HPAJI NINGLI 3:4 - Jinghpaw Hanson Version Bible

⁴ hkrap ngu hkrap ngoi ai aten hte, mani ai aten mung nga ai; sharung shayawt ai aten hte, ka manawt na aten mung nga ai;

Jinghpaw Common Language Bible 2009

⁴ Shi gaw yawn hkyen ai aten hte kabu gara ai aten hpe mung, hkrap ngu hkrap ngoi ai aten hte ka manawt ai aten hpe mung,

HPAJI NINGLI 3:4 ပူးပေါင်းရင်းမြစ်များ

NINGPAWT NINGHPANG 21:6

Dai rai nna Sara gaw, “Karai Kasang ngai hpe mani shangun ni ai; dai shi na ai ni yawng mayawng gaw ngai hte maren mani na masai,” nga ai.

2 SAMUELA 6:16

Ya Yehowa a sumpu Dawi mare de shang wa nga yang, Shawlu a kasha Mihkala gaw hkuwawt hku mada yu nna, hkawhkam Dawi Yehowa man e ka let manawt let, wa ai mu wu jang, shi hpe hkyet yu rung wu ai.

SHAKAWN KUNGDAWN 30:11

Nye a yawn hkyen ai hpe ka gumlawt ai hte nang galai ya ndai; Nye a lachyit nba hpe nang raw kau ya nna, Kabu gara ai hte ngai hpe shingkyit kyit ya ndai.

SHAKAWN KUNGDAWN 30:5

Kaning rai nme law, shi hkring mi sha masin pawt nga ai, Shi a n-gaw nnyeng chyawm gaw, prat tup agrin nga ai; Shana e hkrap ngu hkrap ngoi gaw shang nga timung, Jahpawt e mahkawn mangoi shara rai nga ai.

PRU MAT 15:20

Shaloi, Arun a kana, myihtoi num Miriam gaw shi a lata hta chying lang nna, numsha ni mahkra mung chying dum ai hte ka let shi a hpang e hkan nang ma ai.

HPAJI NINGLI 3:5

nlung hpe kabai kau ai aten hte, nlung hpe mahkawng da ai aten mung nga ai; ginshum ai aten hte n ginshum ai aten mung nga ai;

HPAJI NINGLI 7:14

Ngamu ngamai ai aten e kabu gara nga mu; matsan mayan hkrum ai aten e sumru yu nga u; gaja wa, shinggyim masha gaw, tinang a hpang e hpa byin na ra ai hpe, n chye sawn lu hkra, Karai Kasang gaw dai lam lahkawng hpe kapyawn tawn da wu ai.

ESAIA 40:1

Nye a amyu hpe shalan shabran mu, shalan shabran mu, nga nna nanhte a Karai Kasang tsun nga ai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

MAHTE 11:17

Nanhte a matu anhte sumpyi dum ga timung, nanhte n ka myit dai: Anhte sharung shayawt timung, nanhte n yawn myit dai, nga nna, gat hkan e dung let, shada da gintan hkat ai ma ni hte bung nga ma ai.

MAHTE 9:15

Yesu gaw, “La nnan wa gaw, hkungran ai gawk hte seng ai ma ni hte rau naw nga yang, shanhte yawn hkyen hkrum na ma hka? Rai timung? la nnan wa hpe shanhte kaw na jahka mat wa na nhtoi du na ra ai; dai shaloi shanhte lusha gam na mara ai.

LUKA 1:58

Dai Madu gaw shi a chyeju chyalai shajan shi hpe madun wu ai gaw, htingbu ni hte mayu dama ni na ma ai rai nna, shi hte rau kabu gara ma ai.

ROMA 12:15

Kabu gara re ai ni hte rau kabu gara nga mu; hkrap ngu hkrap ngoi re ai ni hte rau hkrap ngu hkrap ngoi nga mu.

2 KORINHTU 7:10

Kaning rai nme law, Karai Kasang ra ai yawn hkyen ai gaw, hkye hkrang la ai hkrum hkra, n tsang ra ai myit malai ai hpe shachyen nga ai; mungkan ga a yawn hkyen ai chyawm gaw, si mat ai hpe shachyen nga ai.

YAKU 4:9

Nji nmu, sharung shayawt ai hte, hkrap ngu hkrap ngoi rai nga mu; nanhte a mani ai gaw sharung shayawt ai hte, nanhte a kabu gara ai gaw yawn du krung ai hte galai mat u ga.