HPAJI NINGLI 1:9 - Jinghpaw Hanson Version Bible

⁹ Byin na ra ai amu gaw, byin ngut sai amu hkrai rai nga ai; ya galaw ai amu gaw, galaw ngut sai amu hkrai rai nga nna, jan a npu e amu ningnan hpa mung n nga ai.

Jinghpaw Common Language Bible 2009

⁹ Shawng e byin ngut sai gaw bai byin wa na ra ai. Bai byin wa na ra ai amu gaw shawng e galaw lai mat wa sai ni hkrai rai nga ai. Ndai mungkan ga ting hta ningnan hpa mung n nga nga ai.

HPAJI NINGLI 1:9 ပူးပေါင်းရင်းမြစ်များ

HPAJI NINGLI 1:10

Yu u, da ndai gaw amu ningnan rai nga ai, nga nna tsun dam yang, dai gaw moi chyaloi nhkoi, anhte a shawng e, byin ngut sai hkrai rai nga ai.

HPAJI NINGLI 2:12

Bai, hpaji byeng-ya hpe mung, myit n su ai hte angawk ai lam hpe mung, ngai kayin sumru yu nngai; kaning rai nme law, hkawhkam wa a hpang e hkan nang ai wa gaw, hpa galaw lu na rai ta? moi galaw yu ai hte maren sha, galaw lu nga ai.

HPAJI NINGLI 3:15

Ya nga ai gaw, moi chyaloi nhkoi e byin ai hkrai rai nga ai; byin na ra ai mung, moi chyaloi nhkoi e byin ngut sai rai nga ai: lai mat wa sai lam ni mung, Karai Kasang bai hkan tam nga ai.

HPAJI NINGLI 6:10

Moi na byin mabyin hpe, chyaloi nhkoi shamying da ngut sai; masha wa gaw hpa wa rai nga ai hpe moi nna chye chyalu rai nga ai; shi gaw shi hta grau kaba ai wa hpe mara shagun lu ai n rai.

HPAJI NINGLI 7:10

Shawng na prat gaw, ya na prat hta hpa majaw grau kaja a ta? nga nna hkum san et; shing rai san ai gaw, hpaji hku hte san ai n rai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

YEREMIA 31:22

Htak mat ai shayi sha e, gaten du hkra kahkrang hkawm nga na n ta? Yehowa gaw ga ntsa e htung nnan tawn da nna, numsha gaw la wa hpe makawp lu na ra ai.

2 PETRU 2:1

Rai timung, amyu masha ni hta e, masu ai myihtoi ni mung paw pru ma ai; dai hte maren, nanhte hta e mung, masu ai sara ni paw pru wa na mara ai rai nna, jahten shabya chye ai bra wa ai ga hpe, mayun jashawn la nna, shanhte hpe mari la sai Madu hpe nyet kau ai hte, tinang dai a ntsa e tsin-yam tsindam hpe, larau ladau du shangun na maru ai.

SHINGRAN 21:1

Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.

SHINGRAN 21:5

Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.