HPAJI NINGLI 4:1 - Jinghpaw Hanson Version Bible

¹ Bai, jan a npu e zingri zingrat ai lam yawng hpe ngai sumru yu nngai: zingri zingrat hkrum ai ni myi prwi pru timung, shalan shabran ai wa n nga ai; zingri zingrat ai ni adip arip di timung, shalan shabran ai wa n nga ai.

Jinghpaw Common Language Bible 2009

¹ Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

HPAJI NINGLI 4:1 ပူးပေါင်းရင်းမြစ်များ

YOBA 16:4

Ngai mung nanhte zawn tsun lu nngai; ngai hkrum ai zawn nanhte hkrum yang, ngai nanhte a lam ga sumtu tsun hkai lu nna, nye a baw nanhte a man e kanga lu na nngai.

YOBA 35:9

Zingri zingrat law law hkrum ai majaw, shanhte jahtau nga ma ai; n-gun ja ai ni a adip arip di ai majaw, shanhte shabam nga ma ai:

YOBA 6:29

Bai wa manu, yubak n pru u ga; rai sa, bai wa manu, nye a lam dingman ai lam rai nga ai.

YOBA 9:24

Lamu ga gaw tara n lang ai ni a lata e rawng nga ai; shi gaw de a tara agyi ni a myi man hpe tau ya mu ai: ataw, shi n rai yang, kadai wa rai ta?

SHAKAWN KUNGDAWN 12:5

“Ru tsang hkrum ai ni a ru tsang ai hte, Matsan mayan ni a sharung shayawt ai a majaw, Ya ngai rawt wa na nngai rai nna, Ba galawp ai wa hpe shingbyi shara hta tawn da na nngai,” nga nna Yehowa tsun ai.

SHAKAWN KUNGDAWN 142:4

Nye a hkra maga de mada yu u, Ngai hte hkau chyap ai wa n nga ai; Ngai shingbyi shara hten wa sai, Nye a myit masin hpe lahpawt ai wa n nga ai.

SHAKAWN KUNGDAWN 142:5

Yehowa e, ngai nang hpe jahtau nga nngai; Ngai shingbyi shawung shara hte, Hkrung nga ai ni a ga hta e nye a hkambum, Nang rai nga ndai, nga nna ngai tsun nga nngai.

SHAKAWN KUNGDAWN 42:3

“Na a Karai Kasang gaw kanang nga lit ta?” Nga nna tut tut a tsun nga ma ai majaw, Nye a myi prwi nye a shat shani shana tai nga li ai.

SHAKAWN KUNGDAWN 42:9

Dai majaw Karai Wa hpe, Nye a lunghkrung e, Nang hpa rai ngai hpe malap kau nga n ta? Gumlau ni sharu shatsang ai majaw, Yawn hkrum ai wa zawn ngai hpa rai hkawm nga n hka? ngu na we ai.

SHAKAWN KUNGDAWN 69:20

Shatan nhkan ai hte ngai myit htum nngai, Si hkra ngai machyi nga nngai; Myit yu machyi ai masha, ngai tam timung, n nga ai, Shangwi shapyaw ai wa mung, ngai n mu nngai.

SHAKAWN KUNGDAWN 69:21

Nye a lusha hta shanhte shagri bang jaw nna, Hpang gara jang, ngai hpe ntsin hkri shalu mi ai.

SHAKAWN KUNGDAWN 80:5

Nang shanhte hpe myi prwi shat jaw nna, Myi prwi law law wa lu shangun mu ai.

PRU MAT 1:16

Nan Hebre numsha ni hpe shangai karum nna, dai shangai punghkum hta shanhte ma shangai nga yang, lasha rai yang gaw sat kau ya mu, numsha rai jang chyawm gaw jahkrung da mu, ngu nna hkang dam u ai.

PRU MAT 1:22

Bai Hpara-u gaw shi a mung masha ni nlang hte hpe hkang da nna, Shangai tawn ai lasha ma yawng hte hpe hka hta kabai bang kau ya mu; numsha ma hpe chyawm gaw jahkrung da ya mu, ngu nna tsun dan mu ai.

GA SHAGAWP 19:7

Matsan ai wa a hpunau ni yawng, shi hpe n dawng nga ma ai; shi a jinghku ni grau nna, shi hpe koi kau ma ai; Hkan shaga timung, makoi mat ma ai.

GA SHAGAWP 28:3

Matsan mayan ni hpe zingri ai matsan mayan wa gaw, Lusha hpa mung n ngam hkra, agre kau ai marang hte bung nga ai.

GA SHAGAWP 29:2

Dinghpring ai ni up yang, mung masha ni kabu nga ma ai; Tara n lang ai wa ahkang aya lu yang, mung masha ni madai nga ma ai.

HPAJI NINGLI 3:16

Dai hta kaga, tara tingnyang a malai tara n lang ai, dinghpring ai a malai n ding n hpring ai, jan a npu e rai nga ai hpe, ngai mu nngai.

