HPAJI NINGLI 12:3 - Jinghpaw Hanson Version Bible

³ Dai nhtoi ni hta nta sin ai ni gari wa nna, n-gun ja ai ni hkum htingkung na mara ai; mam rin ai ni n law ai majaw sim mat nna, hkuwawt hku kaw na mada azi yu ai ni sin mat na mara ai;

Jinghpaw Common Language Bible 2009

³ Nang hpe makawp maga da ai na a lata lahpum ni gari ashun wa nna, n-gun ja ai na a lagaw ni n-gun kya mat wa na ra ai. Lusha maya sha na, na a awa ni run mat na ra ai; na a myi mung nau wa amam mat nna asan sha n mu lu na ra ai.

HPAJI NINGLI 12:3 ပူးပေါင်းရင်းမြစ်များ

NINGPAWT NINGHPANG 27:1

Ya Isak dingla nna shi a myi amam ai hte myi n mu mat sayang, shi a kasha kaba Esaw hpe, “Ngai sha e,” ngu nna shaga wu ai: shi mung, nang nga nga nngai, ngu nna htan wu ai.

NINGPAWT NINGHPANG 48:10

Ya, Israela dingla la sai majaw myi amam nna n mu lu wu ai: shan hpe she kaw sit wa shangun nna, shan hpe ahpum let pup wu ai.

SHAKAWN KUNGDAWN 102:23

Shi gaw nye a n-gun hpe, lam hkan e shayawm nna, Nye a nhtoi ni hpe shagying ya ni ai.

SHAKAWN KUNGDAWN 35:14

Jinghku hte hpunau a matu zawn, ngai yawn hkawm nga nna, Kanu a majaw sharung shayawt ai wa zawn, Yawn palawng hte ngai karen hkawm nga nngai.

SHAKAWN KUNGDAWN 38:6

Du krung ai hte ja ja htingkung nna, ngai nga nga nngai; Shani tup yawn palawng hte ngai karen hkawm nga nngai.

ZEHKARIA 8:4

Zaw nawng zaw wa up ai Yehowa ning nga ai: “Yerusalem mare lam ni hta aprat kaba nna, dawhkrawng lang ai gumgai dingla ni, naw shanu nga na mara ai.

1 SAMUELA 3:2

Kalang mi na Eli gaw shi a shara e yup nga nna, shi a myi amam mat ai majaw n mu lu ai shaloi e,