HPAJI NINGLI 7:4 - Jinghpaw Hanson Version Bible

⁴ Hpaji rawng ai ni a myit masin gaw, mang taw ai nta hta rawng nga ai; angawk ai ni a myit masin chyawm gaw, pyaw daw kadaw ai ni a nta hta rai nga ai.

Jinghpaw Common Language Bible 2009

⁴ Kabu gara ai lam hpe tut nawng myit aru yu nga ai wa gaw angawk angak re ai wa rai nga ai. Hpaji rawng ai wa chyawm gaw si hkrung si htan a lam hpe myit aru yu nga ai.

HPAJI NINGLI 7:4 ပူးပေါင်းရင်းမြစ်များ

2 SAMUELA 13:28

Absalom chyawm gaw shi a ali ama ni hpe, “Amnon tsabyi lu nna, myit pyaw nga yang, hkyen nga mu: ‘Amnon hpe sat kau manu,’ ngu nna ngai tsun jang, shi hpe sat kau mu; hkum hkrit myit; ngai nanhte hpe hkang masade ai, n rai ni? nden shaja nna dakan mu,” ngu nna hkang da ngut nu ai.

1 HKAWHKAM 20:16

Shing rai shanhte gaw jan pungding ga hpawa e pru wa ma ai. Benhada chyawm gaw shi hpe shingdep nga ai hkawhkam sumshi lahkawng hte rau, nta jan e chyaru nang nga ma ai.

HPAJI NINGLI 2:1

Bai ngai gaw, Sa rit, ngwi ngawn ai hte ngai nang hpe chyam yu di ga; nang mai kaja ai lam mu hkrup na ndai, nga nna nye a kraw e ngai tsun nngai: yu mu, dai mung kaman lila sha rai nga ai.

HPAJI NINGLI 7:3

Yawn hkyen ai gaw mani ai hta grau kaja nga ai; kaning rai nme law, yawn hkyen ai myi man majaw, myit masin gaw kaja wa nga ai.

HPAJI NINGLI 7:5

Angawk ai wa a mahkawn mangoi ga madat na hta, hpaji rawng ai wa a daru sharin ai ga madat na, grau mai nga ai.

ESAIA 21:4

Nye a salum aduk nga ai; hkrithpa hte ngai kajawng nngai; ngai marit ai shana nrim, nye a matu hkrit kahpra ai hkrai shapraw nga ai.

YEREMIA 51:39

Shanhte pyaw daw kadaw yang, ngai shanhte a matu poi galaw nna, shanhte kabu gara nga timung, n hprang lu hkra prat dingsa yup pyaw na matu, shanhte hpe luhpa jaw shanang na nngai.

YEREMIA 51:57

Ngai gaw shi a hkawhkam kasha ni, hpaji byeng-ya rawng ai ni, munggyi ni, du salang ni hte share ninghkrin ni hpe chyaru shanang nna, shanhte gaw n hprang lu hkra, prat dingsa yup pyaw nga na mara ai, nga nna Zaw nawng zaw wa up ai Yehowa mying ai Hkawhkam wa tsun nga ai.

Daniela 5:30

Dai shana e pyi, Hkalde hkawhkam Belashaza sat kau ai hkrum nna,

HOSEA 7:5

Anhte a hkawhkam wa a poi shani hta e, du ni gaw nhpat hkra tsabyi jahku hte nang ma ai; shi gaw n kaw n law re ai ni hpe hkap hkalum la nga ai.

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

1 SAMUELA 25:36

Abigela mung, Nabala hpang de bai wa ai: shi chyawm gaw hkawhkam poi zawn, shi a nta e poi kaba de nna, shi chyaru ja ja nang ai majaw, shi grai pyaw nga ai: madu jan mung, hpang jahpawt nhtoi htoi hkra, hpa mung n tsun dan ai ip da wu ai.

1 SAMUELA 30:16

Shing rai dai wa gaw shi hpe lam madun nna sa du yang, yu u, Hpilisti mung hte Yuda mung na magawn wa ai lanep rai ni nlang a majaw, Amalek masha ni lu let sha let, ka manau let, dai pa ting pri rai nga nga mala ai.