HPAJI NINGLI 2:3 - Jinghpaw Hanson Version Bible

³ Bai, shinggyim masha ni gaw, tinang a prat dingsa e sumsing lamu npu e galaw mai na lam chye ginhka lu hkra, ngai gaw hpaji byeng-ya lam naw hkan let, nye a hkum shan hpe tsabyi jahku hte shapyaw na rai timung, angawk ai lam hpe hkan nang na rai timung, myit chyam yu nngai.

Jinghpaw Common Language Bible 2009

³ Hpaji byeng-ya a matu nye a myit ra sharawng ai hku shadut ai hta hkan let, nye a hkum hpe sabyi ntsin hte shapyaw nna mai kaja lam hkam la na nngai ngu daw dan da ni ai. Dai gaw ginding aga ntsa e hkring mi sha asak hkrung ai shinggyim masha ni aten shama kau lu ai kaja htum ai lam rai na re ngu, ngai myit nawn la nngai.

HPAJI NINGLI 2:3 ပူးပေါင်းရင်းမြစ်များ

NINGPAWT NINGHPANG 47:9

Yaku gaw Hpara-u hpe, Ngai malet nhprang manam rai nna, lai mat sai nhtoi shaning gaw latsa e sumshi ning rai sali ai: ngai hkrung nga ai nhtoi shaning gadun ai hte yak la li ai rai nna, nye a aji awa ni a malet nhprang manam rai yang na hkrung nga ai asak nhtoi hpe n dep ya lu mawe ai, nga nna tsun nhtawm,

YOBA 14:14

Masha gaw si wa sayang, bai hkrung rawt lu na kun? dai rai yang, ngai galai mat ai aten du hkra, ngai hpyen gasat ang ai nhtoi tup, ala nga na nngai.

SHAKAWN KUNGDAWN 104:15

Tsabyi jahku masha a myit hpe shapyaw ya nga ai, Shi a myi man namman hte htoi nga ai: Ashat mung masha a myit hpe shadaw ya nga ai.

GA SHAGAWP 20:1

Tsabyi jahku hkalem chye nga ai; chyaru gaw kabring kabrawng shabyin nga ai. Dai hte nang pa hkawm ai wa gaw, hpaji rawng nga ai, n rai.

HPAJI NINGLI 1:17

Shing rai ngai gaw hpaji byeng-ya hpe mung, myit n su ai hte angawk ai lam hpe mung chye ginhka lu n ga, ngai myit makun nga nngai: dai mung nbung hpe shachyut ai hkrai rai nga ai gaw, ngai myit dum nngai.

HPAJI NINGLI 10:19

Kabu gara nga na matu, poi galaw nga nna, tsabyi jahku ngwipyaw shangun nga ai: gumhpraw mung, lam shagu hpe dang nga ai.

HPAJI NINGLI 12:13

Yawng mayawng ya shapraw ngut sai; ga kanu gaw da ndai rai nga ai: Karai Kasang hpe hkrit hkungga nna, shi hkang da ai ga hpe madat mara nga u; dai gaw shinggyim masha ni a lam madung rai nga ai.

HPAJI NINGLI 2:24

Masha gaw shi a amu bungli galaw let, lusha nna myit pyaw nga lu ai hta, grau kaja ai gaw nga lu ai n rai; dai mung Karai Kasang a lata kaw na rai nga ai hpe ngai mu chye nngai.

HPAJI NINGLI 5:18

Yu u, Karai Kasang gaw masha wa hpe jan a npu e jaw ya ai, amu bungli galaw na, hkrung nga ai nhtoi mahkra hta, lu let, sha let, shi a amu bungli majaw ngamu ngamai nga lu ai gaw, mai kaja ai hte htaphtuk ai lam rai nga ai, ngai mu matsing da nngai: dai gaw shi a kamhtaw rai nga ai.

HPAJI NINGLI 6:12

Masha gaw, shi kaman lila hkrung nga ai prat tup, shingnip zawn lai mat wa sayang, shi a matu kaja nga ai lam hpa re ai, kadai chye lu a ta? Jan a npu e htawm hpang de hpa byin na ra ai lam, shi hpe kadai tsun lu a ta?

HPAJI NINGLI 7:18

Ndai ga hpe hta la na mai nga ai; dai hpe hkum tat kau et; Karai Kasang hpe hkrit kamyin ai wa gaw, dai lam yawng hta awng wa na ra ai.

HPAJI NINGLI 7:25

Hpaji byeng-ya hte nga yawng nga pra a npawt nhpang mung, tara n lang ai lam gaw angawk ai lam, myit n su ai lam gaw mana bu ai lam, rai nga ai hpe, chye na lu hkra, ngai gaw lam shagu sagawn yu nna, nye a myit masin gaw dai hpe chye na lu na sawk yu nga ai.

HPAJI NINGLI 8:15

Shaloi ngai gaw pyaw daw lam shakawn nga nngai: kaning rai nme law, lusha na hte pyaw pyaw nga ai hta kaga, shinggyim masha gaw jan a npu e grau kaja ai lam n chye nga ai: dai gaw, jan a npu e, shi hkrung nga ai prat tup matu, Karai Kasang shi hpe jaw da ai amu bungli agrin nga ai akyu rai nga ai.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

EHPESU 5:18

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

TARA AGYI 9:13

tsabyi ru mung, ‘Karai Kasang hpe mung, shinggyim masha hpe mung shangwi shapyaw chye ai, nye jahku machyan hpe, ngai kau da nna, nanhte a ntsa e lung gram na rai ni?’ ngu nna htan wu ai.

1 SAMUELA 25:36

Abigela mung, Nabala hpang de bai wa ai: shi chyawm gaw hkawhkam poi zawn, shi a nta e poi kaba de nna, shi chyaru ja ja nang ai majaw, shi grai pyaw nga ai: madu jan mung, hpang jahpawt nhtoi htoi hkra, hpa mung n tsun dan ai ip da wu ai.