang, shi sharawng awng ai hpe hpaji byeng-ya, chye chyang ai hte kabu gara ai jaw ya let, shi sharawng awng ai wa hpe jaw na matu, lahkawn la nna mahkawng da na nga, shi gaw yubak kap ai wa hpe amu makan galaw shangun nga ai. Dai mung kaman lila hte nbung hpe shachyut ai hkrai rai nga ai.

HPAJI NINGLI 3:19

Kaning rai nme law, shinggyim masha ni hta byin ai gaw, ashu ashan ni hta mung byin nga ai; shanhte gaw lam langai sha hkrum nna, langai mi si ai zawn, kaga mung si nga ai; yawng hte gaw nsoi nsa langai sha rawng nga ai rai nna, masha wa gaw ashu ashan hta grau ai n rai: yawng hte gaw kaman lila rai nga ai.

HPAJI NINGLI 6:6

Gaja wa shi gaw shaning hkying mi hkrung shagup nga lu timung, ngamu ngamai n hkam la lu ai rai yang, hpalam la a ta? Yawng mayawng gaw shara mi de sha du na ma ai, n rai ni?

HPAJI NINGLI 7:18

Ndai ga hpe hta la na mai nga ai; dai hpe hkum tat kau et; Karai Kasang hpe hkrit kamyin ai wa gaw, dai lam yawng hta awng wa na ra ai.

HPAJI NINGLI 7:2

Poi galaw ai nta de sa na hta, mang taw ai nta de sa na grau mai nga ai: kaning rai nme law, dai gaw masha yawng a jahtum ai lam rai nga nna, naw hkrung nga ai ni nlang, myit dum na mara ai.

HPAJI NINGLI 9:11

Bai, jan a npu e mada yu yang, gat lawan chye ai majaw sha, gat shingjawng dang ai, n rai; n-gun ja ai majaw sha, hpyen majan dang lu ai n rai; hpaji byeng-ya majaw sha, shahpa lu ai, n rai; chye chyang ai majaw sha, sutgan lu ai, n rai; maka kumla pru ai majaw sha, myi man pa na, n rai: aten ladaw hte, ang wa ai hte maren, shanhte mahkra a matu byin ang wa ai hpe, ngai mu nngai.

HPAJI NINGLI 9:3

Shing rai, yawng hte gaw maren hkrum nga ma ai majaw, dai gaw jan a npu e byin ai amu mahkra hta, n hkru ai lam rai nga ai: gaja wa, shinggyim masha ni gaw naw hkrung nga ai laman e n hkru nna angawk ai hte hpring nga ma ai: dai hpang shanhte gaw jat na ga e de nga ma ai.

YEREMIA 43:6

lasha, numsha ma kaji, hkawhkam shayi sha ni hte, sin langa ni a hpyen du Nebuzaradan, Shahpan a kashu, Ahikam a kasha Gedalia lata hta ap ya ai mung masha ni mahkra hpe mung, myihtoi Yeremia hte Neria kasha Baruk hpe mung, woi la nna,

MALAHKI 3:15

Ya e pyi, gumrawng gumtawng ai ni hpe, anhte sha-a nga ga ai; gaja wa, tara n lang ai amu galaw ai ni, galu kaba wa ma ai; shanhte Karai Kasang hpe chyam yu timung, lawt lu ma ai, nga nna tsun manit dai.

MALAHKI 3:18

nna Zaw nawng zaw wa up ai Yehowa tsun ai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

1 SAMUELA 14:26

Dai nam maling de masha ni du nna, lagat jahku abya nga ai, mu ma timung, dai dagam ga hpe hkrit ai majaw, kadai mung n chyim lu ma ai.