HPAJI NINGLI 5:1 - Jinghpaw Hanson Version Bible

¹ Karai Kasang a nta de shang yang, na a lagaw hpe hkang nga u: kaning rai nme law, madat mara na matu sit sa ai gaw, angawk ai ni a shagu hkungga hta grau kaja nga ai: shanhte gaw tinang galaw ai mara hpe n dum ma ai.

Jinghpaw Common Language Bible 2009

¹ Nawku Htingnu de sa wa yang, sadi sahka rai nga u. Dai de sa nna sharin hkam la ai gaw kaja ai hte n kaja ai hpe n chye nna angawk ai ni a nawng jau ai shagu hkungga ni hta grau kaja nga ai.

HPAJI NINGLI 5:1 ပူးပေါင်းရင်းမြစ်များ

2 HKAWHKAM LABAU 26:16

Ya shi gaw hpung shingkang lu la jang, shi a akyu hten hkra myit kaba wa nna shi a Karai Kasang Yehowa hpe shut kau wu ai: kaning rai nme law, manam pyaw ai baw nat nawng ai hkungri ntsa e, manam pyaw ai baw nat nawng na matu, Yehowa a nawku htingnu kata de shi shang wa ai.

YOBA 11:2

“ga law law pru ai majaw, n htan yang, mai a ni? N-gup ga sha chye shapraw ai wa gaw, mara lawt na rai ni?

YOBA 22:12

Karai Wa gaw sumsing lamu lahta tang e dung nga ai, n rai ni? Mada yu u, tsaw htum ai shagan ni gaw, gade tsaw nga ma hka!

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

PRU MAT 3:5

Shaloi Karai Kasang gaw, “Nang de hkum sit nit; na a kyepdin raw kau u; dai nang kabye ai ga gaw chyoi pra ai shara rai nga ai,” nga nna mung;

PRU MAT 30:18

“Kashin kamun rai na matu magri hte ntsin htung mung, magri hte dai shadun na ku mung nang galaw nna, dai shawa sum hte tawn hkungri lapran e dai hpe tawn da na rai wu ai; dai hta ntsin mung nang ja bang na rai wu ai.

GA SHAGAWP 10:19

Ga law law tsun ai hta, yubak n lawm ai, n nga lu ai; Tinang a n-gup shim da ai wa chyawm gaw, myit su ai wa rai nga ai.

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

GA SHAGAWP 21:27

Tara n lang ai ni a shagu hkungga gaw, matsat shabat rai nga ai; Mara raw na matu nawng ya ai rai yang, grau nna rai nga ai.

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

JAW JAU 10:3

Shaloi Mawshe gaw Arun hpe, Ngai kaw sit sa ai wa hta nye a chyoi pra ai lam ngai madun nna, amyu masha ni mahkra a man e ngai hpung shingkang lu la na we ai, nga nna Yehowa tsun ai gaw ndai zawn re ai lam hpe tau nna tsun ai rai nga ai, ngu wu ai. Arun gaw atsin sha rai nga ai.

KASA 10:33

Dai majaw, shaloi jang ngai nang hpang de shangun dat ai rai nna, ya nang du ai gaw, mai kaja nga ai. Dai rai nna, shi Madu nang hpe hkang da mada madat la na, ya anhte nlang Karai Kasang a man e, rai nga ga ai,” ngu nna tsun wu ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

1 KORINHTU 11:22

Ataw, sha na lu na matu tinang a nta n lu myit ni? shing n rai, nanhte Karai Kasang a Hpung hpe n gawn n sawn di nna, n lu n su ai ni hpe kaya jahkrum myit ni? Nanhte hpe ngai kaning ngu tsun na i? ngai nanhte hpe shakawn lu na kun? Ndai lam hta ngai nanhte hpe shakawn da na made ai, n rai.

HEBRE 10:26

Kaning rai nme law, tengman ai a chye chyang ai lam hpe hkam la ngut sayang, yubak hpe dingsa sa galaw ga yang gaw, yubak a matu mara hkungga nawng ya na lam, naw nga sa na n rai:

YAKU 1:19

Nye a tsawra ai hpunau ni e, ndai lam hpe nanhte chye nga myit dai. Masha kadai wa rai timung, na la na matu lawan nga u ga; ga tsun na matu hkum tin nga u ga, masin pawt na matu mung, hkum tin nga u ga:

YAWSHU 5:15

Yehowa a hpyen laba up ai bu wa gaw, Yawshu hpe, “Na a kyepdin raw u: nang kabye ai ga gaw chyoi pra ai ga rai nga ai,” nga ai. Yawshu mung shing rai galaw wu ai.