HPAJI NINGLI 7:5 - Jinghpaw Hanson Version Bible

⁵ Angawk ai wa a mahkawn mangoi ga madat na hta, hpaji rawng ai wa a daru sharin ai ga madat na, grau mai nga ai.

Jinghpaw Common Language Bible 2009

⁵ Myit n su ai masha ni nang hpe shakawn kungdawn ai nsen hpe hkam la na hta hpaji rawng ai masha ni nang hpe daru sharin shaga ai hpe hkam la na gaw grau kaja nga ai.

HPAJI NINGLI 7:5 ပူးပေါင်းရင်းမြစ်များ

SHAKAWN KUNGDAWN 141:5

Dinghpring ai wa gaw ngai hpe kayat u ga; dai gaw chyeju rai nga ai; Ngai hpe sharin ya u ga; dai gaw baw chya ai namman zawn rai nga ai; Nye a baw dai namman hpe n hkum kau u ga: Ngai wa masha ni a n hkru ai malai, akyu naw hpyi nga nngai.

SHAKAWN KUNGDAWN 69:12

Mare chyinghka e dung ai ni, nye a lam kajai nna, Chyaru nang ai ni, laka ga hte ngai hpe asawng ma ai.

GA SHAGAWP 13:13

Mung ga hpe n kaw n law di ai wa, tinang dai hten byak hkrum na ra ai; Hkang da ai ga hpe hkrit hkungga ai wa chyawm gaw, akyu lu la na ra ai.

GA SHAGAWP 13:18

Sharin achyin ai gang kau ai wa gaw, matsan mayan hte kaya kahpa hkrum na ra ai; Shadum jahprang ga madat ai wa chyawm gaw, arawng sadang lu la na ra ai.

GA SHAGAWP 17:10

Angawk ai wa gaw shingna latsa hpe dum ai hta, Myit gawp ai wa gaw daru sharin ai ga hkaw mi hpe, grau dum nga ai.

GA SHAGAWP 25:12

Madat mara mayu ai wa hpe, hpaji lam hte chye madun ai wa gaw, Ja lakan hte jet ai ja rai zawn rai nga ai.

GA SHAGAWP 27:6

Jinghku wa gaw ari jaw jang, kangka ai hte jaw nga ai; Hpyen wa chyawm gaw pup timung hkalem nga ai.

GA SHAGAWP 6:23

Kaning rai nme law, htet da ai ga gaw pyengdin rai nga ai; Tara gaw nhtoi rai nga ai; Mara madun ai shadum jahprang ga gaw asak lam rai nga ai.

GA SHAGAWP 9:8

N kaw n law re ai wa hpe hkum shadum et, shi nang hpe n dawng na ra ai: Hpaji rawng ai wa hpe shadum u, shi nang hpe tsawra na ra ai.

HPAJI NINGLI 12:11

Hpaji rawng ai wa a ga gaw, majawn hte bung nga ai: sagu rem wa langai sha jaw da ai hte, masha hpung ni hpe shadum jahprang chye nna, htawn tsun ai sara ni a ga gaw, dit jung da ai hpri masen hte bung nga ai.

HPAJI NINGLI 7:4

Hpaji rawng ai ni a myit masin gaw, mang taw ai nta hta rawng nga ai; angawk ai ni a myit masin chyawm gaw, pyaw daw kadaw ai ni a nta hta rai nga ai.

HPAJI NINGLI 9:17

Angawk ai ni hpe up ai wa a jahtau marawn ai ga hpe madat na hta, hpaji byeng-ya rawng ai ni a ga hpe asim sha madat na gaw, grau kaja nga ai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.