HPAJI NINGLI 2:8 - Jinghpaw Hanson Version Bible

⁸ aja gumhpraw mung, hkawhkam ni a sutgan hte mungdaw ni hta na hkansi hpe ngai mahkawng da nngai; mahkawn mangoi chye ai, la rai timung, num rai timung, ngai shaga la nna, masha hpe chye shapyaw ai numdung hte lashi num law law lu nngai.

Jinghpaw Common Language Bible 2009

⁸ Ngai up ai mungdan a hkawhkam sut rai ni hta na aja, gumhpraw hpe mung sumpum da nngai. Numsha lasha ni gaw ngai hpe shapyaw ya na matu mahkawn mangoi ma ai. Lasha langai yu ra lu ai numsha ni yawng mung ngai lu nngai.

HPAJI NINGLI 2:8 ပူးပေါင်းရင်းမြစ်များ

2 SAMUELA 19:35

Dai ni nye a asak matsat shi ning rai sali ai. Kaja ai hte n kaja ai naw chye ginhka na a ni? Na a mayam lusha mu n mu naw chye na na a ni? Mahkawn shabrang ni a mahkawn mangoi ai nsen na lu na a ni? Dai rai nna, na a mayam nang hkawhkam wa hpe hpa majaw naw shatsang na rai ta?

1 HKAWHKAM 10:10

ngu nna hkawhkam wa hpe tsun let, aja talenta latsa e hkun, manam pyaw ai baw law law hte lungseng hpe mung sak jaw wu ai: Sheba hkawhkam jan hkawhkam Shawlumon hpe sak jaw ai daram law ai manam pyaw ai baw, htawm hpang de galoi mung n mu yu sai.

1 HKAWHKAM 10:14

Shawlumon gaw laning mi hta lu la ai aja shen yu yang, talenta kru tsa e kru shi kru rai lu ai;

1 HKAWHKAM 10:21

Hkawhkam Shawlumon ntsin lu ai gawm ni yawng aja rai nga ai; Lebanon maling a nta na wan ni yawng mung ja jet rai nga lu ai: langai mi muk gumhpraw n rai nga ai; Shawlumon a aprat e gumhpraw hpe hpa n nawn nga ai.

1 HKAWHKAM 11:3

Shi a madu jan ni gaw hkawhkam shayi sha hkrai sanit tsa lu nna, lashi num masum tsa rai lu ai: shi a madu jan ni gaw shi a myit masin hpe shadam kau ya mu ai.

1 HKAWHKAM 14:27

Hkawhkam Rehoboam gaw aja n-gang ni a malai magri n-gang galaw nna, hkawhkam htingnu a chyinghka sin langa ni a agyi ni a lata hta ap ya mu ai.

1 HKAWHKAM 9:14

Hiram gaw hkawhkam wa hpe aja talenta latsa hkun shagun dat wu ai.

1 HKAWHKAM 9:28

Shanhte gaw Ohpira shara de du nna aja talenta mali tsa e hkun lu la nhtawm, hkawhkam Shawlumon hpang de la sa mu ai.

1 HKAWHKAM LABAU 25:1

Dai hta kaga, Asap, Heman, Yeduhtun a kashu kasha nkau mi tingse, duria, shupsheng dum let, myihtoi htoi na matu, Dawi hte luksuk ni a bu ni gaw shanhte hpe san da mu ai:

1 HKAWHKAM LABAU 25:6

Shanhte mahkra gaw, Yehowa a nta hta mahkawn mangoi na hte, shupsheng, duria, tingse dum let Karai Kasang a nta hta daw jau na matu, shanhte a kawa a lawu e rai nga ma ai; Asap, Yeduhtun hte Heman gaw hkawhkam a hkang da ai ga hte maren galaw ma ai.

2 HKAWHKAM LABAU 9:11

hkawhkam wa gaw, Yehowa a nta matu mung, shi a nta matu mung, algum hpun hte ngau gum, mahkawn mangoi ai ni matu tingse hte sumpyi, galaw wu ai; dai zawn re ai baw, Yuda mung hta shawng de galoi mung n mu yu ai.

EZRA 2:65

dai hta kaga num mayam ni hte la mayam ni hkying sanit, masum tsa e sumshi sanit rai nga ma ai: mahkawn mangoi chye ai numsha lasha, ni tsa mung, lawm ma ai.

HPAJI NINGLI 1:2

‘Kaman lila, kaman lila,’ nga nna Tara Hkaw Sara nan tsun nga ai. Kaman lila, kaman lila, yawng mayawng kaman lila hkrai rai nga ai.

Daniela 3:15

Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Daniela 3:5

nanhte gaw pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, hkawhkam Nebuhkadneza shadun da ai ja sumla hpe gum dagup nawku mu:

Daniela 3:7

Dai re ai majaw, masha amyu baw mahkra gaw, pahtau, pahke, tingse, sumpyi, chying bau hte dum ai baw amyu myu ngoi ai nsen na jang, masha amyu baw ni hte ga baw kaga ga tsun ai ni mahkra gaw, gum dagup nna, hkawhkam Nebuhkadneza shadun ai aja sumla hpe nawku ma ai.

AMO LAIKA (AMOS) 6:5

nanhte gaw tingse dum let, nchyun chyun nna, Dawi a dum ai baw, tinang a matu galaw myit dai: