HOSEA 9:8 - Jinghpaw Hanson Version Bible

⁸ Ehprim gaw, tinang a Karai Kasang a sin langa tai yu sai: myihtoi wa gaw, lam shagu hta mahkam hkrum nna, shi a Karai Kasang a nta hta, n dawng n yawt ai hkrai rai nga ai.

Jinghpaw Common Language Bible 2009

⁸ Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

HOSEA 9:8 ပူးပေါင်းရင်းမြစ်များ

1 HKAWHKAM 17:1

Shaloi Gilead mung e sa nga ai Tirbi masha Elia gaw, Ahab hpe, “Ngai daw jaw nga ai Israela Karai Kasang Yehowa hkrung nga ai hte maren ngai n tsun yang gaw, ya kaw nna mari mung n hkrat, marang mung n htu na ra ai,” ngu wu ai.

1 HKAWHKAM 18:1

Ya tawng marang mi ngu na, masum ning hta e, Yehowa a ga gaw Elia kaw du nna, “Sa wa su, na hkum Ahab hpe madun dan su; ngai gaw ga ntsa e marang htu shangun na we ai,” ngu wu ai.

1 HKAWHKAM 18:19

Dai re ai majaw, Israela masha ni nlang, Bala myihtoi ni mali tsa manga shi hte, Yezebela sha ku e shat jawm sha nga ai. Ashera myihtoi ni mali tsa hpe mung Hkarmela bum de ngai kaw zuphpawng shangun mu law,” ngu wu ai.

1 HKAWHKAM 22:11

Hkenana kasha Zedekia gaw hpri nrung galaw nna, Yehowa ning nga ai: Suri masha ni hpe shaza kau lu hkra, ndai nrung hte nang shanhte hpe daru kau na mu ai, nga ai, ngu wu ai.

1 HKAWHKAM 22:22

Yehowa gaw, “Kaning di lau na wu ta?” ngu nna san wu yang, dai wenyi gaw, “Ngai pru nna, shi a myihtoi ni mahkra a n-gup hta masu ai wenyi tai na nngai, ngu nna htan wu ai. Yehoaw mung, Nang shi hpe lau lu na wu ai; dai hku sa galaw su,” ngu dat wu ai.

1 HKAWHKAM 22:28

Mihkaia gaw, “Nang gaja wa ngwipyaw ai hte bai wa n yang gaw, Yehowa nye a n-gup hte ga htawn tsun sai n rai,” ngu wu ai. Bai shi gaw, “Mung masha ni e, Yawng hte gaw, dum nga mu law,” nga ai.

1 HKAWHKAM 22:6

Shaloi Israela hkawhkam gaw myihtoi mali tsa daram jahpawng tawn nhtawm, “Ngai gaw Ramot-gilead de hpyen gasat na, sa mai n sa mai na a kun?” Ngu nna shanhte hpe san yu mu yang, shanhte gaw, “Lung wa su; Yehowa Madu dai mare hpe hkawhkam wa a lata de ap ya na ra ai,” ngu nna htan mu ai.

2 HKAWHKAM 13:21

Dai aten hta e mare masha ni gaw masha langai mi hpe lup makoi nga yang, damya hpung mi du ra ai hpe, shanhte mu ma ai rai nna, si mang hpe Elisha a lup hta gan tawn da mu ai: ya dai si mang gaw Elisha a nrut nra hta hkra jang, shi hkrung wa nna rawt tsap nga ai.

2 HKAWHKAM 2:14

Elia gaw nna hkrat wa ai hpajawng hpe la nhtawm, hka hpe kayat let, shi gaw, “Elia a Karai Kasang Yehowa gaw kanang rai nga a ta?” ngu wu ai: shing rai dai hka hpe kayat yang, hka gaw gade de karan mat wa nna, Elisha gaw rap tawng mat wa ai.

