HPAJI NINGLI 3:3 - Jinghpaw Hanson Version Bible

³ sat kau ai aten hte, nma shamai ai aten mung nga ai; run kau ai aten hte, nta gap na aten mung nga ai;

Jinghpaw Common Language Bible 2009

³ sat kau ai aten hte shamai shatsai ai aten hpe mung, run kau ai aten hte gaw gap ai aten hpe mung, masat da ya nga ai.

HPAJI NINGLI 3:3 ပူးပေါင်းရင်းမြစ်များ

NINGPAWT NINGHPANG 9:6

Kadai rai timung, masha a asai hpe hkaw kau ya yang, shi a asai hpe mung, masha a lata hte hkaw kau ya lu na rai nga ai: kaning rai nme law, Karai Kasang gaw shi a hkrang sumla hte maren di nna masha hpe hpan da nu ai.

ESAIA 44:26

shi shangun ma ni a ga hpe shagrin da ai hte, shi kasa ni a hpaji daw ai lam shabyin ya ai wa; Yerusalem mare hta masha bai nga nna, Yuda mare ni gaw dè da ai hkrum ai hte, marawng marang re ai htingra ni hpe ngai bai lajang na we ai, nga nna tsun ai wa;

ESAIA 6:10

Shanhte gaw, tinang myi hte n mu lu na hte, na hte n na lu nna, myit hte n chye na lu mu ga she, myit n kayin nna, shamai shatsai ai n hkrum lu hkra, shanhte a myit masin hpe shamak kau ya nna, shanhte a na hpe lahpang kau ya ai hte, shanhte a myi hpe pat kau ya mu, nga ai.

YEREMIA 1:10

matsing u, baw kau na hte run kau na matu mung, jahten shabyak na hte galau kau na matu mung, gaw da na hte gat hkai na matu mung, amyu baw ni hte hkawhkam mungdan ni a ntsa e, dai ni jang, ngai nang hpe san da ni ai,” nga ai.

YEREMIA 31:28

Shanhte hpe baw kau na, agrawp kau na, gale galau kau na, jahten kau na hte adip arip di na matu, ngai yaw yu ai hte maren, dè da na hte hkai da na matu, ngai shanhte a ntsa e ya yaw yu na nngai.

YEREMIA 45:4

Yehowa ning nga ai, Shi hpe ning ngu htawn tsun u: Yu u, ngai galaw da ai hpe, ngai run kau na nngai; ngai hkai da ai ngu ai, ndai mung ting hpe, ngai baw kau na nngai.

EZEKELA 13:14

Shing rai, namhtun chya ai bunghku hpe, ga du hkra ngai sharu kau nna, de a npawt nhpang ni dawng pru na ra ai; dai ru hkrat nna, nanhte kamyet si ai hkrum na myit dai: shaloi ngai Yehowa rai nga ai hpe, nanhte chye lu na marin dai.

HAGI 1:2

Zaw nawng zaw wa up ai Yehowa ning nga ai, Ndai amyu masha ni gaw, Aten garai n du ai, Yehowa a Nta hpe galaw na aten garai n du ai, nga nna tsun shajang ma ai, nga ai.

HAGI 1:4

Ataw, Yehowa Nta gaw shingran naw katsi nga yang me, nanhte hkum nan, hpunpyen maka ka ai nta hta, rawng na aten du sa ni?

ZEHKARIA 1:12

Shaloi Yehowa a lamu kasa gaw, “Zaw nawng zaw wa up ai Yehowa e, ndai sanit shi ning tup, nang sindawng kahtet ai Yerusalem hte Yuda mung na mare ni hpe, gaten du hkra matsan n dum nga na rai ta?” ngu nna san wu ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

1 SAMUELA 2:25

Masha langai hte langai chyaw shut hkat ai rai yang gaw, Karai Kasang dawdan ya na rai nga ai; rai timung, Yehowa hpe shut kau yang, dai wa a matu kadai nem ya na rai ta?” ngu nna daru sharin wu ai. Rai timung, shan gaw kaw a ga n madat ma ai: kaning rai nme law, Yehowa mahtang, shan hpe sat kau mayu wu ai.

1 SAMUELA 2:6

Katsan ga de jahkrat kau ai hte sharawt la ai wa rai nga ai.