HPAJI NINGLI 11:9 - Jinghpaw Hanson Version Bible

⁹ Shabrang wa e, na a brang ram prat e kabu gara nga u; brang ram aten e na a myit masin ngwipyaw nga nna, nang myit sharawng awng ai hte, na a myi madun ai de, hkan sa u; rai timung, dai lam yawng mayawng a matu, Karai Kasang nang hpe tara dara na ra ai, adum nga u.

Jinghpaw Common Language Bible 2009

⁹ Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 11:9 ပူးပေါင်းရင်းမြစ်များ

NINGPAWT NINGHPANG 3:6

Hpun dai gaw sha na matu mai kaja ai mung, myi a matu yu chyoi nga ai mung, hpaji lu la na matu sharawng awng ai hpun rai nga ai mung, dai numsha gaw mu wu jang, dai hpun hta na asi di sha wu ai: madu wa hpe mung shi agaw jaw wu ai rai nna, shi mung sha wu ai.

NINGPAWT NINGHPANG 6:2

Karai Kasang a shadang sha ni gaw shinggyim masha ni a shayi sha ni tsawm htap nga ma ai hpe mu mu ai rai nna, tinang ra ai hte maren num lata la ma ai.

1 HKAWHKAM 18:12

ngai nang kaw nna pru wa yang, Yehowa a Wenyi gaw ngai n chye ai shara de nang hpe woi htawt mat na ra ai: shing rai, ngai Ahab hpe sa tsun yang, shi nang hpe n mu hkrup nna, ngai hpe sat kau na nngai: na mayam, ngai wa chyawm gaw, brang ram prat kaw nna Yehowa hpe hkrit hkungga ni ai.

1 HKAWHKAM 18:27

Ya jan pungding e rai jang Elia gaw, “Aja awa jahtau yu mu; shi gaw Hpara rai nga ai hka; myit sumru yu nga ai nhten, shing n rai lama ma hkan tam sa ai; lam hkawm nga ai nhten, shing n rai yup pyaw nga nna jasu ra ai,” ngu nna shanhte hpe asawng mu ai.

1 HKAWHKAM 22:15

Ya shi gaw hkawhkam kaw du yang hkawhkam wa gaw, “Mihkaia e, an gaw Ramot-gilead de hpyen gasat na matu, sa mai n sa mai na kun?” ngu nna sa wu yang, shi gaw, “Lung gasat nna, awng wa nu; Yehowa dai mare hpe hkawhkam wa a lata de ap ya na ra ai,” ngu wu ai.

YOBA 31:7

Nye a lagaw lam yit nga nna, nye a myit masin nye a myit ra ai hku hkan nga ai hte, nye a lata hta kashun kashe lawm nga yang,

SHAKAWN KUNGDAWN 81:12

Dai majaw tinang myit ai hku shanhte hkan nang lu hkra, Tinang a myit ja ai hta ngai shanhte hpe dat dat mawe ai.

HPAJI NINGLI 12:1

Na a brang ram prat e, na a Hpan Wa Ningsang hpe mung adum nga u: “Dai nhtoi ni hpe ngai n ra ni ai,” nga nna myit ru myit ra ai nhtoi ni garai n du ai hte, shaning ni garai n ni wa yang;

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

HPAJI NINGLI 2:10

Nye a myi ra gasit ai hpa rai timung, ngai n gang kau nngai; ngai galaw ai amu mahkra hta, nye myit kabu nga lu ai majaw, nye myit pyaw hpa ra mara hpe ngai n dang nngai: dai gaw nye amu mahkra a amyat rai nga ai.

HPAJI NINGLI 3:12

Shanhte pyaw pyaw nga lu na hte, naw hkrung nga ai laman e, mai kaja ai amu galaw na hta, shanhte a matu grau kaja ai lam hpa mung n nga ai gaw, ngai chye nngai.

HPAJI NINGLI 3:17

Shaloi ngai gaw, Maw mawn ai lam shagu hte amu bungli shagu a matu, san da ai aten rai nga ai majaw, Karai Kasang gaw dinghpring ai wa hte tara n lang ai wa hpe dawdan na ra ai, nga nna nye a kraw e tsun nngai.

HPAJI NINGLI 6:9

Tinang myi e nan mu lu ai akyu gaw, lawhpa myit hta grau kaja nga ai; dai mung kaman lila hte nbung shachyut ai hkrai rai nga ai.