2 HKAWHKAM 2:21

Shaloi shi gaw hka hpawk de sa nna, dai hta e jum bang let, Yehowa ning nga ai, “Ngai gaw dai hka hpe mu shangun nna, ya kaw nna si ai mung, nbya ubya mung byin sa na n rai,” nga ai.

2 HKAWHKAM 4:41

Shaloi Elisha gaw, “Rai taw, muk shadung la wa rit,” ngu nna, dai muk shadung hpe di hta bang nhtawm, Ya shadung hpe si hta bang nhtawm, “Ya sha na matu ru tawn u,” ngu wu yang, di hta e nang hpa n lawm nga ai.

2 HKAWHKAM 4:43

Shaloi shi gaw, “Ndai masha ni hpe karan jaw mu,” ngu wu ai. Shi a hkringmang wa mahtang, “Ndai gaw masha latsa hpe kaning di karan jaw lu na rai ta?” ngu wu yang, Elisha gaw, “She karan jaw mu: Yehowa ning nga ai, Shanhte sha lu nna naw ngam nga na ra ai, nga ai,” ngu nna tsun wu yang,

2 HKAWHKAM 5:14

Shing rai shi gaw, Karai Kasang a masha wa tsun ai hte maren, Yawdan hka de yu wa nna, shi hkum hpe sanit lang kapruk jang, shi a hkum shan gaw ma kaji a hkum shan zawn rai mat nna, shi gaw san pra wa ai.

2 HKAWHKAM 5:27

Dai re ai majaw, Naman a manggang gaw nang hte na a aru arat hta tutnawng prat dingsa e akap nga na ra ai,” ngu wu ai. Dai rai nna Gehazi gaw hkyen zawn hpraw ai, manggang kap ai wa tai nna, shi madu a man kaw na pru mat wa ai.

2 HKAWHKAM 7:19

Hpyen du wa chyawm gaw, “Yu u, Yehowa sumsing lamu hta e hkuwawt hku waw da yang pyi, dai lam byin lu na a ni?” ngu nna Karai Kasang a masha wa hpe tsun wu yang, shi gaw, “Yu u, nang gaw na a myi hte nan mu lu timung, n sha lu n ndai,”

2 HKAWHKAM 7:2

Hkawhkam wa shamyet shanat nga ai hkringmang wa mahtang, “Yehowa gaw sumsing lamu hta e hkuwawt hku waw da yang pyi, dai lam byin lu na a ni?” ngu nna Karai Kasang a masha wa hpe htan wu yang, shi gaw, “Yu u, nang gaw na a myi hte nan mu lu timung, n sha lu na ndai,” ngu wu ai.

SHAKAWN KUNGDAWN 124:7

Mahkam hta na lawt lu ai u zawn, Anhte a myit masin lawt lu mali ai. Mahkam gaw dut mat nna, anhte lawt lu saga ai.

HPAJI NINGLI 9:12

Kaning rai nme law, shinggyim masha gaw shi a aten ladaw n chye nga ai: anga ni gaw n hkru ai byek hta chyat nga ai hte, u ni gaw mahkam hta shang ai zawn, shinggyim masha ni gaw, byin ang ai n hkru ai aten hta, ndum shami e shang nna lu nga ma ai.

Shawlumon A Mahkawn Ga 3:3

Mare sin ai ni ngai hpe mu hkrup nna, ngai gaw, Ataw, nye myit masin tsawra ai wa hpe, n mu ya myit ni? Ngu nna san nngai.

ESAIA 62:6

Yerusalem e, ngai gaw na a bunghku ntsa e sin langa ni hpe tawn da nngai; shanhte gaw shani shana tutnawng atsin sha nga na n rai; Yehowa a lam shadum jahprang ai ni e, atsin sha hkum nga myit:

YEREMIA 11:19

Ngai mahtang, sat na matu woi sa wa ai sumnung ai sagu kasha zawn rai nga nngai; shanhte gaw, Shi a amying hpe kadai n dum lu hkra, asi hte hpawn hpun hpe mung, dinghta ga na shaprai kau gaw, nga nna nye a lam shanhte myit mang ai hku, ngai n chye nngai.

