HPAJI NINGLI 1:2 - Jinghpaw Hanson Version Bible

² ‘Kaman lila, kaman lila,’ nga nna Tara Hkaw Sara nan tsun nga ai. Kaman lila, kaman lila, yawng mayawng kaman lila hkrai rai nga ai.

Jinghpaw Common Language Bible 2009

² Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai.

HPAJI NINGLI 1:2 ပူးပေါင်းရင်းမြစ်များ

YOBA 11:12

Rai timung, lawze nhprang gaw masha tai lu yang she, kaman lila wa gaw hpaji myit lu na re ai.

SHAKAWN KUNGDAWN 144:4

Masha wa gaw nbung hte bung nga ai. Shi a nhtoi ni lai mat wa ai shingnip zawn rai nga lu ai.

SHAKAWN KUNGDAWN 89:47

Nye a aprat gade gadun nga ai gaw, dum u: Shinggyim masha ni hpe hpa lila majaw nang hpan da nga n hka!

HPAJI NINGLI 11:10

Dai re ai majaw, na a myit masin hta na yawn hkyen ai hpe, na a hkumhkrang hta na aru ara hpe, yeng kau u: kaning rai nme law, brang ram aprat hte chyang ai kara gaw, kaman lila rai nga ai.

HPAJI NINGLI 11:8

Rai sa, masha wa gaw law law ning hkrung nga yang, dai yawng hte hta shi kabu gara nga mai ai rai timung, du na ra ai nsin sin ai nhtoi ni hpe naw dum nga u ga; dai nhtoi ni gaw law nga ai. Du na ra ai yawng hte gaw kaman lila rai nga ai.

HPAJI NINGLI 12:8

Kaman lila, kaman lila, yawng mayawng kaman lila hkrai rai nga ai, nga nna Tara Hkaw Sara nan tsun nga ai.

HPAJI NINGLI 2:11

Shaloi nye a lata galaw ai amu mahkra hte, ngai shachyen ai bungli yawng mayawng hte hpe ngai mada yu nna, yu u, nlang hte gaw kaman lila hte, nbung hpe shachyut ai hkrai rai nga ai; jan a npu e akyu hpa mung n nga sai.

HPAJI NINGLI 2:15

Dai rai nna, Angawk ai wa hkrum ai zawn, ngai mung hkrum na rai yang, ngai shi hta hpa majaw hpaji byeng-ya grau rawng n ta? nga nna nye a kraw e ngai tsun nngai. Bai ngai gaw, Dai mung kaman lila hkrai rai nga ai, nga nna tsun nngai.

HPAJI NINGLI 2:17

Shing rai, jan a npu e shachyen ai amu gaw, nye a matu yak la ai amu hkrai rai nga ai majaw, ngai nye a asak hpe n dawng nngai: kaning rai nme law, yawng hte gaw kaman lila hte nbung hpe shachyut ai hkrai rai nga ai.

HPAJI NINGLI 2:19

dai wa gaw hpaji rawng na kun, angawk ai wa tai na kun, kadai chye lu a ta? Rai timung, jan a npu e nye a hpaji byeng-ya hte ngai shangut ai magam bungli mahkra a ntsa e shi up na ra ai: dai mung kaman lila hkrai rai nga ai.

HPAJI NINGLI 2:21

Kaning rai nme law, marai langai mi hpaji byeng-ya, chye chyang ai hte maka kumla chye shapraw timung, dai amu hta hpa n shakut lawm ai wa a matu htawng da ya ang ai majaw, dai mung kaman lila hte yubak kaba rai nga ai.

HPAJI NINGLI 2:23

Shi gaw shi a prat tup yawn hkyen ai hkrum sha nna, shi a amu bungli ni ruyak ai hkrai rai nga ai; gaja wa shana e pyi shi myit awai lu ai n rai. Dai mung kaman lila rai nga ai.

HPAJI NINGLI 2:26

Kaning rai nme law, Karai Kasang, shi sharawng awng ai hpe hpaji byeng-ya, chye chyang ai hte kabu gara ai jaw ya let, shi sharawng awng ai wa hpe jaw na matu, lahkawn la nna mahkawng da na nga, shi gaw yubak kap ai wa hpe amu makan galaw shangun nga ai. Dai mung kaman lila hte nbung hpe shachyut ai hkrai rai nga ai.

HPAJI NINGLI 2:8

aja gumhpraw mung, hkawhkam ni a sutgan hte mungdaw ni hta na hkansi hpe ngai mahkawng da nngai; mahkawn mangoi chye ai, la rai timung, num rai timung, ngai shaga la nna, masha hpe chye shapyaw ai numdung hte lashi num law law lu nngai.

HPAJI NINGLI 3:19

Kaning rai nme law, shinggyim masha ni hta byin ai gaw, ashu ashan ni hta mung byin nga ai; shanhte gaw lam langai sha hkrum nna, langai mi si ai zawn, kaga mung si nga ai; yawng hte gaw nsoi nsa langai sha rawng nga ai rai nna, masha wa gaw ashu ashan hta grau ai n rai: yawng hte gaw kaman lila rai nga ai.

HPAJI NINGLI 4:16

Shi up ai masha amyu ni gaw hti n dang law nga ai: rai timung, shi hpang e pra ai ni, shi a lam kabu shara n nga ai. Gaja wa dai mung kaman lila hte, nbung shachyut ai amu hkrai rai nga ai.

HPAJI NINGLI 4:4

Bai ngai gaw, masha ni shada da manawn masham hkat ai hpaji byeng-ya amu hte maka kumla amyu myu hpe, sumru yu nngai: dai mung, kaman lila hte, nbung hpe shachyut ai hkrai rai nga ai.

HPAJI NINGLI 4:8

Marai langai mi gaw kanawn manang, kashu kasha, kahpu kanau n lu timung, shi a amu n htum hkraw ai hte shi a myi sutgan hpe n yu krem nga ai. Dai rai nna shi gaw Ngai gade a matu shakut sharang ai hte, nji nmu hkrum nga nngai i? nga nna san nga ai: dai mung kaman lila hte hki ba ai amu kaba hkrai rai nga ai.

HPAJI NINGLI 5:10

gumhpraw marin ai wa gaw, gumhpraw hte myit dik lu ai n rai; sut su mayu ai wa gaw, sutgan jat timung, myit dik lu ai n rai: dai mung kaman lila rai nga ai.

HPAJI NINGLI 6:11

Kaman lila jat ai lam law nga ai rai nna, masha gaw hpa akyu rawng a ta?

ROMA 8:20

Dai nga yawng nga pra chyawm gaw, hten run lam npu e shagrit kau ai hkrum rai timung, tinang ra ai hku n re ai sha, nga yawng nga pra nan lala sharen da ngu ai hten mat ai kaw na shalawt dat ai hkrum nna,