HPAJI NINGLI 7:14

Ngamu ngamai ai aten e kabu gara nga mu; matsan mayan hkrum ai aten e sumru yu nga u; gaja wa, shinggyim masha gaw, tinang a hpang e hpa byin na ra ai hpe, n chye sawn lu hkra, Karai Kasang gaw dai lam lahkawng hpe kapyawn tawn da wu ai.

YEREMIA 23:17

Shanhte gaw, Yehowa ga tsun sai, nanhte ngwipyaw nga lu na myit dai, nga nna ngai e n kaw n law di ai ni hpe, tut tut hkaw tsun ma ai; tinang myit ja ai hku hkan ai ni yawng hpe, Nanhte ari ahpri hkrum na n rai, nga nna tsun ma ai.

YEREMIA 7:24

shanhte gaw n madat ai hte na mung n na la ai sha, tinang a hpaji daw ai hte myit ja ai hku hkan nang let, myi man n yawng ai, shingdu dat kau ma ai.

SHARUNG SHAYAWT 3:27

Masha wa gaw, brang ram prat e kandang hpai na, mai kaja nga ai.

BU HKAWM 15:30

Israela kashu kasha wa rai timung, amyu kaga wa rai timung, dingsa sa shut ai rai yang gaw, Yehowa hpe n gawn n sawn re ai rai nga ai majaw, dai wa gaw shi a amyu hta na sumri dan kau ya ai hkrum lu na rai wu ai.

BU HKAWM 15:39

dai banbyau ni hpe nanhte mu jang, Yehowa tsun matsun dum ai hte hkan shatsup lu myit ga, shawng de tinang yit hte tinang ra ai hku hkan nna shut hkawm ai zawn, bai n hkan shut ai sha;

BU HKAWM 22:32

Yehowa a lamu kasa mung, “Na a lawze hpe hpa rai masum lang kayat wu ta?” yu u, nang sa wa ai lam ngai hte nhtan shai lit dai majaw, nang hpe ban shadang na ngai pru sa ring ngai:

MAHTE 5:28

Ngai mahtang nanhte hpe tsun made ai gaw, myit madu hte numsha hpe yu yu nna ra ai wa gaw, shi a myit hta, dai numsha hte, num shaw ai amu galaw nu ai.

LUKA 12:19

nye a myit masin hpe ning ngu na we ai, ‘Myit masin e, law law ning a matu arai kaja law law nang shinggyin da nit dai: asan apan rai nga nu, lu nu, sha nu, pyaw pyaw rai nga nu’ ngu na we ai,” nga ai.

KASA 14:16

Shi gaw, moi shawng na ni a ban e masha amyu baw shagu hpe, tinang ra ai hku hkan mu ga nga, dat tawn da mu ai;

KASA 24:25

Pawlu gaw dinghpring ai lam, tinang hkum hkang ai lam hte du magang ra ai tara dara ai lam shapraw dan wu yang, Hpilik kajawng nna, “Ya naw wa su, ngai rau jang me nang hpe shaga na de ai,” ngu wu ai.

ROMA 14:10

Nang chyawm gaw, hpa majaw na nhpu nnau wa hpe jeyang nga n ta? bai, na nhpu nnau wa hpe hpa majaw n gawn n sawn rai nga n ta? Anhte yawng mayawng hte gaw, Karai Kasang a tara tingnyang a man e du tsap na ra ga ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

TARA JAHPRANG 29:19

Dai wa hpe Yehowa lahpawt na wu ai n rai; Yehowa pawt bu ai hte nsu ai myit gaw dai wa a ntsa e grung nga nna, ndai laika hta ka da ai dagam dala nlang hte hpe dai wa a ntsa e ru bun na wu ai; Yehowa mung dai wa a amying hpe sumsing lamu npu na arut kau na wu ai.

HEBRE 9:27

Shinggyim masha ni mung, lang mi sha si wa nna, dai hpang e dawdan hkrum na ra ai zawn,

YAWSHU 7:21

ngai shut kau ai lam gaw, dai lanep rai hta na reng ai Shina hpajawng langai mi, gumhpraw shekela ni tsa hte shekela manga shi rawng ai ja hkaw langai mi ngai mu nna, dai hpe ra ai majaw la kau se ai: yu u, dai gaw nye a sum kata e ga hta lup da we ai, gumhpraw gaw ga de jahtum nga ai,” ngu nna tsun dan wu ai.

2 PETRU 3:7

Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.