HPAJI NINGLI 5:8

Mungdaw hkan e matsan mayan ni hpe zingri zingrat nna, adip arip re ai ni gaw tara lam hte dinghpring ai hpe shanut kau ai nang mu hkrup yang, hkum mau et: kaning rai nme law, tsaw htum ai shara hte grau tsaw nga ai wa langai mi yu matsing nga ai rai nna, shanhte hta grau tsaw ai ni mung rai nga ma ai:

HPAJI NINGLI 7:7

Gaja wa, lawhpa myit gaw hpaji rawng ai wa hpe mana shangun nga ai; sake manawn mung, chye chyang ai myit hpe jahten kau lu ai.

HPAJI NINGLI 8:9

Ndai yawng mayawng hpe ngai mu mada nna, nye a myit masin gaw, magam bungli shagu hpe sumru yu nga ai: masha gaw manang wa hpe hkying ladaw mi sha adip arip lu na ahkang nga ai.

ESAIA 5:7

Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

ESAIA 51:23

nang gaw na a shingma hpe lam lai ai ni a matu hkrun lam zawn shatai nna, Anhte lai lu hkra, ga e gum-yan taw nga u,” nga nna nang hpe zingri zingrat let, tsun ai ni a lata hta, ndai gawm hpe ngai tawn da na nngai.

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

YEREMIA 16:7

si ai ni a matu sharung shayawt ai ni hpe shalan shabran na nga, shanhte hte poi galaw na n rai; kanu kawa si timung, shangwi shapyaw ai gawm jaw ai wa nga na n rai.

SHARUNG SHAYAWT 1:16

Dai majaw ngai hkrap nna, myi prwi abya nga nngai; Nye a asak hpe lahku na, shalan shabran ai wa gaw, ngai hte tsan nga ai: Hpyen wa dang ai majaw, nye a kashu kasha ni htum mat masai.

SHARUNG SHAYAWT 1:17

Ziun gaw shi a lata ladawn timung, shalan shabran ai wa n nga ai: Yehowa gaw, Yaku grup yin e, hpyen ni hpe san da nu ai; Yerusalem gaw shanhte hta matsat shabat zawn rai nga ai.

SHARUNG SHAYAWT 1:2

Shi gaw shana e ja ja hkrap nna, shi a shabyi myi prwi hte nyaw nga ai; Shi a sumtsaw sumra ni mahkra hta, shi hpe shalan shabran ai wa n nga ai: Shi a kanawn manang ni yawng, shi hpe hkalem kau nna, shi hpe hpyen ai ni tai wa masai.

SHARUNG SHAYAWT 1:9

Shi a n san n seng ai dan leng nga timung, htawm hpang e hkrum na ra ai lam hpe n dum nga ai; Dai re ai majaw shi mau hkra shagrit kau ai hkrum nna, shi hpe shalan shabran ai wa n nga ai: Yehowa e, ngai hkrum ai nni nkri hpe yu u; hpyen wa gaw shi hkum hpe shagrau wu ai.

AMO LAIKA (AMOS) 3:10

Kaning rai nme law, tinang a htingnu ni hta kashun kashe hte, hpya lu hpya sha ai sut, mahkawng da ai ni gaw, malang ai hku n chye galaw ma ai, nga nna Yehowa tsun ai.

AMO LAIKA (AMOS) 3:9

Samari mung na bum ni a ntsa e zuphpawng nna, de a kabring kabrawng kaba ai hte, de a ka-ang e nga ai adip arip hkrum ai ni hpe mada yu mu, ngu nna Ashdod a htingnu ni hte, Egutu mung na htingnu ni hta, ashi shabra nga mu.

MALAHKI 2:13

Bai nanhte galaw ai lam, ndai rai nga ai: nanhte gaw Yehowa a tawn hkungri hpe myi prwi, hkrap ngu hkrap ngoi nna, madai ai hte ka-up manu ai: dai majaw shi gaw dai kumhpa hpe n nawn nna, nanhte a lata na kabu gara ai myit hte, n hkap la wu ai.

MALAHKI 3:18

nna Zaw nawng zaw wa up ai Yehowa tsun ai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 26:56

ndai lam yawng hte chyawm gaw, myihtoi ni a laika ni dik wa mu ga majaw byin wa sai,” ngu mu ai. Shaloi jang, sape ni nlang shi hpe kau da nna hprawng mat wa ma ai.

TARA JAHPRANG 28:33

Na a mungdan a nsi naisi hte nang galaw tawn ai sutgan yawng gaw nang n mu n chye yu ai masha amyu sha kau na mara ai; nang chyawm gaw zingri zingrat hkrum sha ai tut rai na nit dai:

TARA JAHPRANG 28:48

Yehowa nang hpang de shangun dat ai masha hpyen wa hpe, kawsi hpang kara, singgu krin, matsan tsin-yam hkrum let daw jau lu na ndai: nang hpe jahtum kau lu ai du hkra, dai wa gaw na a du hta hpri kandang jahpai na ra ai.

YAKU 5:4

Yu mu, nanhte a yi hkauna ni hpe dan shangun nhtawm, nanhte hkalem sha kau ai bungli galaw ai ni a shabrai gaw, jahtau nga ai rai nna, mam dan ai ni a garu ai nsen mung, dai Madu Seba-ut a na hta e hkrang shang wa sai.

TARA AGYI 4:3

Dai wa gaw hpri hpyen leng jahku tsa lu nna, Israela kashu kasha ni hpe hkun ning tup zingri zingrat wu ai majaw, Israela kashu kasha ni Yehowa hpe hpyi jahtau mu ai.