HPAJI NINGLI 7:9 - Jinghpaw Hanson Version Bible

⁹ Pawt sindawng hkra myit hkum gadun et; kaning rai nme law, pawt sindawng ai gaw angawk ai wa a kraw hta e de nga ai.

Jinghpaw Common Language Bible 2009

⁹ Na a myit hkang u; masin kahtet ai gaw angawk angak amu rai nga ai.

HPAJI NINGLI 7:9 ပူးပေါင်းရင်းမြစ်များ

NINGPAWT NINGHPANG 4:8

Dai hpang Ka-in gaw shi a kanau Abela hte shaga nga ai; lang mi na shan gaw pa hkan e nga ma ai shaloi, Ka-in gaw kanau wa Abela hpang de rawt nna, shi hpe sat kau wu ai.

2 SAMUELA 13:22

Absalom chyawm gaw, kahpu Amnon hpe ga kaja n kaja hpa mung n tsun ai nga nga ai, rai timung, kajan Tama hpe jahpoi ya ai majw, Amnon hpe n dawng n yawt da wu ai.

2 SAMUELA 13:28

Absalom chyawm gaw shi a ali ama ni hpe, “Amnon tsabyi lu nna, myit pyaw nga yang, hkyen nga mu: ‘Amnon hpe sat kau manu,’ ngu nna ngai tsun jang, shi hpe sat kau mu; hkum hkrit myit; ngai nanhte hpe hkang masade ai, n rai ni? nden shaja nna dakan mu,” ngu nna hkang da ngut nu ai.

2 SAMUELA 13:32

Shaloi Dawi a kahpu Shimea kasha Yonadab gaw, “Hkawhkam wa kasha ni nlang sat kau nu ai, nga ai ga gaw, nye a madu n kam u ga; Amnon chyu sha she si sai; dai gaw, Absalom a kajan Tama hpe kamu roi ai shani kaw nna, shi a kayung wa ndai hku galaw na myit tawn nu ai.

2 SAMUELA 19:43

Bai Israela amyu masha ni gaw Yuda amyu masha ni hpe, Anhte gaw htamshi ting hkawhkam wa hte seng nga ga ai; Dawi hte nanhte seng ai hta anhte grau seng ga ai: dai re ai mi, anhte a hkawhkam wa woi ai lam hta, anhte hte shawng n bawng ai, anhte hpe n sawn ai hku hpa rai galaw myit ta? nga nna bai htan ma ai. Bai Yuda amyu masha ni tsun ai ga mahtang, Israela amyu masha ni a ga hta grau nna ja la malu ai.

GA SHAGAWP 14:17

Myit kahtet ai wa gaw, n shawp ai amu shapraw nga ai; N kaja ai hpaji daw ai wa hpe masha ni n dawng na maru ai.

GA SHAGAWP 14:29

Myit galu ai wa gaw, hpaji kaba rawng nga ai; Myit gadun ai wa chyawm gaw, grai angawk nga ai.

GA SHAGAWP 16:32

Myit galu ai wa gaw n-gun ja ai wa hta, Tinang myit hkang chye ai wa gaw, mare hpe gasat la ai wa hta, grau kaja nga ai.

GA SHAGAWP 25:8

Alawan hkum ga law et; Htingbu wa nang hpe kaya jahkrum kau yang, nang kaning rai na n ta?

HPAJI NINGLI 7:10

Shawng na prat gaw, ya na prat hta hpa majaw grau kaja a ta? nga nna hkum san et; shing rai san ai gaw, hpaji hku hte san ai n rai.

YONA 4:3

Ya chyawm gaw, Yehowa e, nye a asak dawm la kau ya e; hkrung nga na hte, si ai gaw, nye a matu grau kaja nga ai,” ngu nna hpyi wu ai.

YONA 4:8

Bai Karai Kasang gaw, jan pru jang, kahtet ai sinpraw nbung san da nna, ajan gaw Yona a baw hpe hkra ai majaw, shi ma mat ai: dai rai nna shi hkum si na, shi hpyi nga nna, “Hkrung nga na hte, si ai gaw, nye a matu grau kaja nga ai,” nga ai.

YONA 4:9

Shaloi Karai Kasang gaw, Yona hpe, “Taudwi ru a majaw, nang masin pawt mai a ni?” ngu nna san wu yang, shi gaw, “Si ai du hkra ngai masin pawt na, mai nga ai,” ngu wu ai.

MARKU 6:19

Herodia mung shi hpe myit machyi nga nna, shi hpe sat kau mayu wu timung, shi n rai lu ai:

MARKU 6:24

Shaloi shi pru wa nna shi a kanu hpe, “Ngai hpa hpyi na ma?” ngu nna san wu yang, shi gaw, “Baptisma jaw ai Yawhan a baw hpe hpyi u,” ngu wu ai.

YAKU 1:19

Nye a tsawra ai hpunau ni e, ndai lam hpe nanhte chye nga myit dai. Masha kadai wa rai timung, na la na matu lawan nga u ga; ga tsun na matu hkum tin nga u ga, masin pawt na matu mung, hkum tin nga u ga: