HPAJI NINGLI 1:11 - Jinghpaw Hanson Version Bible

¹¹ Lai wa sai aprat ni hpe, kadai mung n dum lu ai; htawm hpang e du na ra ai ni mung, hpang na aprat ni hpe chye matsing lu na ma ai n rai.

Jinghpaw Common Language Bible 2009

¹¹ Kadai mung lai sai aten ni hta hpa byin lai wa sai hpe n dum nga ai, htawm hpang de du sa wa na ni kadai mung ndai prat hte hpang na aprat lapran hta hpa byin na lam dum na n rai.

HPAJI NINGLI 1:11 ပူးပေါင်းရင်းမြစ်များ

HPAJI NINGLI 2:16

Kaning rai nme law, hpaji byeng-ya rawng ai wa hpe rai timung, angawk ai wa hpe rai timung, htawm hpang e kadai dum nga ai n rai; ya byin nga ai amu hpe htawm hpang prat e malap kau ai hkrai rai nga ai; dai hta n-ga, hpaji byeng-ya rawng ai wa gaw, angawk ai wa zawn, si wa a hka!

SHAKAWN KUNGDAWN 9:6

Gumlau ni mat mat wa nna, prat tup htinggaw htum mat masai. Mare ni hpe mung nang run kau nna, De a masat dingsat pyi hten mat sai.

HPAJI NINGLI 9:5

Hkrung nga ai ni gaw, tinang si na hpe chye nga ma ai: si mat ai ni chyawm gaw hpa n chye ma ai hte, hpa shabrai mung, n hkam la lu manu ai: kadai mung shanhte hpe n dum ma ai.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

HPAJI NINGLI 1:10

Yu u, da ndai gaw amu ningnan rai nga ai, nga nna tsun dam yang, dai gaw moi chyaloi nhkoi, anhte a shawng e, byin ngut sai hkrai rai nga ai.

HPAJI NINGLI 8:10

Shing rai, tara n lang ai wa gaw, makoi mayang hkrum nna, masha ni shi a lup de sa de ma ai; tengman ai amu galaw ai ni hpe chyawm gaw, chyoi pra ai shara de na pru ngut jang, mare hta e malap mali di kau hkrum ma ai, ngai mu nngai: dai mung kaman lila rai nga ai.