HPAJI NINGLI 5:2 - Jinghpaw Hanson Version Bible

² Na a n-gup hpe shim nga u; Karai Kasang a man e ga tsun na, na a myit masin hkum lawan et; kaning rai nme law, Karai Kasang gaw sumsing lamu e rai nga ai, nang chyawm gaw ga ntsa e rai nga ndai; dai re ai majaw ga law law hkum tsun et.

Jinghpaw Common Language Bible 2009

² Nang garai n shaga yang, shawng myit yu u. Karai Kasang hpe tin shapun ga sadi hkum jaw et. Shi gaw sumsing lamu e nga nga nna, nang mahtang ginding aga ntsa e nga nga ndai, dai re ai majaw nang shaga ang ai hta jan nna hkum shaga et.

HPAJI NINGLI 5:2 ပူးပေါင်းရင်းမြစ်များ

NINGPAWT NINGHPANG 18:27

Bai Abraham gaw, “Yu u, ngai ga nhpu hte dap sha rai nga nngai, rai timung nang Madu hpe ngai tsun na ngu nga nngai:

NINGPAWT NINGHPANG 18:30

Bai Abraham gaw, “Nye a Madu masin hkum pawt et, ngai naw tsun we ga, dai mare hta marai sumshi nang mu hkrup na wu ai nhten,” ngu wu yang, shi gaw, “Marai sumshi ngai mu we yang gaw, ngai n di na nngai,” ngu wu ai.

NINGPAWT NINGHPANG 18:32

Bai Abraham gaw, “Nye a Madu masin hkum pawt et; ndai lang mi sha ngai naw tsun n-ga: dai mare hta marai shi mu hkrup na wu ai nhten,” ngu wu yang, shi gaw, “Dai marai shi a majaw dai shara hpe ngai n jahten na nngai,” ngu wu ai.

NINGPAWT NINGHPANG 28:20

Dai hta e Yaku gaw, “Ngai nye wa nta de ngwipyaw ai hte bai du wa lu hkra, Yehowa nye a Karai Kasang tai nga nna,

NINGPAWT NINGHPANG 28:22

ndai mahtan daw di nna ngai jun ai nlung mung, Karai Kasang a nta tai na ra ai: nang ngai hpe jaw ai mahkra hta na htamshi hta htammi, ngai nang hpe teng teng wa jaw na ring ngai,” ngu nna shaka dagam da wu ai.

SHAKAWN KUNGDAWN 115:3

Anhte a Karai Kasang gaw sumsing lamu e anga nga ai; Shi ra ai hku yawng mayawng shi galaw nga ai.

GA SHAGAWP 10:19

Ga law law tsun ai hta, yubak n lawm ai, n nga lu ai; Tinang a n-gup shim da ai wa chyawm gaw, myit su ai wa rai nga ai.

GA SHAGAWP 20:25

“Ndai gaw chyoi pra nga ai,” nga nna tsun shut ai mung, ga sadi tawn da nhtawm, nhtang san yu ai mung, masha a mahkam tai nga ai.

HPAJI NINGLI 10:12

Hpaji rawng ai wa a ga gaw, htaphtuk nga ai; angawk ai wa a n-gup chyawm gaw, shi hpe mayu kau nga ai.

HPAJI NINGLI 10:13

Shi tsun hpaw ai ga gaw, angawk ai ga, shi hpang jahtum na ga gaw, mana bu ai ga hkrai rai nga ai.

HPAJI NINGLI 5:3

Myit ru myit yak law yang, yup mang mu nga ai; angawk ai wa a ga gaw nsen hkrai rai nga ai.

HPAJI NINGLI 5:7

Yup mang law law mu ai mung, ga law law tsun ai mung, kaman lila rai nga ai: nang chyawm gaw Karai Kasang hpe hkrit hkungga nga u.

ESAIA 55:9

Sumsing lamu gaw ginding aga hta tsaw nga ai hte maren, nye a lam ni nanhte a lam ni hta, ngai myit mang ai hku, nanhte myit mang ai hta, grau tsaw nga ai.

JAW JAU 5:4

Bai masha langai ngai, shing di na nga nna, kaja ai amu n kaja ai amu a lam n myit yu ai sha, dagam ai hte ga shaka da kau nna, dai hpe hpang e bai dum jang, shing rai dagam ga shaka ai lam ni hta shut ai rawng nga la yang gaw shi mara lu nu ai.

MAHTE 6:7

Nanhte akyu hpyi nga myit yang, tara maigan na ni zawn, ga bai kahtap htap hkum rai nga myit: kaning rai nme law, ga galu galang tsun nga ma ai majaw, shanhte hpe madat mara la ya na ra ai, nga nna shanhte myit nawn ma ai.

MAHTE 6:9

Dai rai nna, nanhte gaw ning ngu akyu hpyi mu, Sumsing lamu na anhte a Wa e, Na a amying nsang chyoi pra nga lit ga;

MARKU 6:23

Dai hta n-ga, “Nang ngai hpe hpyi mahpyi, nye a mungdan ka-ang hkup du hkra, ngai nang hpe jaw na de ai,” ngu nna shi hpe dagam wu ai.

YAKU 3:2

Kaning rai nme law, anhte nga manga hte hta, malaw maga gaw kataw ai hkrai rai nga ga ai. Marai langai ngai ga hte n kataw a yang gaw, hkum hkum tsup tsup re ai wa hte, tinang a hkum ting hpe hkang lu ai wa rai nga ai.

TARA AGYI 11:30

Ya Yephta gaw Yehowa kaw, “Nang madu gaja wa teng teng Amon kashu kasha ni hpe nye a lata hta ap ya n yang gaw,