YEREMIA 14:13

Dai rai nna ngai gaw, Aga, Madu Yehowa e, myihtoi ni mahtang, Nanhte nhtu hkrum na n rai, kawsi hpang gara mung hkrum na n rai; ngai gaw ndai yang e nanhte hpe tut ngwipyaw nga shangun na nngai, nga nna shanhte hpe hkaw tsun ma ai, nga nngai.

YEREMIA 23:13

Samari mung na myihtoi ni hta n htuk ai lam ngai mu nngai; shanhte gaw Bala hpe gang let, myihtoi htoi nna, nye a amyu Israela hpe lam dam shangun mu ai.

YEREMIA 31:6

Kaning rai nme law, Ehprim bum ga e sin nga ai ni gaw, Rawt mu, anhte a Karai Kasang Yehowa nga ai Ziun bum de lung wa ga, nga nna garu ai aten du na ra ai.

YEREMIA 6:14

Ngwipyaw n nga timung, Ngwipyaw nga ai, ngwipyaw nga ai, nga nna tsun let, shanhte gaw nye a amyu masha ni a nma hpe, loi mi sha shamai masu nga ma ai.

YEREMIA 6:17

Bai, nanhte a ntsa e sin langa ni ngai tawn da nna, Pahtau dum ai nsen hpe madat mara mu, nga nna tsun yang, shanhte gaw, Anhte n madat na ga ai, nga nna htan ma ai.

SHARUNG SHAYAWT 2:14

Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

SHARUNG SHAYAWT 4:13

Dai gaw myihtoi ni a yubak hte hkinjawng ni shut hpyit ai a majaw byin wa sai. Shanhte gaw dai mare ka-ang e, dinghpring ai ni a sai ru kau masai.

EZEKELA 33:7

Dai hte maren, masha kasha e, Israela dap ntsa e sin ai wa tai na matu, ngai nang hpe san da ni ai; dai re ai majaw nye a n-gup ga madat nna, nye a ga hte shanhte hpe shadum jahprang u.

HOSEA 5:1

“Hkinjawng ni e, ndai lam na la mu; Israela dap e, madat mara nga mu; hkawhkam wa htingnu na ni e, matsing mu: nanhte gaw dawdan ai hkrum na myit dai; kaning rai nme law, nanhte gaw, Mizpa shara e mahkam, Tabora bum ntsa e hpyan tawn ai sumgawn, tai manit dai.

HOSEA 9:7

Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

HOSEA 9:9

Gibea mare a aprat e zawn, shanhte gaw tinang hkum hpe grai awu asin di kau manu ai: shi gaw shanhte a shut hpyit ai hpe dum nna, shanhte a yubak majaw, ari jaw na ra ai.”

MIHKA 7:4

Shanhte hta grau kaja ai wa gaw ju hpun zawn rai nga ai; myit grau malang ai wa gaw ju nhpan hta grau yak nga ai; na a sin langa ni mu ai nhtoi ngu ai, nang ari ahpri hkrum na nhtoi, ya du ra ai: ya shanhte gaw nhtum nni hkrum na mara ai.

YAWHAN 15:24

Masha kaga n di lu ai amu, ngai shanhte hta n di nngai rai taw gaw, shanhte hta mara n nga na re ai: ya chyawm gaw shanhte ngai hte nye Wa hpe mu da ninglen, an lahkawng hpe n dawng n yawt rai masai.

ROMA 3:7

Bai, nye a masu matsa ga hte Karai Kasang a tengman ai lam grau nna arawng sadang jat wa a yang gaw, yubak kap ai wa zawn jeyang ai hpe, ngai hpa rai naw hkrum nga n ta?

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.