HOSEA 9:7 - Jinghpaw Hanson Version Bible

⁷ Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

Jinghpaw Common Language Bible 2009

⁷ Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

HOSEA 9:7 ပူးပေါင်းရင်းမြစ်များ

2 HKAWHKAM 9:11

Ya Yehu gaw shi madu a ali ama ni hpang de sa du yang, langai wa mi gaw, “Yawng ngwipyaw nga a ni? Dai mana bu ai wa gaw hpa majaw nang kaw sa du a ta?” ngu nna san wu yang, Yehu gaw, “Nanhte nan dai wa hpe mung, shi tsun ai ga mung, chye nga myit dai,” ngu mu ai.

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 34:8

Kaning rai nme law, Ziun a lam majaw matai htang na shani hte, ari jaw na shaning, Yehowa tawn da sai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

YEREMIA 10:15

Dai ni gaw kaman lila rai nga ma ai; sawt ai ni hkrai rai nga ma ai; dawdan hkrum ai aten e shanhte hkoi mat na mara ai.

YEREMIA 11:23

shanhte hta langai mi ngam nga na n rai; shing rai ngai kawan katsan yu ai shaning hta, ngai gaw Anahtot masha ni a ntsa e tsin-yam tsindam shapraw na nngai, nga nna Zaw nawng zaw wa up ai Yehowa tsun nga ai.

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

YEREMIA 23:13

Samari mung na myihtoi ni hta n htuk ai lam ngai mu nngai; shanhte gaw Bala hpe gang let, myihtoi htoi nna, nye a amyu Israela hpe lam dam shangun mu ai.

YEREMIA 25:14

kaning rai nme law, amyu law law hte hkawhkam kaba ni gaw, Hkalde masha ni hpe pyi mayam yam na mara ai; shanhte a arawn alai hte, tinang hkum nan galaw ai amu hte maren, ngai matai dawp na nngai.

YEREMIA 46:21

Shi a nchyang ni mung, ulawng hta kawn da ai dumsu kasha hte bung nga ma ai: kaning rai nme law, ru tsang ai hte ari ahpri hkrum ai shani shanhte a ntsa e du ra ai majaw, dai ni gaw n tsap nga lu ai, rau kayin hprawng mat wa ma ai.

YEREMIA 6:14

Ngwipyaw n nga timung, Ngwipyaw nga ai, ngwipyaw nga ai, nga nna tsun let, shanhte gaw nye a amyu masha ni a nma hpe, loi mi sha shamai masu nga ma ai.

YEREMIA 8:11

Ngwipyaw n nga timung, “Ngwipyaw nga ai, ngwipyaw nga ai,” nga nna tsun let, shanhte gaw nye a amyu shayi sha a nma hpe loi mi sha shamai masu nga ma ai.

SHARUNG SHAYAWT 2:14

Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

EZEKELA 13:10

Gaja wa, ngwipyaw n nga timung, Ngwipyaw nga ai, nga nna tsun let, shanhte gaw nye a amyu hpe hkalem kau ma ai; langai wa mi bunghku kum nna, shanhte gaw namhtun hte sha dai hpe chya ma ai;

EZEKELA 13:3

Madu Yehowa ning nga ai, ‘Hpa shingran n mu ai sha, tinang a wenyi hkan ai myihtoi mana ni gaw, dingnye lu ma ai.

EZEKELA 25:17

ja la ai sharin achyin ai hte, ngai shanhte hpe grai matai htang na nngai; shing rai, ngai shanhte hpe matai htang yang, ngai Yehowa rai nga ai hpe shanhte chye lu na mara ai,” nga nna Madu Yehowa tsun ai.

EZEKELA 38:23

Shing rai ngai gaw, nye hkum hpe shagrau shatsaw nna, shachyoi shapra ai hte, maigan amyu law law a man e chye shangun na nngai: shaloi ngai Yehowa rai nga ai hpe, shanhte chye lu na mara ai.”

EZEKELA 9:10

“Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

HOSEA 5:9

Daru sharin hkrum ai shani e, Ehprim gaw katsi katsang shara tai na ra ai: teng teng byin magang ra ai lam, Israela amyu ni hpe, ngai chye shangun nngai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

HOSEA 9:8

Ehprim gaw, tinang a Karai Kasang a sin langa tai yu sai: myihtoi wa gaw, lam shagu hta mahkam hkrum nna, shi a Karai Kasang a nta hta, n dawng n yawt ai hkrai rai nga ai.

AMO LAIKA (AMOS) 8:2

Shaloi shi gaw, Amo e, nang hpa mu n ta? nga nna san yang, ngai gaw, Myin ai namsi hpring ai ka langai mi mu nngai, ngu nna htan we ai. Shaloi Yehowa gaw, Nye amyu Israela myin nna, di kau ai hkrum na ra ai; htawm hpang e ngai shanhte hpe shalai dat na n rai.

MIHKA 2:11

Tinang myit hkan nna, masu ga tsun ai wa gaw, Ngai nan tsabyi jahku hte chyaru lam, nang hpe myihtoi htoi na nngai, nga nna tsun yang, dai wa gaw, ndai amyu masha ni a myihtoi rai na ra ai.

MIHKA 7:4

Shanhte hta grau kaja ai wa gaw ju hpun zawn rai nga ai; myit grau malang ai wa gaw ju nhpan hta grau yak nga ai; na a sin langa ni mu ai nhtoi ngu ai, nang ari ahpri hkrum na nhtoi, ya du ra ai: ya shanhte gaw nhtum nni hkrum na mara ai.

ZEHPANI 3:4

Myihtoi ni gaw ga kaman tsun nna, hkalem hkalau ai ni, rai nga ma ai: hkinjawng ni gaw, dai chyoi pra ai shata hpe, awu asin di kau nna, jep ai tara hpe shanut kau ma ai.

MARKU 3:21

Shi a nta masha ni dai hpe na mu yang, “Shi myit n gring nga ai,” ngu nna shi hpe rim la na pru sa wa ma ai.

LUKA 21:22

kaning rai nme law, ka da mada yawng shadik na matu, dai nhtoi ni gaw, matai htang na nhtoi ni rai na ra ai.

2 KORINHTU 5:13

Kaning rai nme law, anhte myit n gring nga ga ai rai yang gaw, Karai Kasang a matu mara n gring nga ga ai; gring nga ga ai rai yang gaw, nanhte a matu mara gring nga ga ai.

SHINGRAN 16:19

Dai rai nna, dai galu kaba ai mare gaw masum brang ga mat wa ai; masha amyu ni a mare ni mung kadawng daw mat shajang ma ai; Babelon mare kaba hpe mung Karai Kasang a sindawng kahtet ai pawt bu ngu ai tsabyi jahku a gawm lu shangun na, shi a man e dai mare hpe matsing da nga ai.